ಕಂಚಿಗೆ ಮುತ್ತಿಕ್ಕಿದ ಭಾರತ

ಭುವನೇಶ್ವರ: ಕರ್ನಾಟಕದ ಎಸ್.ವಿ.ಸುನಿಲ್ ಮತ್ತು ಹರ್ಮನ್ಪ್ರೀತ್ ಸಿಂಗ್ ಅವರು ಭಾನುವಾರ ಕಳಿಂಗ ಕ್ರೀಡಾಂಗಣದಲ್ಲಿ ಮೋಡಿ ಮಾಡಿದರು.

. ಇವರ ಕೈಚಳಕದಲ್ಲಿ ಅರಳಿದ ತಲಾ ಒಂದು ಗೋಲುಗಳ ನೆರವಿನಿಂದ ಭಾರತ ತಂಡ ವಿಶ್ವ ಹಾಕಿ ಲೀಗ್ ಫೈನಲ್ನಲ್ಲಿ ಕಂಚಿನ ಸಾಧನೆ ಮಾಡಿದೆ.

. ಮೂರು ಮತ್ತು ನಾಲ್ಕನೇ ಸ್ಥಾನ ನಿರ್ಧರಿಸಲು ನಡೆದ ಹೋರಾಟದಲ್ಲಿ ಭಾರತ 2–1 ಗೋಲುಗಳಿಂದ ಜರ್ಮನಿ ತಂಡಕ್ಕೆ ಆಘಾತ ನೀಡಿತು.

. 2015ರಲ್ಲಿ ರಾಯಪುರದಲ್ಲಿ ನಡೆದಿದ್ದ ಕೂಟದಲ್ಲೂ ಭಾರತ ತಂಡದವರು ಕಂಚಿಗೆ ಕೊರಳೊಡ್ಡಿದ್ದರು.

. ಲೀಗ್ ಹಂತದ ಹೋರಾಟದಲ್ಲಿ ಭಾರತವನ್ನು ಮಣಿಸಿದ್ದ ಜರ್ಮನಿ ತಂಡ ಭಾನುವಾರದ ಹೋರಾಟದಲ್ಲೂ ಸುಲಭವಾಗಿ ಗೆಲುವಿನ ಸಿಹಿ ಸವಿಯಲಿದೆ ಎಂದೇ ಭಾವಿಸಲಾಗಿತ್ತು. ಹಾಕಿ ಪ್ರಿಯರ ಈ ನಿರೀಕ್ಷೆಯನ್ನು ಆತಿಥೇಯ ತಂಡದ ಆಟಗಾರರು ಹುಸಿಗೊಳಿಸಿದರು.

. ಜರ್ಮನಿ ತಂಡದ ಪ್ರಮುಖ ಐದು ಮಂದಿ ಆಟಗಾರರು ಗಾಯ ಮತ್ತು ಅನಾರೋಗ್ಯದ ಕಾರಣ ಪಂದ್ಯದಲ್ಲಿ ಕಣಕ್ಕಿಳಿಯಲಿಲ್ಲ. ಇದು ಈ ತಂಡಕ್ಕೆ ಹಿನ್ನಡೆಯಾಗಿ ಪರಿಣಮಿಸಿತು.

. ತವರಿನ ಅಭಿಮಾನಿಗಳ ಬೆಂಬಲ ದೊಂದಿಗೆ ಅಂಗಳಕ್ಕಿಳಿದಿದ್ದ ಮನ್ಪ್ರೀತ್ ಪಡೆ ಮೊದಲ ಕ್ವಾರ್ಟರ್ನಲ್ಲಿ ಜರ್ಮನಿ ತಂಡದಿಂದ ಪ್ರಬಲ ಪೈಪೋಟಿ ಎದುರಿ ಸಿತು. 14ನೇ ನಿಮಿಷದಲ್ಲಿ ಈ ತಂಡದ ನಾಯಕ ಮಾರ್ಕ್ ಗ್ರಾಮ್ಬುಷ್ ಗೋಲು ಗಳಿಸುವ ಉತ್ತಮ ಅವಕಾಶ ಕೈಚೆಲ್ಲಿದರು.

. ಎರಡನೇ ಕ್ವಾರ್ಟರ್ನ ಆರಂಭ ದಲ್ಲೂ ಜರ್ಮನಿಗೆ ಮೇಲುಗೈ ಸಾಧಿ ಸುವ ಅವಕಾಶ ಲಭ್ಯವಾಗಿತ್ತು. 19ನೇ ನಿಮಿಷದಲ್ಲಿ ಈ ತಂಡ ಎರಡು ಪೆನಾಲ್ಟಿ ಕಾರ್ನರ್ ಸೃಷ್ಟಿಸಿಕೊಂಡಿತ್ತು. ಎದುರಾಳಿ ಆಟಗಾರರ ಈ ಎರಡೂ ಪ್ರಯತ್ನಗಳನ್ನೂ ಭಾರತದ ಗೋಲ್ಕೀಪರ್ ಸೂರಜ್ ಕರ್ಕೇರಾ ಅಮೋಘ ರೀತಿಯಲ್ಲಿ ತಡೆದು ತವರಿನ ಅಭಿಮಾನಿಗಳ ಚಪ್ಪಾಳೆ ಗಿಟ್ಟಿಸಿದರು.

. 21ನೇ ನಿಮಿಷದಲ್ಲಿ ಸುನಿಲ್, ಆತಿಥೇಯರು ಖುಷಿಯ ಕಡಲಲ್ಲಿ ತೇಲು ವಂತೆ ಮಾಡಿದರು. ಹರ್ಮನ್ಪ್ರೀತ್ ಸಿಂಗ್ ನೀಡಿದ ಪಾಸ್ನಲ್ಲಿ ಚೆಂಡನ್ನು ತಡೆದ ಆಕಾಶ್ ದೀಪ್ ಅದನ್ನು ಗುರಿ ಯತ್ತ ಬಾರಿಸಿದರು. ಆ ಚೆಂಡನ್ನು ಜರ್ಮನಿಯ ಗೋಲ್ಕೀಪರ್ ತೋಬಿ ಯಸ್ ಹೌಕೆ ಮನಮೋಹಕ ರೀತಿಯಲ್ಲಿ ತಡೆದರು. ಅವರು ತಡೆದ ಚೆಂಡು ಗೋಲು ಪೆಟ್ಟಿಗೆಯ ಸನಿಹದಲ್ಲಿ ಬಿತ್ತು. ಇದನ್ನು ಗಮನಿಸಿದ ಸುನಿಲ್ ಕ್ಷಣಾರ್ಧದಲ್ಲಿ ಮುನ್ನುಗ್ಗಿ ಅದನ್ನು ಲೀಲಾಜಾಲವಾಗಿ ಗುರಿ ತಲುಪಿಸಿದರು.

. ಹೀಗಾಗಿ ಆತಿಥೇಯ ತಂಡ 1–0ರ ಮುನ್ನಡೆಯೊಂದಿಗೆ ವಿರಾಮಕ್ಕೆ ಹೋಯಿತು. ದ್ವಿತೀಯಾರ್ಧದಲ್ಲಿ ಮುನ್ನಡೆ ಹೆಚ್ಚಿಸಿಕೊಳ್ಳುವ ಅವಕಾಶ ಸಿಕ್ಕಿತ್ತು. ಹರ್ಮನ್ಪ್ರೀತ್ ಅವರ ಪ್ರಯತ್ನವನ್ನು ಎದುರಾಳಿ ಗೋಲ್ಕೀಪರ್ ವಿಫಲಗೊಳಿಸಿದರು.

. 36ನೇ ನಿಮಿಷದಲ್ಲಿ ಜರ್ಮನಿ ತಂಡ ಸಮಬಲದ ಗೋಲು ದಾಖಲಿಸಲು ಸಫಲವಾಯಿತು. ನಾಯಕ ಗ್ರಾಮ್ಬುಷ್ ನೀಡಿದ ಪಾಸ್ನಲ್ಲಿ ಮಾರ್ಕ್ ಅಪೆಲ್ ಚೆಂಡನ್ನು ಗುರಿ ಮುಟ್ಟಿಸಿದರು. 54ನೇ ನಿಮಿಷದಲ್ಲಿ ಹರ್ಮನ್ಪ್ರೀತ್ ಗೋಲು ಗಳಿಸಿ ಭಾರತದ ಪಾಳಯದಲ್ಲಿ ಹರ್ಷದ ಹೊನಲು ಹರಿಯುವಂತೆ ಮಾಡಿದರು.

. –ಪ್ರಶಸ್ತಿ ಗೆದ್ದ ಆಸ್ಟ್ರೇಲಿಯಾ ತಂಡದ ಆಟಗಾರರ ಖುಷಿಯ ಕ್ಷಣ.

. ಆಸ್ಟ್ರೇಲಿಯಾ ಚಾಂಪಿಯನ್: ಆಸ್ಟ್ರೇಲಿಯಾ ತಂಡ ಟೂರ್ನಿಯಲ್ಲಿ ಚಾಂಪಿಯನ್ ಪಟ್ಟ ಅಲಂಕರಿಸಿತು.

. ಫೈನಲ್ನಲ್ಲಿ ಕಾಂಗರೂಗಳ ನಾಡಿನ ತಂಡ 2–1 ಗೋಲುಗಳಿಂದ ಅರ್ಜೆಂಟೀನಾವನ್ನು ಸೋಲಿಸಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಂಚಿಗೆ ಮುತ್ತಿಕ್ಕಿದ ಭಾರತ

ಚಿನಕುರುಳಿ Cartoon: 11 ಜುಲೈ 2025

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ: ಹೇಳಿಕೆ ದಾಖಲಿಸಿದ ದೂರುದಾರ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಲಾರ್ಡ್ಸ್‌ ಟೆಸ್ಟ್‌ನಲ್ಲಿ 5 ವಿಕೆಟ್ ಉರುಳಿಸಿದರೂ ಸಂಭ್ರಮಿಸದ ಬೂಮ್ರಾ: ಕಾರಣವೇನು?

ಲಾರ್ಡ್ಸ್‌ನಲ್ಲಿ 350ರ ಗಡಿ ದಾಟಿದ ಆಂಗ್ಲರು: ಭಾರತದ ಜಯದ ಹಾದಿ ಕಠಿಣ! ಕಾರಣವೇನು?

ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತಿಹೆಚ್ಚು ಕ್ಯಾಚ್: ದ್ರಾವಿಡ್ ದಾಖಲೆ ಮುರಿದ ಜೋ ರೂಟ್

ಡ್ಯೂಕ್ ಚೆಂಡಿನ ಗುಣಮಟ್ಟ ಹೆಚ್ಚಳಕ್ಕೆ ಬದ್ಧ: ಬ್ರಿಟಿಷ್ ಕ್ರಿಕೆಟ್ ಬಾಲ್ಸ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ: ಹೇಳಿಕೆ ದಾಖಲಿಸಿದ ದೂರುದಾರ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ