ದುಬೈ (ಪಿಟಿಐ): ಸಾನಿಯಾ ಮಿರ್ಜಾ ಮತ್ತು ಎಲೆನಾ ವೆಸ್ನಿನಾ ಜೋಡಿ ಇಲ್ಲಿ ನಡೆದ ದುಬೈ ಟೆನಿಸ್ ಚಾಂಪಿಯನ್‌ಷಿಪ್‌ನ ಮಹಿಳೆಯರ ಡಬಲ್ಸ್ ವಿಭಾಗದಲ್ಲಿ `ರನ್ನರ್ಸ್ ಅಪ್~ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡಿತು.
ಶನಿವಾರ ನಡೆದ ಫೈನಲ್ ಪಂದ್ಯದಲ್ಲಿ ಅಮೆರಿಕದ ಲಿಜೆಲ್ ಹುಬೆರ್ ಹಾಗೂ ಲೀಸಾ ರೇಮಂಡ್ 6-2, 6-1 ರಲ್ಲಿ ಭಾರತ- ರಷ್ಯಾ ಜೋಡಿಯನ್ನು ಮಣಿಸಿ ಚಾಂಪಿಯನ್ ಆದರು. 68 ನಿಮಿಷಗಳ ಹೋರಾಟದಲ್ಲಿ ಅಮೆರಿಕದ ಜೋಡಿ ಜಯ ಸಾಧಿಸಿತು.
ಸೆಮಿಫೈನಲ್‌ನಲ್ಲಿ ಪಂದ್ಯದಲ್ಲಿ ಸಾನಿಯಾ- ವೆಸ್ನಿನಾ 6-2, 6-7, 13-11 ರಲ್ಲಿ ಚೀನಾದ ಶುಯ್ ಪೆಂಗ್ ಮತ್ತು ಚೈನೀಸ್ ತೈಪೆಯ ಸು ವೀ ಸೀ ವಿರುದ್ಧ ಪ್ರಯಾಸದ ಗೆಲುವು ಪಡೆದಿದ್ದರು.
ಕೆಲ ವಾರಗಳ ಹಿಂದೆ ನಡೆದ ಪಟ್ಟಾಯಾ ಓಪನ್ ಟೂರ್ನಿಯಲ್ಲಿ ಸಾನಿಯಾ ಅವರು ಆಸ್ಟ್ರೇಲಿಯಾದ ಅನಸ್ತೇಸಿಯಾ ರೊಡಿಯನೋವಾ ಜೊತೆ ಸೇರಿಕೊಂಡು ಪ್ರಶಸ್ತಿ ಜಯಿಸಿದ್ದರು.
