ಬಿಎಸ್‌‌ಪಿ ಸೇರಿದ್ದ ಗೌಡರ ಶಿಷ್ಯ ಡ್ಯಾನಿಷ್ ಆಲಿಗೆ ಉತ್ತರಪ್ರದೇಶದಲ್ಲಿ ಗೆಲುವು

ಕರ್ನಾಟಕದಲ್ಲಿ ಮೈತ್ರಿ ಸರ್ಕಾರ ರಚನೆಯ ಸಮಯದಲ್ಲಿ ಪ್ರಮುಖ ಪಾತ್ರ ವಹಿಸಿದ್ದ ಡ್ಯಾನಿಷ್ ಆಲಿ, ಸಮನ್ವಯ ಸಮಿತಿಯ ಪದಾಧಿಕಾರಿಯೂ ಆಗಿದ್ದರು.

ಕಾರಣಾಂತರಗಳಿಂದ ಜೆಡಿಎಸ್ ತೊರೆದು ಉತ್ತರಪ್ರದೇಶದಲ್ಲಿ ಮಾಯಾವತಿ ನೇತೃತ್ವದಲ್ಲಿ ಬಿಎಸ್‌‌ಪಿ ಸೇರಿ ಅಮ್ರೋಹಾ ಲೋಕಸಭಾ ಕ್ಷೇತ್ರದಿಂದ ಸ್ಪರ್ಧಿಸಿದ್ದರು.

ಡ್ಯಾನಿಷ್‌ ಅಲಿ ಅವರನ್ನು ಜೆಡಿಎಸ್‌ ಚಿಹ್ನೆಯ ಮೇಲೆಯೇಉತ್ತರ ಪ್ರದೇಶದಲ್ಲಿ ಚುನಾವಣಾ ಕಣಕ್ಕಿಳಿಸಬೇಕು ಎಂದು ದೇವೇಗೌಡರು ಬಯಸಿದ್ದರು. ಆದರೆ, ಉತ್ತರ ಪ್ರದೇಶದ ಜನರಿಗೆ ಜೆಡಿಎಸ್‌ಚಿಹ್ನೆಯ ಪರಿಚಯ ಇಲ್ಲದ ಕಾರಣಕ್ಕೆ ಡ್ಯಾನಿಷ್‌ ಅಲಿ ಬಿಎಸ್‌ಪಿ ಚಿಹ್ನೆಯಿಂದ ಸ್ಪರ್ಧಿಸಲಿ ಎಂದು ಮಾಯಾವತಿ ಅವರು ದೇವೇಗೌಡರಿಗೆ ತಿಳಿಸಿದ್ದರು ಎನ್ನಲಾಗಿತ್ತು. ಅದೇ ಮೇರೆಗೆ ಡ್ಯಾನಿಷ್‌ ಜೆಡಿಎಸ್‌ ತೊರೆದು ಬಿಎಸ್‌ಪಿ ಸೇರಿದ್ದರು. ಮಾಯಾವತಿ ಅವರ ಲೆಕ್ಕಾಚಾರ ಫಲಿಸಿದ್ದು, ಡ್ಯಾನಿಷ್‌ ಅಲಿ ಸಂಸದರಾಗಿ ಆಯ್ಕೆಯಾಗಿದ್ದಾರೆ.