ಟಾರ್ ಹಾಕಿಸಿ ಪ್ರಾಣ ಉಳಿಸಿ

7

ಟಾರ್ ಹಾಕಿಸಿ ಪ್ರಾಣ ಉಳಿಸಿ

Published:
Updated:

ಬೇಗ ಮುಹೂರ್ತ ಫಿಕ್ಸ್‌ ಮಾಡಿ

ಜಯನಗರ 4ನೇ ಬ್ಲಾಕ್‌ನ ವಾಣಿಜ್ಯ ಸಂಕೀರ್ಣದ ಸುತ್ತಮುತ್ತ ಅನೇಕ ಬೀದಿ ಅಂಗಡಿಗಳು ತಲೆ ಎತ್ತಿವೆ. ಇದರಿಂದ ವಯಸ್ಸಾದವರಿಗೆ ಹಾಗೂ ಮಕ್ಕಳು ಸುಲಭವಾಗಿ ಓಡಾಡಲು ಸಾಧ್ಯವಾಗುತ್ತಿಲ್ಲ. ಈಗಿರುವ ಸಂಕೀರ್ಣದ ಪಕ್ಕದಲ್ಲೇ ಹೊಸ ಕಟ್ಟಡ ನಿರ್ಮಾಣವಾಗಿ ಎರಡು ವರ್ಷಗಳು ಕಳೆದರೂ ಉದ್ಘಾಟನೆಗೆ ಇನ್ನೂ ಮುಹೂರ್ತ ಕೂಡಿ ಬಂದಿಲ್ಲ. ಹೊಸ ಕಟ್ಟಡ ಮತ್ತೆ ಶಿಥಿಲಾವಸ್ಥೆ ತಲುಪುತ್ತಿದೆ. ಆದಷ್ಟು ಬೇಗ ದುರಸ್ತಿ ಮಾಡಿ, ಉದ್ಘಾಟನೆಗೆ ಮುಹೂರ್ತ ಫಿಕ್ಸ್‌ ಮಾಡಿ. 

ಚಂದ್ರೇಗೌಡ, ಜಯನಗರ 5ನೇ ಬ್ಲಾಕ್

ಟಾರ್ ಹಾಕಿಸಿ, ಪ್ರಾಣ ಉಳಿಸಿ

ಮಡಿವಾಳ ಅಂಡರ್‌ ಪಾಸ್‌ನಿಂದ ಆನೆಪಾಳ್ಯದ ರಸ್ತೆವರೆಗೂ ಲೆಕ್ಕವಿಲ್ಲದಷ್ಟು ಗುಂಡಿಗಳಿವೆ. ಇಲ್ಲಿ ಅಪಘಾತಗಳು ಸಂಭವಿಸುವ ಸಾಧ್ಯತೆಗಳು ಹೆಚ್ಚಾಗಿವೆ. ಹಾಗಾಗಿ, ತಾತ್ಕಾಲಿಕವಾಗಿ ರಸ್ತೆಗೆ ಟಾರ್ ಹಾಕಿಸಿ, ಸವಾರರ ಪ್ರಾಣ ಉಳಿಸಿ. 

ಸಂತೋಷ್‌, ನಂದಿನಿ ಬಡಾವಣೆ

ತೆರಿಗೆ ವಸೂಲಿಯಾಗಲಿ

ಪೌರಕಾರ್ಮಿಕರು ಬರಿಗೈಯಲ್ಲೇ ಕಸ ಬಾಚುತ್ತಾರೆ. ಇವರ ಆರೋಗ್ಯದ ಬಗ್ಗೆ ಕಾಳಜಿವಹಿಸಿ. ಅವರಿಗೆ ಕೈಗವಸು, ಮುಖಗವಸು ನೀಡಿ. ಕಸದ ವಾಹನಗಳು ಸಣ್ಣ ರಸ್ತೆಗಳಲ್ಲೂ ಅತಿ ವೇಗದಿಂದ ಚಲಿಸಿ, ಅಪಘಾತ ಉಂಟು ಮಾಡುತ್ತಿರುವುದಲ್ಲದೆ, ಅರ್ಧ ಕಸ ರಸ್ತೆಯಲ್ಲೇ ಚೆಲ್ಲಿರುತ್ತದೆ. ಸಾರ್ವಜನಿಕರಿಂದ ತೆರಿಗೆ ಸಮರ್ಪಕವಾಗಿ ವಸೂಲಾಗುತ್ತಿಲ್ಲ. ಈ ಬಗ್ಗೆ ಕ್ರಮವಹಿಸಿ.

ಆರ್‌.ಬಿ.ವರದರಾಜನ್, ಪ್ರಕಾಶನಗರ

ಬೀದಿ ದೀಪಗಳೇ ಇಲ್ಲ

ನಮ್ಮ ಬಡಾವಣೆಯಲ್ಲಿ ಬೀದಿ ದೀಪಗಳೇ ಇಲ್ಲ. ರಾತ್ರಿ ಹೊತ್ತು ಓಡಾಡಲು ಭಯವಾಗುತ್ತದೆ. ರಸ್ತೆಯ ಬದಿಗಳಲ್ಲಿ ಕಳೆಗಿಡಗಳು ಬೆಳೆದಿದ್ದು, ಹುಳು–ಹುಪ್ಪಟೆಗಳ ಕಾಟವೂ ಅತಿಯಾಗಿದೆ. ಕೂಡಲೇ ಈ ಸಮಸ್ಯೆಯನ್ನು ಪರಿಹರಿಸಿ.

ಶೈಲಜ್ ಮುಕುಂದ, ವಿಶ್ವೇಶ್ವರಯ್ಯ ಬಡಾವಣೆ.

ಕಳಪೆ ಕಾಮಗಾರಿ ಬಿಡಿ

ಒಳಚರಂಡಿ, ರಸ್ತೆ, ಪಾದಚಾರಿ ಮಾರ್ಗ, ರಸ್ತೆಗಳ ನಿರ್ಮಾಣದಲ್ಲಿ ಪ್ರಪಂಚದಲ್ಲಿ ಎಲ್ಲೂ ಇಲ್ಲದಷ್ಟು ಕಳಪೆ ಕಾಮಗಾರಿ ಇಲ್ಲಿ ಆಗಿದೆ. ರಸ್ತೆ ದುರಸ್ತಿ ಮಾಡಿದ ಮರುದಿನವೇ ರಸ್ತೆ ಅಗೆತ ಶುರುವಾಗುತ್ತದೆ. ಇನ್ನಾದರೂ ಈ ಬಗ್ಗೆ ಕ್ರಮವಹಿಸಿ, ಮೂಲಭೂತ ಸೌಕರ್ಯಗಳ ವ್ಯವಸ್ಥೆ ಅಚ್ಚುಕಟ್ಟಾಗಿ ಮಾಡಿ.

ಕೌಡ್ಲೆರವಿ, ಅಂಜನಾನಗರ

ಪಾರ್ಕಿಂಗ್‌ಗೆ ವ್ಯವಸ್ಥೆ ಮಾಡಿ

ಕಸ್ತೂರಿಬಾ ನಗರದ ವಾರ್ಡ್‌ ನಂ.167 ರಲ್ಲಿ ಬೇಕಾಬಿಟ್ಟಿಯಾಗಿ ಅoಗಡಿಗಳು ತಲೆ ಎತ್ತಿವೆ. ರಾತ್ರಿ ವೇಳೆ ವಾಹನಗಳು ರಸ್ತೆಯಲ್ಲಿ ಅಡ್ಡಾದಿಡ್ಡಿಯಾಗಿ ನಿಲ್ಲುತ್ತವೆ. ನಿರ್ದಿಷ್ಟ ಸ್ಥಳದಲ್ಲಿ ವ್ಯಾಪಾರ, ವಾಹನ ನಿಲ್ದಾಣಕ್ಕೆ ವ್ಯವಸ್ಥೆ ಮಾಡಿ.

ಎಂ ಸುರೇಶ್, ಕಸ್ತೂರಿಬಾನಗರ

ಟ್ರಾಫಿಕ್ ಸಮಸ್ಯೆ ಬಗೆಹರಿಸಿ

ಮೊದಲು ನಗರದ ಒಳಚರಂಡಿ ವ್ಯವಸ್ಥೆ ಸುಧಾರಣೆ ಮಾಡಬೇಕು.

ಕಸ ವಿಲೇವಾರಿ ಮಾಡಲು ಆಧುನಿಕ ತಂತ್ರಜ್ಞಾನ ಬಳಸಿ. ಆಡುಗೋಡಿ ಹತ್ತಿರ ಟ್ರಾಫಿಕ್ ಸಮಸ್ಯೆ ಹೆಚ್ಚಾಗಿದ್ದು, ನಿತ್ಯ ಬಹಳ ತೊಂದರೆ ಆಗುತ್ತಿದೆ. ಈ ಬಗ್ಗೆ ಗಮನಹರಿಸಿ.

ಅರುಣ್‌ ಕುಮಾರ್‌ ಅಥಣಿ, ಆಡುಗೋಡಿ

ಕಸ ಸಂಗ್ರಹಕ್ಕೆ ಬರುತ್ತಿಲ್ಲ

ಯಲಹಂಕ ಓಲ್ಡ್ ಟೌನ್ ಸುತ್ತಲಿನ ಪ್ರದೇಶದಲ್ಲಿ ಕಸದ ಸಮಸ್ಯೆ ಹೆಚ್ಚಾಗಿದೆ. ಪಾಲಿಕೆಯ ಕಸ ಸಂಗ್ರಹ ವಾಹನಗಳು ಸರಿಯಾಗಿ ಬರುತ್ತಿಲ್ಲ. ರಸ್ತೆ ಬದಿ ಕಸ ಬಿಸಾಡುವವರ ಸಂಖ್ಯೆ ಕೂಡ ಹೆಚ್ಚಾಗಿದೆ. ಪಾದಚಾರಿ ಮಾರ್ಗಗಳಲ್ಲಿ ವ್ಯಾಪಾರಿಗಳು ಬೀಡು ಬಿಟ್ಟಿದ್ದಾರೆ. ಇದರಿಂದ ಸಾರ್ವಜನಿಕರಿಗೆ ತುಂಬಾ ಕಷ್ಟವಾಗುತ್ತಿದೆ. ಇದಕ್ಕೆ ತಕ್ಷಣ ಪರಿಹಾರ ‌ನೀಡಿ.

ದೀಕ್ಷಿತ್, ಯಲಹಂಕ

ನಮ್ಮ ಕೂಗು ಕೇಳಿಸಿಕೊಳ್ಳಿ

ಕಾರ್ಮಿಕರೇ ಹೆಚ್ಚಾಗಿರುವ ಜನನಿಬಿಡ ಪ್ರದೇಶವಾದ 39ನೇ ವಾರ್ಡಿನ ಸುಲ್ತಾನ್‌ಪಾಳ್ಯ ರಸ್ತೆ, ಕೆ.ಹೆಚ್.ಬಿ ರಸ್ತೆ, ದಿಣ್ಣೂರು ರಸ್ತೆಗಳ ವಿಸ್ತರಣೆಗೆ ಹತ್ತು ವರ್ಷಗಳ ಹಿಂದೆಯೆಯೇ ನಾಂದಿ ಹಾಡಲಾಗಿದೆ. ಆದರೆ, ಇದುವರೆಗೂ ಕಾಮಗಾರಿ ಪೂರ್ಣಗೊಂಡಿಲ್ಲ. ಈ ರಸ್ತೆಗಳಲ್ಲಿ ಪ್ರಯಾಣಿಸುವಾಗ ಜನರು ಒಂದಲ್ಲ ಒಂದು ರೀತಿಯಲ್ಲಿ ನಿತ್ಯ ಸಂಕಷ್ಟಕ್ಕೆ ಸಿಲುಕುತ್ತಿದ್ದಾರೆ. ಅಮ್ಮ... ನಮ್ಮ ಕೂಗು ಕೇಳಿಸಿಕೊಳ್ಳುವಿರಾ, ನಮ್ಮ ಕಷ್ಟ ನೀಗಿಸಲು ಮನಸ್ಸು ಮಾಡುತ್ತೀರಾ?

ಪ್ರೊ.ಮಲಿಕ್ ಇಂಗಳಗಿ, ರಂಕಾನಗರ

ಮರ ಬೆಳಸುವುದನ್ನು ಕಡ್ಡಾಯ

ನಗರದ ಖಾಲಿ ನಿವೇಶಗಳಲ್ಲಿ ಅದರ ಮಾಲೀಕರು ಮರ ಬೆಳಸುವುದನ್ನು ಕಡ್ಡಾಯ ಮಾಡಿ, ಕಾನೂನು ರಚಿಸಿ. ಇದರಿಂದ ಪರಿಸರ ಉಳಿಯುತ್ತದೆ ಹಾಗೂ ಖಾಲಿ ನಿವೇಶನಗಳಲ್ಲಿ ಕಸ ಹಾಕುವ ಸಮಸ್ಯೆಗಳು ಕಡಿಮೆ ಆಗಬಹುದು.

ಸಿ.ಟಿ.ವೆಂಕಟರೆಡ್ಡಿ, ಬಾಗಲೂರು ರಸ್ತೆ

ಸ್ವಚ್ಛತೆ ಬಗ್ಗೆ ಅರಿವು ಮೂಡಿಸಿ

ನಗರದ ಜನತೆಗೆ ಸುರಕ್ಷಿತವಾಗಿ ಓಡಾಡಲು ಉತ್ತಮ ಪಾದಚಾರಿ ಮಾರ್ಗಗಳನ್ನು ನಿರ್ಮಿಸಿ. ಸ್ವಚ್ಛತೆ ಬಗ್ಗೆ ಅರಿವು ಮೂಡಿಸುವ ಫಲಕ ಹಾಕಿ. ರಸ್ತೆ ಬದಿಗಳಲ್ಲಿ ಕಸದ ತೊಟ್ಟಿಗಳನ್ನಿಡಿ. ಮಡಿವಾಳ ಮಾರುಕಟ್ಟೆಯಲ್ಲಿ ಬೆಳಗಿನ ಜಾವ ರೈತರು ತರಕಾರಿ ತಂದು, ಮಾರಾಟ ಮಾಡಿದ ನಂತರ ಉಳಿದ ಕಸವನ್ನೆಲ್ಲ ಅಲ್ಲೇ ಬಿಸಾಡುತ್ತಾರೆ. ಅವರ ವಿರುದ್ಧ ದಂಡ ವಿಧಿಸಿ. 

ನಂದೀಶ

ವಾರಕ್ಕೊಮ್ಮೆ ಭೇಟಿ ನೀಡಿ

ಪಾಲಿಕೆಯ ವಾರ್ಡ್‌ಗಳಿಗೆ ಯಾರಾದರೂ ಸಚಿವರು ಅಥವಾ ಮೇಯರ್ ಭೇಟಿ ನೀಡುತ್ತಾರೆ ಅಂದರೆ, ಅವರನ್ನು ಮೆಚ್ಚಿಸಲು ಅಲ್ಲಿನ ಸಿಬ್ಬಂದಿ ಆಯಾ ಸ್ಥಳಗಳನ್ನು ಶುಚಿಗೊಳಿಸಿರುತ್ತಾರೆಯೇ ಹೊರತು ನಿಜವಾಗಿಯೂ ಸ್ವಚ್ಛತೆಗೆ ಆದ್ಯತೆ ನೀಡಲ್ಲ. ಆದ್ದರಿಂದ, ವಾರಕ್ಕೆ ಒಂದು ದಿನ ವಾರ್ಡ್‌ಗಳಿಗೆ ಭೇಟಿ ನೀಡಿದರೆ ಎಲ್ಲೆಡೆ ಉತ್ತಮ ವಾತಾವರಣ ನಿರ್ಮಾಣವಾಗುತ್ತದೆ.

ಮೇಘನಾ, ಅಂದ್ರಹಳ್ಳಿ

ಕನ್ನಡವನ್ನು ಕಾಪಾಡಿ

ನಗರದಲ್ಲಿರುವ ಕಂಪನಿ, ಹೋಟೆಲ್, ಮಾಲ್, ಮೆಟ್ರೊಗಳಲ್ಲಿರುವ ಭದ್ರತಾ ಸಿಬ್ಬಂದಿ ಶೇ 80ರಷ್ಟು ಪರ ರಾಜ್ಯದವರಿದ್ದಾರೆ. ಲ್ಲೆಡೆ ಕನ್ನಡ ನಾಮಫಲಕಗಳನ್ನೇ ಕಡ್ಡಾಯಗೊಳಿಸಿ. ಹೊಸ ಮಳಿಗೆಗಳ ಪರವಾನಗಿ ಪತ್ರದಲ್ಲಿ ಕನ್ನಡ ಕಡ್ಡಾಯಗೊಳಿಸಬೇಕೆಂದು ನಿಯಮ ರೂಪಿಸಿ.

ಆರ್.ಎಂ.ನಿರಂಜನ್

ಪರ್ಯಾಯ ವ್ಯವಸ್ಥೆ ಮಾಡಿ

ಕಸ ವಿಲೇವಾರಿ ವಾಹನಗಳು ತೆರೆದುಕೊಂಡ ಸ್ಥಿತಿಯಲ್ಲೇ ಸಂಚಾರ ಮಾಡುವುದರಿಂದ, ವಾಹನದಲ್ಲಿನ ಕಸವೆಲ್ಲ ರಸ್ತೆಯಲ್ಲಿ ಚೆಲ್ಲಾಡುತ್ತದೆ. ಇದಕ್ಕೆ ಪರ್ಯಾಯ ವ್ಯವಸ್ಥೆ ಮಾಡಿ.

ಎಚ್.ಆರ್. ರಂಗೇಶ್, ರಾಜಾಜಿನಗರ

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !