ಜಮ್ಮು–ಕಾಶ್ಮೀರ: 6 ಸೇತುವೆಗಳ ಉದ್ಘಾಟನೆ

ಸೇನಾಪಡೆ ಮುಖ್ಯಸ್ಥ ಜನರಲ್ ಎಂ.ಎಂ.ನರವಣೆ, ರಕ್ಷಣಾ ಕಾರ್ಯದರ್ಶಿ ಅಜಯ್ ಕುಮಾರ್ ಅವರ ಸಮ್ಮುಖದಲ್ಲಿ ವಿಡಿಯೊ ಕಾನ್ಫರೆನ್ಸ್‌ ಮೂಲಕ ರಾಜನಾಥ್‌ ಸಿಂಗ್‌ ಸೇತುವೆಗಳನ್ನು ಉದ್ಘಾಟಿಸಿದರು.

ಈ ವೇಳೆ ಮಾತನಾಡಿದ ಅವರು, ಗಡಿ ಪ್ರದೇಶದ ಕುಗ್ರಾಮಗಳಅಭಿವೃದ್ಧಿ ಎನ್‌ಡಿಎ ಸರ್ಕಾರದ ಪ್ರಮಖ ಆದ್ಯತೆಯಾಗಿ ಮುಂದುವರಿಯಲಿದೆ ಎಂದು ಹೇಳಿದರು.

‘ಈ ಆರುಸೇತುವೆಗಳನ್ನುಗಡಿ ರಸ್ತೆಗಳ ನಿರ್ಮಾಣ ಸಂಸ್ಥೆ(ಬಿಆರ್‌ಒ) ನಿರ್ಮಿಸಿದೆ. ಅಕ್ನೂರ್‌–ಪಲನ್‌ವಾಲ ರಸ್ತೆ ಬಳಿ ನಾಲ್ಕು ಸೇತುವೆ ಮತ್ತು ಕತ್ವಾ ಜಿಲ್ಲೆಯ ತರನ್ಹಾ ನಲ್ಹದಲ್ಲಿ ಎರಡು ಸೇತುವೆಗಳನ್ನು ನಿರ್ಮಿಸಲಾಗಿದೆ. ಈ ಕಾಮಗಾರಿಗೆ ಒಟ್ಟು ₹43 ಕೋಟಿ ವೆಚ್ಚ ತಗುಲಿದೆ’ ಎಂದು ರಾಜನಾಥ್‌ ಸಿಂಗ್‌‌ ತಿಳಿಸಿದರು.

‘ಗಡಿ ಪ್ರದೇಶಗಳಲ್ಲಿ ಮೂಲಸೌಕರ್ಯಗಳನ್ನು ಅಭಿವೃದ್ಧಿ ಪಡಿಸಲು ಕೇಂದ್ರ ಸರ್ಕಾರ ಬದ್ಧವಾಗಿದೆ. ಇದಕ್ಕೆ ಎಲ್ಲಾ ಸಂಪನ್ಮೂಲಗಳನ್ನು ಸರ್ಕಾರ ಒದಗಿಸಲಿದೆ. 1000 ಕಿ.ಮೀ ಉದ್ದದ ರಸ್ತೆ ನಿರ್ಮಾಣ ಕಾಮಗಾರಿ ಪ್ರಗತಿಯಲ್ಲಿದೆ. ಅಲ್ಲದೆ ಇತರೆ ಅಭಿವೃದ್ಧಿ ಕಾರ್ಯವೂ ನಡೆಯುತ್ತಿದೆ’ ಎಂದು ಅವರು ಹೇಳಿದರು.

‌