ಬೆಳಗಾವಿ: ಇಲ್ಲಿನ ಹಿಂಡಲಗಾ ಕೇಂದ್ರ ಕಾರಾಗೃಹದಲ್ಲಿನ ಬ್ಯಾರಕ್‌ಗಳ ಮೇಲೆ ನಗರ ಪೊಲೀಸರು ಮಂಗಳವಾರ ದಿಢೀರ್‌ ದಾಳಿ ಮಾಡಿ, ಕೈದಿಗಳು ಅಕ್ರಮವಾಗಿ ಇಟ್ಟುಕೊಂಡಿದ್ದ ಟಿ.ವಿ, ರೇಡಿಯೊ, ಸಿಮ್‌ ಕಾರ್ಡ್‌, ತಂಬಾಕು ಪೊಟ್ಟಣಗಳನ್ನು ವಶಪಡಿಸಿಕೊಂಡಿದ್ದಾರೆ.
ಬೆಳಿಗ್ಗೆ 7ರಿಂದ 10.30ರವರೆಗೆ ತಪಾಸಣೆ ಮಾಡಲಾಗಿದೆ. ‘ ₹1,495 ನಗದು, 1.50 ಕೆ.ಜಿ.ತಂಬಾಕು, ಗೋದಿ ಹಿಟ್ಟು, ಮ್ಯಾಗಿ ನೂಡಲ್ಸ್‌, ಒಣ ಮೀನು, ಹಪ್ಪಳ, ಅವಲಕ್ಕಿ ಹಾಗೂ ಅಡುಗೆಗೆ ಬೇಕಾಗುವ ಪಾತ್ರೆಗಳು ಪತ್ತೆಯಾಗಿದೆ’ ಎಂದು ಪೊಲೀಸ್‌ ಕಮಿಷನರ್‌ ಡಿ.ಸಿ.ರಾಜಪ್ಪ ತಿಳಿಸಿದರು.
ವಶಕ್ಕೆ ಪಡೆದ ವಸ್ತುಗಳನ್ನು ಗ್ರಾಮೀಣ ಪೊಲೀಸ್‌ ಠಾಣೆಗೆ ಹಸ್ತಾಂತರ ಮಾಡಲಾಗಿದೆ.
