ಈ ಕುರಿತು ಆಡಿಯೊ ಟೇಪ್ ಬಿಡುಗಡೆ ಮಾಡಿರುವ ಐಎಸ್ ನ ಮಾಧ್ಯಮ ವಿಭಾಗ, ಬಾಗ್ದಾದಿ ಮೃತಪಟ್ಟಿರುವುದನ್ನು ದೃಢಪಡಿಸಿದೆ. ಬಾಗ್ದಾದಿ ಉತ್ತರಾಧಿಕಾರಿಯಾಗಿ ಅಬು ಇಬ್ರಾಹಿಂ ಅಲ್ ಹಷಿಮಿ ಅಲ್ ಖುರೇಷಿಯನ್ನು ಆಯ್ಕೆ ಮಾಡಲಾಗಿದೆ ಎಂದು ತಿಳಿಸಿದೆ. 'ಬಾಗ್ದಾದಿಯನ್ನು ಕೊಂದು ಏನೋ ಘನಂದಾರಿ ಸಾಧನೆ ಮಾಡಿದೆ ಎಂದು ಬೀಗಬೇಡ ಅಮೆರಿಕ. ಇಸ್ಲಾಮಿಕ್ ಸ್ಟೇಟ್ ಇಂದು ಯೂರೋಪ್, ಮಧ್ಯ ಆಫ್ರಿಕಾದ ಬಾಗಿಲಿಗೆ ಬಂದಿದೆ. ನಮ್ಮ ಪ್ರಭಾವ ದೃಢವಾಗಿ ವಿಸ್ತರಿಸುತ್ತಿದೆ' ಎಂದು ಆಡಿಯೊ ಕ್ಲಿಪಿಂಗ್ ನಲ್ಲಿ ಐಎಸ್ ವಕ್ತಾರ ಅಮೆರಿಕಕ್ಕೆ ಎಚ್ಚರಿಕೆ ನೀಡಿದ್ದಾನೆ.