ಗುರುವಾರ , ಫೆಬ್ರವರಿ 27, 2020
19 °C

ಕುಗ್ಗುತ್ತಿದೆ ಟ್ರಂಪ್ ಜನಪ್ರಿಯತೆ: ಇಳಿಕೆಯಾಯ್ತು ಭಾಷಣ ವೀಕ್ಷಿಸುವರ ಸಂಖ್ಯೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

prajavani

ನ್ಯೂಯಾರ್ಕ್‌: ದಿನ ಕಳೆದಂತೆ ಡೊನಾಲ್ಡ್‌ ಟ್ರಂಪ್‌ ಅವರ ಜನಪ್ರಿಯತೆ ಕುಗ್ಗುತ್ತಿದೆ ಎಂದು ಅಮೆರಿಕದ ಮಾಹಿತಿ, ದತ್ತಾಂಶ ಸಂಸ್ಥೆ ನೀಲ್ಸನ್ ಹೋಲ್ಡಿಂಗ್ಸ್ ವರದಿ ಬಹಿರಂಗಪಡಿಸಿದೆ.

ಬುಧವಾರ ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಅವರು ಮಾಡಿದ ವಾರ್ಷಿಕ ಸ್ಟೇಟ್‌ ಆಫ್‌ ದಿ ಯೂನಿಯನ್‌ ಭಾಷಣವನ್ನು ಫಾಕ್ಸ್‌ ಸುದ್ದಿ ವಾಹಿನಿ ಹೊರತುಪಡಿಸಿ ಬಹುತೇಕ ಎಲ್ಲಾ ಪ್ರಮುಖ ವಾಹಿನಿಗಳಲ್ಲಿ ನಿರೀಕ್ಷಿಸಿದಷ್ಟು ಜನರು ವೀಕ್ಷಿಸಿಲ್ಲ ಎಂದು ವರದಿ ಹೇಳಿದೆ.

ಸಂಸ್ಥೆಯ ವರದಿಯ ಪ್ರಕಾರ, 12 ಪ್ರಮುಖ ವಾಹಿನಿಗಳಲ್ಲಿ ಒಟ್ಟಾರೆ ಟ್ರಂಪ್‌ ಭಾಷಣವನ್ನು ವೀಕ್ಷಿಸಿದವರ ಸಂಖ್ಯೆ ಅಂದಾಜು 3.72 ಕೋಟಿ. ಕಳೆದ ವರ್ಷ ಈ ಸಂಖ್ಯೆ 4.68 ಕೋಟಿ ಇತ್ತು.

ಫಾಕ್ಸ್‌ ನ್ಯೂಸ್‌ನಲ್ಲಿ ಹೆಚ್ಚು ಜನ ವೀಕ್ಷಿಸಿದ್ದಾರೆ. 1.16 ಕೋಟಿ ಮಂದಿ ಈ ವಾಹಿನಿಯಲ್ಲಿ ಟ್ರಂಪ್‌ ಭಾಷಣವನ್ನು ನೋಡಿದ್ದಾರೆ. ಕಳೆದ ಬಾರಿಗಿಂತ ಶೇ 2ರಷ್ಟು ಹೆಚ್ಚು ವೀಕ್ಷಕತ್ವವನ್ನು ಇದು ಪಡೆದಿದೆ. ಆದರೆ, ಬೇರೆ ವಾಹಿನಿಗಳಲ್ಲಿ ಇದು ಕುಸಿತ ಕಂಡಿದೆ. ಎಂಎಸ್‌ಎನ್‌ಬಿಸಿನಲ್ಲಿ ಕಳೆದ ಬಾರಿಗಿಂತ ಶೇ 41ರಷ್ಟು ಕಡಿಮೆಯಾಗಿದೆ, ಎನ್‌ಬಿಸಿನಲ್ಲಿ ಶೇ 33, ಸಿಬಿಎಸ್‌ ಮತ್ತು ಎಬಿಸಿನಲ್ಲಿ ಶೇ 30ರಷ್ಟು ವೀಕ್ಷಕರ ಕುಸಿತವಾಗಿದೆ ಎಂದು ವರದಿ ವಿವರಿಸಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು