ಕೊಲಂಬೊ: ತಕ್ಷಣದಿಂದ ಬುರ್ಖಾ ನಿಷೇಧಿಸಬೇಕು ಮತ್ತು ಜನಾಂಗೀಯ ಹಾಗೂ ಧರ್ಮ ಆಧರಿತ ರಾಜಕೀಯ ಪಕ್ಷಗಳ ನೋಂದಣಿ ಯನ್ನು ಅಮಾನತು ಮಾಡಬೇಕು ಎಂದು ಶ್ರೀಲಂಕಾದ ಸಂಸದೀಯ ಸಮಿತಿ ಗುರುವಾರ ಸಂಸತ್ತಿನಲ್ಲಿ ಪ್ರಸ್ತಾವ ಮಂಡಿಸಿದೆ.
ಈ ಕುರಿತ ವಿಶೇಷ ವರದಿಯನ್ನು ಸಂಸದ ಹಾಗೂ ರಾಷ್ಟ್ರೀಯ ಭದ್ರತೆ ಕುರಿತ ಸಂಸದೀಯ ಸಮಿತಿ ಅಧ್ಯಕ್ಷ ಮಲಿತ್ ಜಯತಿಲಕ ಅವರು ಸಂಸತ್ನಲ್ಲಿ ಮಂಡಿಸಿದ್ದಾರೆ ಎಂದು ‘ಡೇಲಿ ಮಿರರ್’ ಪತ್ರಿಕೆ ವರದಿ ಮಾಡಿದೆ. ಹಲವು ದೇಶಗಳು ಈಗಾಗಲೇ ಬುರ್ಖಾ ನಿಷೇಧಿಸಿವೆ ಎಂದೂ ವರದಿಯಲ್ಲಿ ಹೇಳಲಾಗಿದೆ.