ಉತ್ತರ ಕೊರಿಯಾ ಬೇಡಿಕೆಗಳು ಅನಗತ್ಯ: ಅಮೆರಿಕ

ಸೋಲ್ : ‘ಉತ್ತರ ಕೊರಿಯಾದ ಬೇಡಿಕೆಗಳು ಅನಗತ್ಯವಾದವುಗಳು’ ಎಂದು ಅಮೆರಿಕದ ವಿಶೇಷ ಪ್ರತಿನಿಧಿ ಸ್ಟೀಫನ್ ಬೀಗನ್ ಸೋಮವಾರ ಹೇಳಿದ್ದಾರೆ.

. ಉತ್ತರ ಕೊರಿಯಾದ ಜೊತೆ ಮಾತುಕತೆ ನಡೆಸಿದ ಅವರು,‘ಉತ್ತರ ಕೊರಿಯಾ ಮುಂದಿನ ದಿನಗಳಲ್ಲಿ ಇನ್ನಷ್ಟು ಪ್ರಚೋದನಾತ್ಮಕವಾಗಿ ವರ್ತಿಸಲಿದೆ ಎಂಬುದು ನಮಗೆ ತಿಳಿದಿದೆ’ ಎಂದಿದ್ದಾರೆ.

. 2019ರ ಅಂತ್ಯದ ವೇಳೆಗೆ ವಾಷಿಂಗ್ಟನ್ ಹೊಸ ರಿಯಾಯಿತಿಗಳನ್ನು ನೀಡಬೇಕೆಂದು ಉತ್ತರ ಕೊರಿಯಾ ಅಮೆರಿಕವನ್ನು ಆಗ್ರಹಿಸಿತ್ತು.

. ‘ಕೊರಿಯಾ ಪರ್ಯಾಯ ದ್ವೀಪದಲ್ಲಿ ಶಾಶ್ವತವಾಗಿ ಶಾಂತಿ ನೆಲೆಸಲು ಈ ನಡೆಯು ಸಹಾಯಕವಾಗದು’ ಎಂದೂ ಸ್ಟೀಫನ್ ಹೇಳಿದ್ದಾರೆ.

. ಆದರೆ ಉತ್ತರ ಕೊರಿಯಾದ ಜೊತೆ ಹೊಸದಾಗಿ ಮಾತುಕತೆ ನಡೆಸುವ ಸಾಧ್ಯತೆಗಳನ್ನು ಅಮೆರಿಕ ತಳ್ಳಿಹಾಕಿಲ್ಲ.

. ‘ಅಮೆರಿಕವು ಸ್ವೀಕಾರಾರ್ಹ ಪ್ರಸ್ತಾಪವನ್ನು ಮುಂದಿಡದಿದ್ದರೆ ನಾವು ಹೊಸ ದಾರಿ ಕಂಡುಕೊಳ್ಳಲಿದ್ದೇವೆ’ ಎಂದು ಉತ್ತರ ಕೊರಿಯಾ ಹೇಳಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.