ಗುರುವಾರ , ಏಪ್ರಿಲ್ 9, 2020
19 °C

ಅಲಬಾಮ: ಶಾಲೆಗಳಲ್ಲಿ ‘ಯೋಗ’ ಇನ್ನು ಮುಕ್ತ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ವಾಷಿಂಗ್ಟನ್: ಒಂದು ತಿಂಗಳ ಸತತ ಚರ್ಚೆಯ ಬಳಿಕ ಅಮೆರಿಕದ ಅಲಬಾಮ ರಾಜ್ಯದಲ್ಲಿ ಯೋಗ ಆಚರಣೆ ಮೇಲೆ ದಶಕಗಳಿಂದ ಇದ್ದ ನಿರ್ಬಂಧವನ್ನು ತೆಗೆದುಹಾಕಲಾಗಿದೆ. ಆದರೆ ‘ನಮಸ್ತೆ’ ಬಳಕೆಯನ್ನು ನಿರ್ಬಂಧಿಸಿದೆ. 

ಕೊರೊನಾ ವೈರಸ್ ಸೋಂಕು ಪ್ರಪಂಚದಾದ್ಯಂತ ಹರಡುತ್ತಿದ್ದು, ವಿಶ್ವನಾಯಕರು ಪರಸ್ಪರ ಕೈಕುಲುಕುವ ಬದಲು ಕೈಮುಗಿದು ನಮಸ್ಕಾರ ಹೇಳಲು ಶುರು ಮಾಡಿದ್ದಾರೆ. ಈ ಹೊತ್ತಿನಲ್ಲಿ ನಮಸ್ತೆಗೆ ಜನಪ್ರತಿನಿಧಿ ಸಭೆ ಅನುಮೋದನೆ ನೀಡಿಲ್ಲ. 

1993ರಲ್ಲಿ ಅಲಬಾಮ ಶಿಕ್ಷಣ ಮಂಡಳಿಯು ರಾಜ್ಯದ ಸರ್ಕಾರಿ ಶಾಲೆಗಳಲ್ಲಿ ಯೋಗ, ಧ್ಯಾನ ಹಾಗೂ ಸಮ್ಮೋಹನಗಳನ್ನು ನಿರ್ಬಂಧಿಸಿತ್ತು. ಡೆಮಾಕ್ರಟಿಕ್ ಪಕ್ಷದ ಜೆರ್ಮಿ ಗ್ರೇ ಅವರು ಮಂಡಿಸಿದ ‘ಯೋಗ ಮಸೂದೆ’ಗೆ ಅಲಬಾಮ ಜನಪ್ರತಿನಿಧಿ ಸಭೆಯು ಮಂಗಳವಾರ 84–17 ಮತಗಳಿಂದ ಅನುಮೋದನೆ ನೀಡಿತು. 

ಮಸೂದೆಗೆ ಗವರ್ನರ್ ಕೇ ಐವೇ ಅವರು ಸಹಿ ಹಾಕಿದರೆ, ಯೋಗ ಆಚರಣೆ ಮೇಲಿದ್ದ 27 ವರ್ಷಗಳ ನಿರ್ಬಂಧ ಕೊನೆಗೊಳ್ಳಲಿದೆ. ತಿದ್ದುಪಡಿ ಕಾಯ್ದೆಯ ಪ್ರಕಾರ, ಶಿಕ್ಷಣ ಸಂಸ್ಥೆಗಳು ವಿದ್ಯಾರ್ಥಿಗಳಿಗೆ ಯೋಗ ಶಿಕ್ಷಣ ನೀಡಬಹುದು. 

ಮಸೂದೆಯನ್ನು ವಿರೋಧಿಸಿದ್ದ ಕ್ರಿಶ್ಚಿಯನ್ ಸಮುದಾಯದ ಗುಂಪುಗಳು, ಇದರಿಂದ ಶಾಲೆಗಳಲ್ಲಿ ಹಿಂದೂ ಧರ್ಮವನ್ನು ಪರಿಚಯಿಸಿದಂತಾಗುತ್ತದೆ ಎಂದು ಆತಂಕ ವ್ಯಕ್ತಪಡಿಸಿದ್ದವು. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು