ಹಣ ಅಕ್ರಮ ವರ್ಗಾವಣೆ ಆರೋಪಕ್ಕೆ ಸಂಬಂಧಿಸಿ 2018ರಿಂದಲೂ ಕೇರಳ ಮೂಲದ ಪಿಎಫ್ಐ ಸಂಘಟನೆಯ ವಿರುದ್ಧ ಇ.ಡಿ ತನಿಖೆ ನಡೆಸುತ್ತಿದೆ. ಖಾತೆಗಳಿಗೆ ನಗದು, ಆರ್ಟಿಜಿಎಸ್ ಮೂಲಕ ಹಣ ಜಮೆ ಆಗಿದೆ. ಆಗಾಗ್ಗೆ ಚೆಕ್ ಮೂಲಕ ಜಮೆಯಾಗಿದೆ ಎಂದು ಹೇಳಿದೆ. ಉತ್ತರ ಪ್ರದೇಶದಲ್ಲಿ ಸಿಂಡಿಕೇಟ್ ಬ್ಯಾಂಕ್ನ ನೆಹರೂ ಪ್ಲೇಸ್ ಶಾಖೆಯಲ್ಲಿರುವ ಪಿಎಫ್ಐ ಖಾತೆಗೆ ದೊಡ್ಡ ಪ್ರಮಾಣದಲ್ಲಿ ಸಾಕಷ್ಟು ಬಾರಿ ಹಣ ಜಮೆಯಾಗಿರುವ ದಾಖಲೆ ಇದೆ. ಬಹರೀಚ್, ಬಿಜ್ನೂರ್, ಹಪುರ್, ಶಾಮ್ಲಿ ಮತ್ತು ದಸ್ನಾದ ಶಾಖೆಗಳ ಖಾತೆಗಳಲ್ಲೂ ಇದೇ ಸ್ಥಿತಿ ಇದೆ. ಬ್ಯಾಂಕ್ನ ಕೋಜಿಕ್ಕೊಡ್ ಶಾಖೆಯಲ್ಲಿರುವ ಪಿಎಫ್ಐ ಖಾತೆ ಪರಿಶೀಲಿಸಿದಾಗ ಹಿರಿಯ ವಕೀಲ, ಕಾಂಗ್ರೆಸ್ ಮುಖಂಡ ಕಪಿಲ್ ಸಿಬಲ್, ವಕೀಲರಾದ ಇಂದಿರಾ ಜೈಸಿಂಗ್, ದುಶ್ಯಂತ್ ಎ ದವೆ ಅವರಿಗೆ ಹಣ ಪಾವತಿಸಿರುವುದು ಗೊತ್ತಾಗಿದೆ ಎಂದು ಇ.ಡಿ ತಿಳಿಸಿದೆ.