ಚೆನ್ನೈ: ಸ್ವದೇಶಿ ನಿರ್ಮಿತ ಮೊದಲ ಹೈಸ್ಪೀಡ್ ರೈಲು ‘ಟ್ರೈನ್ 18’ ಅನ್ನು ರೈಲ್ವೆ ಮಂಡಳಿ ಅಧ್ಯಕ್ಷ ಅಶ್ವನಿ ಲೋಹಾನಿ ಅವರು ಸೋಮವಾರ ಇಲ್ಲಿ ಅನಾವರಣಗೊಳಿಸಿದರು.
ಚೆನ್ನೈನ ‘ಇಂಟಿಗ್ರಲ್ ಕೋಚ್ ಫ್ಯಾಕ್ಟರಿ–ಐಸಿಎಫ್‘ನಲ್ಲಿ ಅಭಿವೃದ್ಧಿಪಡಿಸಿರುವ ಈ ರೈಲನ್ನು ಪ್ರಾಯೋಗಿಕ ಸಂಚಾರಕ್ಕೆ ಒಳಪಡಿಸಲಾಗುತ್ತದೆ. ಪರೀಕ್ಷೆಗಳು ನಿರೀಕ್ಷಿತ ಫಲಿತಾಂಶ ನೀಡಿದಲ್ಲಿ ‘ಶತಾಬ್ದಿ ಎಕ್ಸ್‌ಪ್ರೆಸ್‌’ಗಳ ಜಾಗದಲ್ಲಿ ಇಂಥದ್ದೇ ರೈಲುಗಳು ಓಡಲಿವೆ.
ಈ ರೈಲಿನಲ್ಲಿ ಎಂಜಿನ್ ಇಲ್ಲ. ಬದಲಿಗೆ ಪ್ರತಿ ಬೋಗಿಯಲ್ಲಿ ಎರಡು ವಿದ್ಯುತ್ ಮೋಟರ್‌ಗಳಿವೆ. ಹೀಗಾಗಿ ವೇಗವರ್ಧನೆ ಮತ್ತು ಬ್ರೇಕಿಂಗ್ ಕಾರ್ಯಕ್ಷಮತೆ ಉತ್ತಮವಾಗಿರಲಿದೆ.
