20 ಸೆಕೆಂಡ್‌ಗಳ ಕಾಲ ಕೈ ಶುಚಿ ಖಾತರಿಗೆ ಸಾಧನ

ವಿಶ‍್ವ ಆರೋಗ್ಯ ಸಂಸ್ಥೆ (ಡಬ್ಲ್ಯೂಎಚ್‍ಒ) ಮಾರ್ಗಸೂಚಿಯ ಪ್ರಕಾರ, ಪರಿಣಾಮಕಾರಿಯಾಗಿ ಕೈಶುಚಿ ಪಡಿಸಿಕೊಳ್ಳಲು 20 ಸೆಕೆಂಡ್ ವ್ಯಯಿಸಬೇಕು. ಈ ಸಾಧನ ಅದನ್ನು ಖಾತರಿಪಡಿಸಿಕೊಳ್ಳಲಿದೆ ಎಂದು ಸಂಶೋಧಕರು ತಿಳಿಸಿದ್ದಾರೆ.

ಬ್ಯಾಟರಿ ಮೂಲಕ ಕಾರ್ಯನಿರ್ವಹಿಸುವ ‘20 ಸೆಕೆಂಡ್‌ ಫಾರ್ ಲೈಫ್‌’ ಹೆಸರಿನ ಎಂಬ ಸಾಧನವನ್ನು ಲಿಕ್ವಿಡ್‌ ವಾಶ್ ಡಿಸ್ಪೆನ್ಸರ್ ಪರಿಕರಕ್ಕೆ ಅಳವಡಿಸಬಹುದು. ಕೈಶುಚಿಗೊಳಿಸುವಾಗ 20 ಸೆಕೆಂಡ್‍ ಕಾಲ ಈ ಸಾಧನ ಬೆಳಗಲಿದ್ದು, ಹಿನ್ನೆಲೆಯಲ್ಲಿ ಸಂಗೀತ ಹೊರಹೊಮ್ಮಲಿದೆ. ಈ ಮೂಲಕ ಬಳಕೆದಾರರು ಸಮಯವನ್ನು ಖಾತರಿಪಡಿಸಿಕೊಳ್ಳಬಹುದು.

ಕೋವಿಡ್‍ ತಡೆಗೆ ಕೈಗಳನ್ನು ಶುಚಿಯಾಗಿ ಇಟ್ಟುಕೊಳ್ಳುವುದು ಒಂದು ಮಾರ್ಗ. ಕೊರೊನಾ ಸೋಂಕು ಪ್ರಸರಣವನ್ನು ತಡೆಯಲು ಈ ಸಾಧನ ನೆರವಾಗಲಿದೆ ಎಂದು ಪಂಜಾಬಿನ ಲವ್ಲಿ ಪ್ರೊಫೆಷನಲ್‍ ಯೂನಿವರ್ಸಿಟಿಯ ಬಿ.ಟೆಕ್ ವಿದ್ಯಾರ್ಥಿ ಪ್ರಬಿನ್‍ ಕುಮಾರ್ ದಾಸ್‍ ಅವರು ಪ್ರತಿಕ್ರಿಯಿಸಿದ್ದಾರೆ.

ದಾಸ್‍ ಮತ್ತು ಇತರ ನಾಲ್ವರ ತಂಡ ನಾಲ್ಕು ಮಾದರಿಯಲ್ಲಿ ಪರಿಕರಗಳನ್ನು ಅಭಿವೃ‍ದ್ಧಿಪಡಿಸಿದೆ. ಉನ್ನತ ಮಾದರಿಯ ಸಾಧನವನ್ನು ವೈ-ಫೈ ಮೂಲಕ ಮೊಬೈಲ್‍ ಫೋನ್‍ಗೂ ಜೋಡಣೆ ಮಾಡಬಹುದಾಗಿದೆ ಎಂದು ಅವರು ತಿಳಿಸಿದ್ದಾರೆ.