‘2018–19ನೇ ಸಾಲಿನ ಬಜೆಟ್ನಲ್ಲಿ ವಾಯುಮಾಲಿನ್ಯ ತಡೆಗಾಗಿ ₹ 2,683 ಕೋಟಿ ಮೀಸಲಿಡಲಾಗಿತ್ತು, 2019–20ನೇ ಸಾಲಿನಲ್ಲೀ ಈ ಉದ್ದೇಶಕ್ಕೆ ಮೀಸಲಿಟ್ಟ ಮೊತ್ತವನ್ನು ₹ 482 ಕೋಟಿಯಷ್ಟು ಹೆಚ್ಚಿಸಲಾಗಿದೆ (₹ 3175 ಕೋಟಿ). ಹೆಚ್ಚುವರಿಯಾಗಿ ನೀಡಿದ್ದ ಹಣದಲ್ಲಿ ದೊಡ್ಡ ಪಾಲನ್ನು ಗಾಳಿಯ ಶುದ್ಧೀಕರಣ ಕಾರ್ಯಕ್ರಮಗಳಿಗೆ ವಿನಿಯೋಗಿಸಲಾಗುವುದು. ರಸ್ತೆಗಳನ್ನು ವ್ಯಾಕ್ಯೂಮ್ ಮೂಲಕ ಶುಚಿಗೊಳಿಸುವ ಯಂತ್ರಗಳ ಖರೀದಿ ಹಾಗೂ ಪಾರ್ಟಿಕ್ಯುಲೇಟ್ ಮ್ಯಾಟರ್ 2.5 (ಪಿಎಂ 2.5) ಮಾಪನ ಯಂತ್ರಗಳ ಸ್ಥಾಪನೆಗೆ ವ್ಯಯಿಸಲಾಗುವುದು ಎಂದು ಪರಿಸರ ಖಾತೆ ಸಚಿವ ಪ್ರಕಾಶ್ ಜಾವಡೇಕರ್ ತಿಳಿಸಿದರು.