ಪಣಜಿ:ಗೋವಾದ ನೂತನ ಮುಖ್ಯಮಂತ್ರಿಯಾಗಿ ಆಯ್ಕೆಯಾದ ಪ್ರಮೋದ್ ಪಾಂಡುರಂಗ ಸಾವಂತ್ ಮೂಲತಃ ಆಯುರ್ವೇದ ವೈದ್ಯ.46 ವರ್ಷ ವಯಸ್ಸಿನ ಸಾವಂತ್ ಹುಟ್ಟಿದ್ದು 1973 ರ ಏಪ್ರಿಲ್ 24. ಪ್ರಮೋದ್ ಅವರ ತಂದೆ ಪಾಂಡುರಂಗ ಮತ್ತು ತಾಯಿ ಪದ್ಮಿನಿ ಸಾವಂತ್. ಪುಣೆಯ ತಿಲಕ್ ಮಹಾರಾಷ್ಟ್ರ ವಿಶ್ವವಿದ್ಯಾಲಯದಿಂದ ಸಮಾಜ ಸೇವೆ ವಿಷಯದಲ್ಲಿ ಎಂಎ ಪದವಿ ಪಡೆದಿದ್ದಾರೆ. ಇದಲ್ಲದೆ,ಕೋಲ್ಹಾಪುರದ ಗಂಗಾ ಎಜುಕೇಷನ್ ಸೊಸೈಟಿ ಆಯುರ್ವೇದ ಮೆಡಿಕಲ್ ಕಾಲೇಜಿನಲ್ಲಿ ಆಯುರ್ವೇದ ವಿಷಯದಲ್ಲಿ ಪದವಿ ಪಡೆದಿದ್ದಾರೆ.