ಬುಧವಾರ, ಜೂಲೈ 8, 2020
27 °C

ಹೆತ್ತವರೇ ಮಾರಾಟ ಮಾಡಿದ್ದ 2 ತಿಂಗಳ ಮಗು ರಕ್ಷಿಸಿದ ಪೊಲೀಸರು

ಪಿಟಿಐ Updated:

ಅಕ್ಷರ ಗಾತ್ರ : | |

ಹೈದರಾಬಾದ್: ಆರ್ಥಿಕ ಸಂಕಷ್ಟದಿಂದ ಹೆತ್ತವರು ₹ 22 ಸಾವಿರಕ್ಕೆ ಮಾರಾಟ ಮಾಡಿದ್ದ ಎರಡು ತಿಂಗಳ ಗಂಡು ಮಗುವನ್ನು ಹೈದರಾ ಬಾದ್‌ ಪೊಲೀಸರು ಭಾನುವಾರ ರಕ್ಷಿಸಿದ್ದಾರೆ. 

‘ಆರ್ಥಿಕ ಸಂಕಷ್ಟ ಹಾಗೂ ಮಗುವಿನ ತಂದೆಯ ಕುಡಿತದ ಚಟದಿಂದ ಪೋಷಕರು ಶನಿವಾರ ರಾತ್ರಿ ಮಗು ಮಾರಾಟ ಮಾಡಿದ್ದರು ಎನ್ನುವುದು ಪ್ರಾಥಮಿಕ ತನಿಖೆಯಿಂದ ತಿಳಿದುಬಂದಿದೆ’ ಎಂದು ಪೊಲೀಸರು ತಿಳಿಸಿದರು. ಆದರೆ ಈ ಆರೋಪವನ್ನು ಮಗುವಿನ ತಾಯಿ ನಿರಾಕರಿಸಿದ್ದು, ಕುಡಿತದ ಚಟ ಹೊಂದಿದ್ದ ಗಂಡನೇ ಮಗು ಮಾರಾಟ ಮಾಡಿದ್ದಾನೆ ಎಂದು ಪೊಲೀಸರಿಗೆ ತಿಳಿಸಿದ್ದಾರೆ.

ಮಗು ಖರೀದಿಸಿದ್ದ ಮಹಿಳೆ ಮತ್ತು ಪೋಷಕರನ್ನು ವಶಕ್ಕೆ ಪಡೆಯಲಾಗಿದೆ. ಖರೀದಿ ಸಂದರ್ಭದಲ್ಲಿ ಸಾಕ್ಷಿಯಾಗಿ ಬಾಂಡ್‌ ಕಾಗದಕ್ಕೆ ಸಹಿ ಹಾಕಿದ್ದ ಮೂವರು ಪರಾರಿಯಾಗಿದ್ದು ಅವರ ಪತ್ತೆಗೆ ಕ್ರಮ ಕೈಗೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದರು. 

ಆಂಬುಲೆನ್ಸ್‌ ಚಾಲಕ ಸಾವು: ₹ 75 ಲಕ್ಷ ಪರಿಹಾರ

ಥಾಣೆ: ನವಿಮುಂಬೈನ ವಾಶಿಯಲ್ಲಿರುವ ನಗರ ಪಾಲಿಕೆ ಆಸ್ಪತ್ರೆಯ ಆಂಬುಲೆನ್ಸ್‌ನ ಚಾಲಕರೊಬ್ಬರು ಕೋವಿಡ್‌–19ನಿಂದಾಗಿ ಭಾನುವಾರ ಮೃತಪಟ್ಟಿದ್ಧಾರೆ.

‘ಮೃತ ಚಾಲಕನ ಕುಟುಂಬಕ್ಕೆ ಪ್ರಧಾನ ಮಂತ್ರಿ ಗರೀಬ್‌ ಕಲ್ಯಾಣ ವಿಮಾ ಯೋಜನೆಯಡಿ ₹ 50 ಲಕ್ಷ ಹಾಗೂ ನಗರಪಾಲಿಕೆಯ ಕಾರ್ಮಿಕ ಕಲ್ಯಾಣ ನಿಧಿಯಿಂದ ₹ 25 ಲಕ್ಷ ಸೇರಿ ಒಟ್ಟು ₹ 75 ಲಕ್ಷ ಪರಿಹಾರ ವಿತರಿಸಲಾಗುವುದು’ ಎಂದು ಪಾಲಿಕೆ ಆಯುಕ್ತ ಅಣ್ಣಾಸಾಹೇಬ ಮಿಸಾಳ್‌ ಹೇಳಿದ್ದಾರೆ.

ಕ್ರಿಶ್ಚಿಯನ್‌ ಮಿಷಲ್‌ ತನಿಖೆಗೆ ಅನುಮತಿ

ನವದೆಹಲಿ: ಆಗಸ್ಟಾ ವೆಸ್ಟ್‌ಲ್ಯಾಂಡ್ ಹಗರಣ ಸಂಬಂಧ ತಿಹಾರ್‌ ಜೈಲಿನಲ್ಲಿರುವ ಮಧ್ಯವರ್ತಿ ಕ್ರಿಶ್ಚಿಯನ್‌ ಮಿಷಲ್‌‌ ಅವರನ್ನು ತನಿಖೆಗೆ ಒಳಪಡಿಸಲು ಇ.ಡಿಗೆ ದೆಹಲಿ ಹೈಕೋರ್ಟ್‌ ಅನುಮತಿ ನೀಡಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು