ಪಟ್ನಾ: ಜೆಎನ್‍ಯು ವಿದ್ಯಾರ್ಥಿ ಸಂಘಟನೆಗಳ ಮಾಜಿ ಅಧ್ಯಕ್ಷ, ಯುವ ನೇತಾರ ಕನ್ಹಯ್ಯ ಕುಮಾರ್ ಸಿಪಿಐ ಅಭ್ಯರ್ಥಿಯಾಗಿ ಬೆಗುಸರೈಯಿಂದ ಕಣಕ್ಕಿಳಿದ್ದಿದ್ದಾರೆ. ನಾಮಪತ್ರ ಸಲ್ಲಿಕೆ ವೇಳೆ ಆಸ್ತಿ ವಿವರ ಸಲ್ಲಿಸಿರುವ ಕನ್ಹಯ್ಯ,ಕಳೆದ ಎರಡು ವರ್ಷಗಳ ಆದಾಯ ₹8.5 ಲಕ್ಷ ಎಂದು ನಮೂದಿಸಿದ್ದಾರೆ.
ನಿರುದ್ಯೋಗಿಯಾಗಿರುವ ಕನ್ಹಯ್ಯ ವಿರುದ್ದ 5 ಪ್ರಕರಣಗಳಿವೆ ಎಂದು ಅಫಿಡವಿಟ್‍ನಲ್ಲಿ ಹೇಳಲಾಗಿದೆ.ಹವ್ಯಾಸಿ ಬರಹಗಾರನಾಗಿಯೂ ವಿವಿಧ ವಿಶ್ವವಿದ್ಯಾನಿಲಯಗಳಲ್ಲಿ ಅತಿಥಿ ಉಪನ್ಯಾಸಕನಾಗಿಯೂ ತಾನು ದುಡಿದಿದ್ದೇನೆ ಎಂದು ಹೇಳಿರುವ ಕನ್ಹಯ್ಯ, ಬಿಹಾರ್ ಟು ತಿಹಾರ್ ಎಂಬ ಪುಸ್ತದ ಮಾರಾಟದಿಂದ ತನಗೆ ಆದಾಯ ಸಿಗುತ್ತಿದೆ ಎಂದಿದ್ದಾರೆ.
ಕೈಯಲ್ಲಿ ₹24,000 ನಗದು , ಬ್ಯಾಂಕ್ ಖಾತೆಯಲ್ಲಿ ₹3,57, 848 ಠೇವಣಿ ಹೊಂದಿರುವ ಈತನಿಗೆ ಸ್ವಂತವಾಗಿ ಕೃಷಿ ಭೂಮಿ ಇಲ್ಲ , ಅಪ್ಪ ರೈತ ಮತ್ತು ಅಮ್ಮ ಅಂಗನವಾಡಿ ಕಾರ್ಯಕರ್ತೆಯಾಗಿದ್ದಾರೆ ಎಂದು ಅಫಿಡವಿಟ್‍ನಲ್ಲಿದೆ.
