ಗುರುವಾರ , ಜೂನ್ 24, 2021
21 °C

ಭೂ ಖರೀದಿ ಅಕ್ರಮ ತನಿಖೆಗೆ ಎಸ್ಐಟಿ: ಚಂದ್ರಬಾಬು ನಾಯ್ಡುಗೆ ಸಂಕಷ್ಟ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಹೈದರಾಬಾದ್‌: ಚಂದ್ರಬಾಬು ನಾಯ್ಡು ಅವಧಿಯಲ್ಲಿ ನಡೆದಿರುವ ಭೂಮಿ ಖರೀದಿ ಹಾಗೂ ಅವ್ಯವಹಾರಗಳ ತನಿಖೆಗೆ ಮುಖ್ಯಮಂತ್ರಿ ಜಗನ್‌ಮೋಹನ ರೆಡ್ಡಿ ಅವರು ವಿಶೇಷ ತನಿಖಾ ತಂಡ (ಎಸ್‌ಐಟಿ) ರಚಿಸಿರುವುದರಿಂದ ನಾಯ್ಡು ಹಾಗೂ ಅವರ ಪಕ್ಷದ ಮುಖಂಡರು ಸಂಕಷ್ಟಕ್ಕೆ ಸಿಲುಕುವ ಸಾಧ್ಯತೆ ಇದೆ.

ಜನವರಿಯಲ್ಲಿ ನಡೆದ ವಿಧಾನಸಭಾ ಅಧಿವೇಶನದಲ್ಲಿ ರೆಡ್ಡಿ ಅವರು ಮೂರು ರಾಜಧಾನಿಗಳನ್ನು ರಚಿಸುವ ಮಸೂದೆ ಮಂಡಿಸಿದಾಗ, ನಾಯ್ಡು ಅವಧಿಯಲ್ಲಿ ಘೋಷಣೆಯಾಗಿರುವ ಅಮರಾವತಿ ರಾಜಧಾನಿ ರಚನೆಯಲ್ಲಿ ನಡೆದಿರುವ ಅವ್ಯವಹಾರಗಳ ತನಿಖೆ ಮಾಡಲಾ
ಗುವುದು ಎಂದು ಘೋಷಿಸಿದ್ದರು.

ರಾಜಧಾನಿ ಆಯ್ಕೆ ವಿಷಯದಲ್ಲಿ ನಾಯ್ಡು ದೊಡ್ಡ ತಪ್ಪು ಮಾಡಿದ್ದಾರೆ. ನೂತನ ರಾಜಧಾನಿ ಸುತ್ತಲೂ ಬೇನಾಮಿ ಹೆಸರಿನಲ್ಲಿ ಸಾಕಷ್ಟು ಭೂಮಿ ಖರೀದಿಸಿದ್ದಾರೆ ಎಂದು ರೆಡ್ಡಿ ಆರೋಪಿಸಿದ್ದರು.

ಮುಖ್ಯಮಂತ್ರಿಯಾದ ತಿಂಗಳಲ್ಲಿಯೇ ಅವ್ಯವಹಾರಗಳ ತನಿಖೆಗಾಗಿ ರೆಡ್ಡಿ ಅವರು ಸಂಪುಟ ಉಪಸಮಿತಿ ರಚನೆ ಮಾಡಿದ್ದರು.

ಹಣಕಾಸು ಸಚಿವ ಬುಗ್ಗಣಾ ರಾಜೇಂದ್ರನಾಥ್‌ ನೇತೃತ್ವದ ಸಮಿತಿಯು, 2014ರಲ್ಲಿ ಆಂಧ್ರಪ್ರದೇಶ ರಾಜ್ಯ ರಚನೆಯಾದ ನಂತರ ಸರ್ಕಾರದ ನೀತಿ, ಯೋಜನೆ, ಕಾರ್ಯಕ್ರಮ, ಕಂಪನಿಗಳ ರಚನೆ ಹಾಗೂ ಆಡಳಿತಾತ್ಮಕವಾಗಿ ಕೈಗೊಂಡಿರುವ‌ ನಿರ್ಧಾರಗಳು ಸರ್ಕಾರದ ಮೇಲೆ ಬೀರಿರುವ ಪರಿಣಾಮಗಳ ಕುರಿತು ಪರಿಶೀಲನೆ ನಡೆಸಿ ಡಿಸೆಂಬರ್‌ನಲ್ಲಿ ವರದಿ ನೀಡಿತ್ತು. 

ಸರ್ಕಾರದ ಕಾರ್ಯವಿಧಾನ, ಕಾನೂನು, ಹಣಕಾಸು ವ್ಯವಹಾರಗಳಲ್ಲಿ ಅವ್ಯವಹಾರ ನಡೆದಿರುವುದನ್ನು ಸಮಿತಿ ಪತ್ತೆ ಹಚ್ಚಿತ್ತು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು