ಸೋಮವಾರ, ಜುಲೈ 26, 2021
25 °C
ಮಧ್ಯಪ್ರದೇಶದ ಉಮರಿಯಾ ಜಿಲ್ಲೆಯ ಗಿಂಜ್ರಿಯಲ್ಲಿ ಘಟನೆ

ಮಧ್ಯಪ್ರದೇಶ | ಸ್ಫೋಟಕ ಮಿಶ್ರಿತ ಆಹಾರ ಸೇವಿಸಿದ ಹಸುವಿಗೆ ಗಾಯ

ಪಿಟಿಐ Updated:

ಅಕ್ಷರ ಗಾತ್ರ : | |

cows

ಉಮರಿಯಾ, ಮಧ್ಯಪ್ರದೇಶ: ಉಮರಿಯಾ ಜಿಲ್ಲೆಯ ಗಿಂಜ್ರಿ ಗ್ರಾಮದಲ್ಲಿ ಹಸುವೊಂದಕ್ಕೆ ಸ್ಫೋಟ ಮಿಶ್ರಿತ ಆಹಾರ ನೀಡಲಾಗಿದ್ದು, ಸ್ಫೋಟದಿಂದಾಗಿ ಅದರ ಬಾಯೊಳಗೆ ಗಾಯಗಳಾಗಿವೆ ಎಂದು ಆರೋಪಿಸಲಾಗಿದೆ.

ಗ್ರಾಮದ ಓಂ ಪ್ರಕಾಶ್ ಅಗ್ರವಾಲ್‌ ಅವರಿಗೆ ಸೇರಿದ ಹಸು ಗಾಯಗೊಂಡಿದ್ದು, ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

‘ಮನೆಯ ಸುತ್ತಮುತ್ತ ಮೇಯುತ್ತಿದ್ದ ಹಸು, ಜೂನ್‌ 14ರಂದು ಮನೆಗೆ ಬರಲಿಲ್ಲ. ಕೊನೆಗೆ ಮಂಗಳವಾರ ಪತ್ತೆಯಾಯಿತು. ಅದರ ದವಡೆಯಲ್ಲಿ ಗಾಯ ಕಂಡು ಬಂತು. ಸ್ಫೋಟಕ ಬೆರೆಸಿದ ಆಹಾರ ನೀಡಲಾಗಿತ್ತು, ಹೀಗಾಗಿ ಅದರ ಬಾಯಲ್ಲಿ ಗಾಯಗಳಾಗಿವೆ’ ಎಂದು ಓಂ ಪ್ರಕಾಶ್‌ ಹೇಳಿದ್ದಾರೆ. 

‘ಹಸು ಈಗ ಏನನ್ನೂ ತಿನ್ನುವ ಸ್ಥಿತಿಯಲ್ಲಿ ಇಲ್ಲ. ಒಂದು ತಿಂಗಳಿನ ತನ್ನ ಕರುವಿಗೂ ಹಾಲು ಕುಡಿಸಲೂ ಅದಕ್ಕೆ ಆಗುತ್ತಿಲ್ಲ’ ಎಂದು ಕಣ್ಣೀರಿಟ್ಟಿದ್ದಾರೆ. 

‘ಈ ಘಟನೆಗೆ ಸಂಬಂಧಿಸಿದ ಆರೋಪಿಗಳನ್ನು ಪೊಲೀಸರು ಪತ್ತೆ ಹಚ್ಚಲು ವಿಫಲರಾದರೆ, ನಾವೇ ಅವರನ್ನು ಪತ್ತೆ ಹಚ್ಚುತ್ತೇವೆ’ ಎಂದು ಬಜರಂಗ ದಳದ ಮುಖಂಡ ಉಪೇಂದ್ರ ಸಿಂಗ್‌ ಹೇಳಿದ್ದಾರೆ. 

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು