ನವದೆಹಲಿ: ನಮೋ ಟಿ.ವಿ ಸ್ಥಗಿತಗೊಳಿಸುವಂತೆ ರಾಜಕೀಯ ಪಕ್ಷಗಳು ಚುನಾವಣಾ ಆಯೋಗದ ಮೊರೆ ಹೋಗಿರುವ ನಡುವೆಯೇ, ಹೊಸ ವಾದ ಮಂಡಿಸಲು ಕೇಂದ್ರ ಸರ್ಕಾರ ಮುಂದಾಗಿದೆ.
‘ಇದು ಜಾಹೀರಾತು ವಾಹಿನಿ, ಇದರ ಪ್ರಸಾರಕ್ಕೆ ಯಾವುದೇ ಪೂರ್ವಾನುಮತಿ ಅಗತ್ಯವಿಲ್ಲ. ಕೆಲವೊಂದು ‘ಡಿಟಿಎಚ್‌’ಗಳಲ್ಲಿ ಮಾತ್ರ ಟಿ.ವಿ ಪ್ರಸಾರವಾಗುತ್ತಿದ್ದು, ಜಾಹೀರಾತಿಗೆ ಬಿಜೆಪಿ ಹಣ ನೀಡಿದೆ’ ಎಂದು ವಾದ ಮಂಡಿಸಲು ಕೇಂದ್ರ ಸರ್ಕಾರ ಸಿದ್ಧತೆ ನಡೆಸಿದೆ ಎಂದು ಮೂಲಗಳು ತಿಳಿಸಿವೆ.
ನಮೋ ಟಿ.ವಿ ಉದ್ಘಾಟನೆ ವಿಚಾರವಾಗಿ ವರದಿ ನೀಡುವಂತೆ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯಕ್ಕೆ ಕೇಂದ್ರ ಚುನಾವಣಾ ಆಯೋಗ ನೋಟಿಸ್ ನೀಡಿದೆ.
