ಮುಂಬೈ: ಹಿಂದಿ ಕಿರುತೆರೆ ನಟ ಅಲೋಕ್ ನಾಥ್ ವಿರುದ್ಧ ಅಂಧೇರಿಯ ಒಶಿವಾರಾ ಪೊಲೀಸ್ ಠಾಣೆಯಲ್ಲಿಅತ್ಯಾಚಾರ ಪ್ರಕರಣ ದಾಖಲಾಗಿದೆ.
‘19 ವರ್ಷಗಳ ಹಿಂದೆ ಅಲೋಕ್ ನಾಥ್, ನನ್ನ ಮೇಲೆ ಅತ್ಯಾಚಾರ ಎಸಗಿದ್ದರು’ ಎಂದು ಆರೋಪಿಸಿ ಲೇಖಕಿ, ನಿರ್ಮಾಪಕಿಯೊಬ್ಬರುಈಚೆಗೆ ಪೊಲೀಸರಿಗೆ ದೂರು ನೀಡಿದ್ದರು.
ಮಿ–ಟೂ ಅಭಿಯಾನದ ಭಾಗವಾಗಿ ಬಾಲಿವುಡ್ ನಟಿ ತನುಶ್ರೀ ದತ್ತಾ ಅವರು ನಟ ನಾನಾ ಪಾಟೇಕರ್ ವಿರುದ್ಧ ಲೈಂಗಿಕ ಕಿರುಕುಳ ಆರೋಪ ಮಾಡಿದ ಬಳಿಕ, ಈ ನಿರ್ಮಾಪಕಿ ಕೂಡ ಅಲೋಕ್ ನಾಥ್ ವಿರುದ್ಧ ಸಾಮಾಜಿಕ ಮಾಧ್ಯಮದಲ್ಲಿ ಲೈಂಗಿಕ ಕಿರುಕುಳ ಆರೋಪ ಮಾಡಿದ್ದರು.
ತನ್ನ ಮೇಲಿನ ಆರೋಪವನ್ನು ಅಲ್ಲಗಳೆದಿರುವ ಅಲೋಕ್ ನಾಥ್, ನಿರ್ಮಾಪಕಿ ವಿರುದ್ಧ ಮಾನನಷ್ಟ ಮೊಕದ್ದಮೆ ಹೂಡಿದ್ದರು.
ಸಾಮಾಜಿಕ ಮಾಧ್ಯಮದಲ್ಲಿ ಮೀ–ಟೂ ಆರೋಪ ಮಾಡಿದ್ದ ನಿರ್ಮಾಪಕಿ, ಅಲೋಕ್ ನಾಥ್ ಹೆಸರು ಉಲ್ಲೇಖಿಸದೆ ‘ಅತ್ಯಂತ ಸಂಸ್ಕಾರಿ ನಟ’ ಎಂದಿದ್ದರು.