ಎರಡು ದಿನದಲ್ಲಿ ಮೂರು ಮಂಗಗಳ ಸಾವು

7
ಅಂಗಾಂಗಗಳು ಪ್ರಯೋಗಾಲಯಕ್ಕೆ ರವಾನೆ

ಎರಡು ದಿನದಲ್ಲಿ ಮೂರು ಮಂಗಗಳ ಸಾವು

Published:
Updated:
Prajavani

ಅಂಕೋಲಾ: ತಾಲ್ಲೂಕಿನ ಅವರ್ಸಾ ಗ್ರಾಮದಲ್ಲಿ ಎರಡು ದಿನಗಳಲ್ಲಿ ಮೂರು ಮಂಗಗಳು ಸತ್ತಿರುವುದು ಸ್ಥಳೀಯರಲ್ಲಿ ಆಂತಕಕ್ಕೆ ಕಾರಣವಾಗಿದೆ.

ಗುರುವಾರ ಒಂದು ಮಂಗ ಸತ್ತಿದೆ. ಬುಧವಾರ ಮೃತಪಟ್ಟಿದ್ದ ಎರಡು ಮಂಗಗಳನ್ನು ನಾಯಿಗಳು ಎಳೆದಾಡಿ, ತಲೆಯ ಭಾಗ ಕಚ್ಚಿ ತಿಂದಿವೆ. ಸುದ್ದಿ ತಿಳಿದು ಸ್ಥಳಕ್ಕೆ ಭೇಟಿ ನೀಡಿದ ಅರಣ್ಯ ಹಾಗೂ ಆರೋಗ್ಯ ಇಲಾಖೆ ಸಿಬ್ಬಂದಿ, ಪರಿಶೀಲನೆ ನಡೆಸಿದ್ದಾರೆ.

‘ಮಂಗಗಳ ದೇಹದ ಭಾಗಗಳನ್ನು ಹೊನ್ನಾವರದ ಕೆಎಫ್‌ಡಿ ನಿಯಂತ್ರಣ ಘಟಕಕ್ಕೆ ಕಳುಹಿಸಲಾಗಿದೆ. ಅಲ್ಲಿಂದ ಶಿವಮೊಗ್ಗದ ಪ್ರಯೋಗಾಲಯಕ್ಕೆ ರವಾನೆ ಮಾಡಲಾಗುತ್ತದೆ. ವರದಿ ಬಂದ ನಂತರವೇ ಮಂಗಗಳ ಸಾವಿಗೆ ಕಾರಣ ತಿಳಿಯಲಿದೆ. ಮಂಗಗಳು ಸತ್ತ ಪ್ರದೇಶಗಳ ಸುತ್ತಮುತ್ತ ಶುಕ್ರವಾರ ತೆರಳಿ, ಜ್ವರ ಇದ್ದವರ ಬಗ್ಗೆ ಮಾಹಿತಿ ಪಡೆಯಲಿದ್ದೇವೆ’ ಎಂದು ತಾಲ್ಲೂಕು ವೈದ್ಯಾಧಿಕಾರಿ ಡಾ.ಅರ್ಚನಾ ನಾಯಕ ತಿಳಿಸಿದ್ದಾರೆ.

‘ಜನವರಿ ತಿಂಗಳಲ್ಲಿ ತಾಲ್ಲೂಕಿನಲ್ಲಿ ಒಟ್ಟು ನಾಲ್ಕು ಮಂಗಗಳು ಸತ್ತಿದ್ದವು. ಅದರಲ್ಲಿ ವಡಗಾರದಲ್ಲಿ ಎರಡು ಮಂಗಗಳು ವಿದ್ಯುತ್ ಸ್ಪರ್ಶದಿಂದ ಸತ್ತಿರುವುದು ದೃಢಪಟ್ಟಿತ್ತು. ಹಳವಳ್ಳಿ ಹಾಗೂ ಪೂಜಗೇರಿಯಲ್ಲಿ ನಾಯಿ ದಾಳಿಯಿಂದ ಎರಡು ಮಂಗಗಳು ಸತ್ತಿದ್ದವು’ ಎಂದು ಅವರು ತಿಳಿಸಿದ್ದಾರೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !