ಆಣೆ– ಪ್ರಮಾಣ ಬಿಟ್ಟು ಸಾಲ ಮನ್ನಾ ಮಾಡಿ: ಕಾರಜೋಳ

ಬಾಗಲಕೋಟೆ ಜಿಲ್ಲೆಯಲ್ಲಿ ಒಟ್ಟು 1.40 ಲಕ್ಷ ರೈತರು ಸಾಲ ಮಾಡಿದ್ದಾರೆ. ಇದರ ಒಟ್ಟು ಮೊತ್ತ ₹798 ಕೋಟಿ. ಡಿ.28 ರಂದು ಮುಖ್ಯಮಂತ್ರಿಯವರು ಕೇವಲ ₹17.56 ಕೋಟಿ ಸಾಲ ಮನ್ನಾದ ಋಣ ಮುಕ್ತ ಪತ್ರ ನೀಡಿ ಹೋಗಿದ್ದಾರೆ. ಈ ರೀತಿ ಗಿಮಿಕ್ ಮಾಡುವುದನ್ನು ಬಿಟ್ಟು, ನವೆಂಬರ್‌ 31 ರವರೆಗೆ ಎಷ್ಟು ರೈತರು ಸಾಲ ಮಾಡಿದ್ದಾರೊ, ಅವರ ಎಲ್ಲ ಸಾಲವನ್ನೂ ಕೂಡಲೇ ಮನ್ನಾ ಮಾಡಬೇಕು ಎಂದು ಒತ್ತಾಯಿಸಿದ್ದಾರೆ.

ಜಿಲ್ಲೆಯಲ್ಲಿ 6 ತಾಲ್ಲೂಕಿನ 30 ರೈತರಿಗೆ ಋಣಮುಕ್ತ ಪತ್ರ ವಿತರಿಸಿದ್ದಾರೆ. ಈ ಸಂದರ್ಭದಲ್ಲಿ ತಮ್ಮ ಮಗನ ಮೇಲೆ ಆಣೆ ಮಾಡಿ ರಾಜ್ಯದ ಎಲ್ಲ ರೈತರ ₹46 ಸಾವಿರ ಕೋಟಿ ಸಾಲ ಮನ್ನಾ ಮಾಡುವುದಾಗಿ ಅವರು ಹೇಳಿದ್ದಾರೆ. ಇಂತಹ ನಾಟಕಗಳನ್ನು ನಿಲ್ಲಿಸಲಿ ಎಂದು ಕಾರಜೋಳ ತಿಳಿಸಿದ್ದಾರೆ.