ಆರೋಗ್ಯ ಇಲಾಖೆಯ ಗುತ್ತಿಗೆ ಹಾಗೂ ಹೊರಗುತ್ತಿಗೆ ನೌಕರರ ಸಂಘವು ಸಿಬ್ಬಂದಿಯ ವೇತನ ಹೆಚ್ಚಳ, ಬೋನಸ್ ಒದಗಿಸುವುದು ಸೇರಿದಂತೆ ವಿವಿಧ ಬೇಡಿಕೆಗಳಿಗೆ ಒತ್ತಾಯಿಸಿ, ಈ ಹಿಂದೆ ಪ್ರತಿಭಟನೆ ನಡೆಸಿತ್ತು. ಬಳಿಕ ಆರೋಗ್ಯ ಇಲಾಖೆಯ ಸಚಿವರ ಜತೆಗೆ ಈ ಬಗ್ಗೆ ಸಂಘದ ಪ್ರಮುಖರು ಸಭೆ ನಡೆಸಿದ್ದರು. ಆದರೆ, ಡಿಸೆಂಬರ್ ತಿಂಗಳ ವೇತನವನ್ನು ತಡೆ ಹಿಡಿದಿದ್ದ ಎನ್ಎಚ್ಎಂ, ಜ.5ಕ್ಕೆ ಪರಿಷ್ಕೃತ ವೇತನ ನೀಡುವಂತೆ ಆದೇಶಿಸಿತ್ತು.ಬೋನಸ್ ಜತೆಗೆ ವೇತನ ನೀಡಲಾದರೂ ಕೆಲವರ ಮೂಲ ವೇತನವನ್ನು ಇಳಿಕೆ ಮಾಡಲಾಗಿತ್ತು. ಇದೀಗ ಈ ಮೊದಲಿನ ವೇತನವನ್ನೇ ನೀಡುವಂತೆ ಆದೇಶಿಸಲಾಗಿದೆ.