ನಿಯಮದಲ್ಲಿ ಬದಲಾವಣೆ: ಈ ಬಾರಿ ನೇಮಕಾತಿ ನಿಯಮಗಳಲ್ಲಿ ಕೆಲವು ಬದಲಾವಣೆಗಳು ಇರಲಿವೆ. ಮುಖ್ಯಪರೀಕ್ಷೆಯಿಂದ 1:3 ಅನುಪಾತದಲ್ಲಿ ವ್ಯಕ್ತಿತ್ವ ಪರೀಕ್ಷೆಗೆ ಅಭ್ಯರ್ಥಿಗಳ ಆಯ್ಕೆ ನಡೆಯಲಿದೆ. ಅಲ್ಲದೆ, ಮುಖ್ಯಪರೀಕ್ಷೆಯಲ್ಲಿ ತಲಾ 250 ಅಂಕಗಳ (ಒಟ್ಟು 500 ಅಂಕ) ಐಚ್ಛಿಕ ವಿಷಯವನ್ನು ಕೈ ಬಿಡುವ ಬಗ್ಗೆಯೂ ಕೆಪಿಎಸ್ಸಿ ಈಗಾಗಲೇ ತೀರ್ಮಾನಿಸಿದ್ದು ರಾಜ್ಯ ಸರ್ಕಾರಕ್ಕೆ ಪ್ರಸ್ತಾವನೆ ಸಲ್ಲಿಸಿದೆ. ಈ ಪ್ರಸ್ತಾವನೆಗೆ ರಾಜ್ಯ ಸರ್ಕಾರ ಅನುಮೋದನೆ ನೀಡಿದರೆ ಒಟ್ಟು 1,250 ಅಂಕಗಳಿಗೆ ಮುಖ್ಯಪರೀಕ್ಷೆ ನಡೆಯಲಿದೆ.