‘ವಿಜ್ಞಾನ ಪಠ್ಯಕ್ರಮವು, ಜಾಗತಿಕ ಹವಾಮಾನ ಬದಲಾವಣೆಯಿಂದ ಹಿಡಿದು ಪರಿಸರ ಚಕ್ರದವರೆಗಿನ ಎಲ್ಲ ಸಂಗತಿಗಳನ್ನು ವಿಸ್ತೃತವಾಗಿ ತಿಳಿಸುತ್ತದೆ. ಪಠ್ಯದಲ್ಲಿ ಮಕ್ಕಳು, ಬಾಷ್ಪೀಕರಣ, ಇಂಗಾಲದ ವಿನಿಮಯ, ಗಿಡಗಳ ಬೆಳವಣಿಗೆ, ದ್ಯುತಿ ಸಂಶ್ಲೇಷಣ ಕ್ರಿಯೆ, ಜೀವಿ ವರ್ಗೀಕರಣ ಎಲ್ಲವನ್ನೂ ಓದುತ್ತಾರೆ. ಆದರೆ, ಪದವಿ ಪಡೆದು ಸಂಶೋಧನೆಗೆ ತೊಡಗಿದಾಗ, ಮತ್ತೆ ಮೂಲ ವಿಜ್ಞಾನ ಪುಸ್ತಕ ತಡಕಾಡುತ್ತಾರೆ. ಇದನ್ನು ಗಮನಿಸಿ, 4ರಿಂದ 10ನೇ ತರಗತಿವರೆಗಿನ ಎಲ್ಲ ವಿಜ್ಞಾನ ಪುಸ್ತಕಗಳನ್ನು ಅಭ್ಯಾಸ ಮಾಡಿ, ಕಾರ್ಯಾಗಾರದ ಮಾದರಿ ತಯಾರಿಸಿದ್ದೇನೆ’ ಎಂದು ಅವರು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದರು.