8 ಸಾವಿರ ಜನರಿಗೆ ನೀರು ಕೊಡುವ ರೈತ!

ಸೋಮವಾರ, ಜೂನ್ 17, 2019
31 °C
ಹಾಲಕೆರೆ ಗ್ರಾಮ; ಜನರ ಪಾಲಿಗೆ ಭಗೀರಥನಾದ ಅಬ್ದುಲ್‌ ರೆಹಮಾನ್‌ ಬಳಬಟ್ಟಿ

8 ಸಾವಿರ ಜನರಿಗೆ ನೀರು ಕೊಡುವ ರೈತ!

Published:
Updated:

ನರೇಗಲ್ (ಗದಗ): ನರೇಗಲ್‌ ಪಟ್ಟಣದ ರೈತ ಅಬ್ದುಲ್‌ ರೆಹಮಾನ್ ಇಮಾಮಸಾಬ್ ಬಳಬಟ್ಟಿ ಸಮೀಪದ ಹಾಲಕೆರೆ ಗ್ರಾಮಸ್ಥರ ಪಾಲಿಗೆ ಆಧುನಿಕ ಭಗೀರಥ. ಇವರಿಂದಾಗಿ 8 ಸಾವಿರ ಜನಸಂಖ್ಯೆಯ ಈ ಗ್ರಾಮ ನೀರಿನ ಬವಣೆಯಿಂದ ಪಾರಾಗಿದೆ.

ಬಳಬಟ್ಟಿ ಅವರ ಜಮೀನು ನರೇಗಲ್‌–ಹಾಲಕರೆ ಗ್ರಾಮದ ಮಧ್ಯದಲ್ಲಿದೆ. ಜಮೀನಿನ ಕೊಳವೆಬಾವಿಯಲ್ಲಿ 3 ಇಂಚು ನೀರಿದೆ. ಈ ನೀರನ್ನು ಹಗಲು ಹಾಲಕೆರೆ ಗ್ರಾಮಸ್ಥರಿಗೆ ಕುಡಿಯಲು ಪೂರೈಸುವ ಅವರು, ರಾತ್ರಿ ವೇಳೆ ತಮ್ಮ ಬೆಳೆಗಳಿಗೆ ಹಾಯಿಸಿಕೊಳ್ಳುತ್ತಾರೆ.

2008ರಲ್ಲಿ ಗ್ರಾಮದಲ್ಲಿ ಕುಡಿಯುವ ನೀರಿಗೆ ತೀವ್ರ ಅಭಾವ ಉಂಟಾಗಿತ್ತು. ಗ್ರಾಮ ಪಂಚಾಯ್ತಿ ಸಿಬ್ಬಂದಿ, ಗ್ರಾಮದ ಹಿರಿಯರೊಂದಿಗೆ ಬಳಬಟ್ಟಿ ಅವರನ್ನು ಸಂಪರ್ಕಿಸಿದರು. ತಮ್ಮ ಬೆಳೆಯ ಬಗ್ಗೆ ಚಿಂತಿಸದೆ ನೀರು ಕೊಡಲು ಒಪ್ಪಿಕೊಂಡರು. ಪಂಚಾಯ್ತಿಯವರು ಇವರ ಜಮೀನಿನಿಂದ ಹಾಲಕೆರೆವರೆಗೆ ಪೈಪ್‌ಲೈನ್‌ ಅಳವಡಿಸಿದರು. ಅಲ್ಲಿಂದೀಚೆಗೆ 10 ವರ್ಷಗಳಿಂದ ಅವರು ಉಚಿತವಾಗಿ ನೀರು ಪೂರೈಕೆ ಮಾಡುತ್ತಿದ್ದಾರೆ.

‘ದೇವರು ಕೊಟ್ಟ ನೀರನ್ನು ಜನರಿಗೆ ಕೊಡುವುದರಲ್ಲಿ ನಮ್ಮದೇನೂ ಔದಾರ್ಯವಿಲ್ಲ. ಇದರಲ್ಲಿ ಹಣ ಮಾಡಿಕೊಳ್ಳುವ ಆಸೆಯೂ ಇಲ್ಲ’ ಎನ್ನುತ್ತಾರೆ ಬಳಬಟ್ಟಿ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 10

    Happy
  • 0

    Amused
  • 2

    Sad
  • 0

    Frustrated
  • 1

    Angry

Comments:

0 comments

Write the first review for this !