ಮೀಕ್‍ಟಿಲಾ: ಮ್ಯಾನ್ಮಾರ್ ತನ್ನ ಪ್ರಥಮ ಉಪಗ್ರಹವನ್ನು 2021ರ ಆರಂಭದಲ್ಲಿ ಉಡಾವಣೆ ಮಾಡುವ ಗುರಿಯೊಂದಿಗೆ ಸಿದ್ಧತೆ ನಡೆಸುತ್ತಿದೆ. ಪ್ರಾಕೃತಿಕ ವಿಕೋಪಗಳ ಕುರಿತು ಮುನ್ನೆಚ್ಚರಿಕೆ ನೀಡುವ ಉಪಗ್ರಹ ಇದು.
ಪ್ರತಿ ವರ್ಷ ಕನಿಷ್ಠ 5 ಸೂಕ್ಷ್ಮ ಉಪಗ್ರಹಗಳನ್ನು ಕಕ್ಷೆಗೆ ಉಡಾವಣೆ ಮಾಡುವ ಉದ್ದೇಶವಿದೆ. ಪ್ರತಿ ಉಪಗ್ರಹ ಸುಮಾರು 100 ಕೆ.ಜಿ ತೂಕವಿರಲಿದ್ದು, ಜೀವಿತಾವಧಿ 5 ವರ್ಷ ಆಗಿರುತ್ತದೆ. ಕಕ್ಷೆಯಲ್ಲಿ ಸುಮಾರು 50 ಉಪಗ್ರಹಗಳ ಮೇಲೆ ನಿಯಂತ್ರಣ ಹೊಂದುವವರೆಗೂ ಈ ಯತ್ನ ನಡೆಯಲಿದೆ ಎಂದು ಅವರು ಮ್ಯಾನ್ಮಾರ್ ಅಂತರಿಕ್ಷ ಎಂಜಿನಿಯರಿಂಗ್ ವಿಶ‍್ವವಿದ್ಯಾಲಯದ ಕೀ ತ್ವೈನ್‍ ಹೇಳುತ್ತಾರೆ.
‘ನಮ್ಮದೇ ಉಪಗ್ರಹ ಹೊಂದುವುದು ಮಿತವ್ಯಯಿಯೂ ಹೌದು’ ಎನ್ನುವ ಅವರು, ಈಗ ಉಪಗ್ರಹ ಉಡಾವಣೆಯು ಅಮರಿಕ, ರಷ್ಯಾ, ಚೀನಾದಂತ ದೊಡ್ಡ ರಾಷ್ಟ್ರಗಳಿಗಷ್ಟೇ ಸೀಮಿತವಾಗಿಲ್ಲ ಎಂದಿದ್ದಾರೆ.
