ಬುಧವಾರ, ಆಗಸ್ಟ್ 4, 2021
26 °C

ಡಬ್ಲ್ಯುಎಚ್‌‌ಒದಿಂದ ಹೊರಕ್ಕೆ: ವಿಶ್ವಸಂಸ್ಥೆಗೆ ಸೂಚನೆ ನೀಡಿದ ಅಮೆರಿಕ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ವಾಷಿಂಗ್ಟನ್‌: ವಿಶ್ವ ಆರೋಗ್ಯ ಸಂಸ್ಥೆಯಿಂದ (ಡಬ್ಲ್ಯುಎಚ್‌‌ಒ) ಹೊರ ಬರುವುದಾಗಿ ಈಗಾಗಲೇ ಘೋಷಿಸಿದ್ದ ಅಮೆರಿಕ, ಈ ಸಂಬಂಧ ಅಧಿಕೃತವಾಗಿ ವಿಶ್ವಸಂಸ್ಥೆಗೆ ಸೂಚನೆ ನೀಡಿದೆ. 

ಕೊರೊನಾ ಸೋಂಕು ವಿಶ್ವದಲ್ಲಿ ವ್ಯಾಪಕವಾಗಿ ಹರಡುತ್ತಿದ್ದಾಗಲೂ, ವಿಶ್ವ ಆರೋಗ್ಯ ಸಂಸ್ಥೆ ಚೀನಾ ಪರವಾಗಿಯೇ ನಿಂತಿತು. ಈ ವಿಷಯದಲ್ಲಿ ವಿಶ್ವ ಆರೋಗ್ಯ ಸಂಸ್ಥೆ ದಾರಿ ತಪ್ಪಿಸಿದ ಕಾರಣ ಜಗತ್ತಿನಲ್ಲಿ ಲಕ್ಷಾಂತರ ಜನರು ಸಾವನ್ನಪ್ಪಬೇಕಾಯಿತು ಎಂದು ಅಮೆರಿಕ ಆರೋಪಿಸಿತ್ತು.

‘ಮುಂದಿನ ವರ್ಷದ ಜುಲೈ 6ರಿಂದ ಅನ್ವಯವಾಗುವಂತೆ ಡಬ್ಲ್ಯೂಎಚ್‌ಒದಿಂದ ಹೊರ ನಡೆಯುವ ಬಗ್ಗೆ ಅಮೆರಿಕ ತನ್ನ ನಿರ್ಧಾರವನ್ನು ತಿಳಿಸಿದೆ. ಈ ಸಂಬಂಧ ಎಲ್ಲ ಷರತ್ತುಗಳನ್ನು ಪೂರೈಸಲಾಗಿದೆ ಎಂಬುದನ್ನು ಪರಿಶೀಲಿಸಲಾಗುತ್ತಿದೆ’ ಎಂದು ವಿಶ್ವಸಂಸ್ಥೆಯ ಮಹಾ ಕಾರ್ಯದರ್ಶಿಗಳ ವಕ್ತಾರ ಸ್ಟೀಫನ್‌ ದುಜಾರಿಕ್‌ ಹೇಳಿದ್ದಾರೆ. 

 ಸಂಸ್ಥೆಯಿಂದ ಹೊರ ನಡೆಯುವುದಾಗಿ ಏಪ್ರಿಲ್‌ನಲ್ಲಿಯೇ ಘೋಷಿಸಿದ್ದ ಅಮೆರಿಕ, ಆ ಸಮಯದಲ್ಲಿಯೇ ಹಣಕಾಸು ನೆರವನ್ನು ಸ್ಥಗಿತಗೊಳಿಸಿತ್ತು. ವಾರ್ಷಿಕ ₹3,375 ಕೋಟಿ (450 ಡಾಲರ್‌) ನೆರವನ್ನು ಅಮೆರಿಕ ವಿಶ್ವ ಆರೋಗ್ಯ ಸಂಸ್ಥೆಗೆ ನೀಡುತ್ತಿದೆ. ಇದರ ಹತ್ತನೇ ಭಾಗದಷ್ಟು ಚೀನಾದ ಕೊಡುಗೆ ಇದೆ ಎಂದು ಮೂಲಗಳು ತಿಳಿಸಿವೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು