ಬೆಂಗಳೂರು: ರಿಲಯನ್ಸ್ ಜಿಯೊ ಕಂಪನಿಯು ಇಂಟರ್ನೆಟ್ ಸಂಪರ್ಕ ಇರುವ ‘ಜಿಯೊ ಭಾರತ್’ ಹೆಸರಿನ 4ಜಿ ಫೋನ್ ಬಿಡುಗಡೆ ಮಾಡಿದೆ. ಇದರ ಬೆಲೆ ₹999. ಕಂಪನಿಯು ಇದೇ 7ರಿಂದ 10 ಲಕ್ಷ ಇಂತಹ ಫೋನ್ಗಳ ಪ್ರಯೋಗಾರ್ಥ ಪರೀಕ್ಷೆ ಆರಂಭಿಸುವುದಾಗಿ ತಿಳಿಸಿದೆ.
‘ಇಂಟರ್ನೆಟ್ ಸೌಲಭ್ಯ ಇರುವ ಫೋನ್ ಇಷ್ಟು ಕಡಿಮೆ ಬೆಲೆಗೆ ಲಭ್ಯವಾಗುತ್ತಿರುವುದು ಇದೇ ಮೊದಲು’ ಎಂದು ಕಂಪನಿ ಹೇಳಿದೆ. ಈ ಫೋನ್ನಲ್ಲಿ ಜಿಯೊ ಪೇ ಮೂಲಕ ಯುಪಿಐ ಸೌಲಭ್ಯ ಬಳಸಬಹುದು. ಜಿಯೊ ಸಿನಿಮಾದಲ್ಲಿನ ಕಾರ್ಯಕ್ರಮಗಳನ್ನು ವೀಕ್ಷಿಸಬಹುದು.
ಭಾರತದಲ್ಲಿ 25 ಕೋಟಿ ಜನ ಈಗಲೂ ಫೀಚರ್ ಫೋನ್ ಬಳಸುತ್ತಿದ್ದಾರೆ. ಈ ಫೋನ್ಗಳಲ್ಲಿ ಇಂಟರ್ನೆಟ್ ಸೌಲಭ್ಯ ಇಲ್ಲ. ಜಿಯೊ ಭಾರತ್ ಫೋನ್ ಮೂಲಕ ಉತ್ತಮ ಗುಣಮಟ್ಟದ ಹಾಗೂ ಕೈಗೆಟಕುವ ದರದ ಇಂಟರ್ನೆಟ್ ಸಂಪರ್ಕವು ಪ್ರತಿ ಭಾರತೀಯನಿಗೆ ಸಿಗಲಿದೆ ಎಂದು ಕಂಪನಿ ಹೇಳಿದೆ.
ಜಿಯೊ ಭಾರತ್ ಫೋನ್ಗೆ ನಿಗದಿ ಮಾಡಿರುವ ಶುಲ್ಕವು ಇತರ ಕಂಪನಿಗಳ ಫೀಚರ್ ಫೋನ್ಗಿಂತ ಶೇ 30ರವರೆಗೆ ಕಡಿಮೆ ಇದೆ. 7 ಪಟ್ಟು ಹೆಚ್ಚು ಡೇಟಾ ನೀಡುತ್ತದೆ ಎಂದು ಜಿಯೊ ಹೇಳಿಕೊಂಡಿದೆ.