ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಕೊರೊನಾ ಸೋಂಕು ತಡೆಯಲು ಬಂತು ಅಗ್ಗದ ನಿಲುವಂಗಿ

ಸ್ಥಳೀಯವಾಗಿ ಹೊಸ ಪರಿಹಾರ ಕಂಡುಕೊಂಡ ಬೆಂಗಳೂರು ಸಂಸ್ಥೆಗಳು
Last Updated 21 ಏಪ್ರಿಲ್ 2020, 19:55 IST
ಅಕ್ಷರ ಗಾತ್ರ

ಬೆಂಗಳೂರು: ಕೋವಿಡ್ 19 ಸೋಂಕು ಹರಡದಂತೆ ತಡೆಯಲು ನಡೆದಿರುವ ಹೋರಾಟದ ಮುಂಚೂಣಿಲ್ಲಿರುವ ವೈದ್ಯಕೀಯ ಸಿಬ್ಬಂದಿ ಹಾಗೂ ಆರೋಗ್ಯ ಕಾರ್ಯಕರ್ತರ ಸುರಕ್ಷತೆಗಾಗಿ ಬೆಂಗಳೂರಿನ ಸಿಎಸ್ಐಆರ್ ರಾಷ್ಟ್ರೀಯ ಏರೋಸ್ಪೇಸ್ ಪ್ರಯೋಗಾಲಯವು (ಸಿಎಸ್ಐಆರ್-ಎನ್ಎಎಲ್) ಕೊರೊನಾ ಸೋಂಕು ನಿರೋಧಕ ನಿಲುವಂಗಿ ಅಭಿವೃದ್ಧಿಪಡಿಸಿದೆ.

ಬೆಂಗಳೂರಿನ ಎಂಎಎಫ್ ಕ್ಲೋದಿಂಗ್‌ ಪ್ರೈವೇಟ್‌ ಲಿಮಿಟೆಡ್‌ ಸಹಯೋಗದಲ್ಲಿ ಅತ್ಯಂತ ಅಗ್ಗದ ಬೆಲೆಯಲ್ಲಿ ಈ ವೈಯಕ್ತಿಕ ಸುರಕ್ಷತಾ ನಿಲುವಂಗಿಗಳನ್ನು ತಯಾರಿಸುತ್ತಿದೆ.

ಸ್ಥಳೀಯವಾಗಿ ದೊರೆಯುವ ಸಂಪೂರ್ಣ ದೇಶೀಯ ಲ್ಯಾಮಿನೇಟೆಡ್‌ ಬಟ್ಟೆ ಬಳಸಿ ತಯಾರಿಸಲಾದ ಈಸೋಂಕು ನಿರೋಧಕ ನಿಲುವಂಗಿಗಳಿಗೆ ಕೊಯಮತ್ತೂರಿನ ಎಸ್.ಐ.ಟಿ.ಆರ್.ಎ. ಸಂಸ್ಥೆಯ ಪ್ರಮಾಣಪತ್ರ ಕೂಡ ದೊರೆತಿದೆ ಎಂದುಸಿಎಸ್ಐಆರ್-ಎನ್ಎಎಲ್ ತಿಳಿಸಿದೆ.

ಜೀವದ ಹಂಗು ತೊರೆದು ಕೋವಿಡ್-19 ವಿರುದ್ಧ ಹಗಲಿರುಳು ಹೋರಾಡುತ್ತಿರುವ ವೈದ್ಯರು,ದಾದಿಯರು,ಅರೆವೈದ್ಯಕೀಯ ಸಿಬ್ಬಂದಿ ಮತ್ತು ಆರೋಗ್ಯ ಕಾರ್ಯಕರ್ತರನ್ನು ಇವು ಸದಾ ಸುರಕ್ಷಾ ಕವಚದಂತೆ ಕಾಪಾಡುತ್ತವೆ.

ಸಿಎಸ್ಐಆರ್-ಎನ್ಎಎಲ್ ಮುಖ್ಯವಿಜ್ಞಾನಿ ಡಾ.ಹರೀಶ್ ಸಿ. ಬರ್ಸಿಲಿಯಾ ನೇತೃತ್ವದಲ್ಲಿ ಹಿರಿಯ ಪ್ರಧಾನ ವಿಜ್ಞಾನಿ ಡಾ. ಹೇಮಂತ್ ಕುಮಾರ್ ಶುಕ್ಲ ಮತ್ತು ಎಂಎಎಫ್‌ನ ಎಂ.ಜೆ. ವಿಜು ಅವರನ್ನು ಒಳಗೊಂಡ ತಂಡ ಈ ನಿಲುವಂಗಿಗಳನ್ನು ಅಭಿವೃದ್ಧಿಪಡಿಸಿದೆ.

ಸಿಎಸ್ಐಆರ್-ಎನ್ಎಎಲ್ ಮತ್ತು ಎಂಎಎಫ್ ಪ್ರತಿ ನಿತ್ಯ 30ಸಾವಿರದಂತೆನಾಲ್ಕು ವಾರಗಳ ಅವಧಿಯಲ್ಲಿ ಸಾವಿರಾರು ನಿಲುವಂಗಿಗಳನ್ನು ಉತ್ಪಾದಿಸುತ್ತಿವೆಎಂದುಸಿಎಸ್ಐಆರ್-ಎನ್ಎಎಲ್ ನಿರ್ದೇಶಕ ಜೀತೇಂದ್ರ ಜಾಧವ್‌ ತಿಳಿಸಿದ್ದಾರೆ.

ಸಿಎಸ್ಐಆರ್-ಎನ್ಎಎಲ್ ಮತ್ತು ಎಂಎಎಫ್ ವಿಜ್ಞಾನಿಗಳು ಹಗಲಿರುಳು ಶ್ರಮಿಸಿ ಸೋಂಕು ನಿರೋಧಕ ನಿಲುವಂಗಿಗಳ ಕೊರತೆ ತಗ್ಗಿಸಿದ್ದಾರೆ.ವಿದೇಶದಿಂದ ಆಮದಾಗುವ ಅಥವಾ ಇತರ ನಿಲುವಂಗಿಗಳಿಗೆ ಹೋಲಿಸಿದರೆ ಇವುಗಳ ಬೆಲೆ ತುಂಬಾ ಅಗ್ಗ ಎಂದು ಅವರು ಅಭಿಪ್ರಾಯಪಟ್ಟರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT