ಪ್ರಬಲ ಸೌರ ಮಾರುತಗಳು: ಲಡಾಖ್‌ನಲ್ಲಿ ಉತ್ತರ ಧ್ರುವ ಪ್ರಭೆ ವಿಸ್ಮಯ

ನವದೆಹಲಿ(ಪಿಟಿಐ): ಸೂರ್ಯನ ಮೇಲ್ಮೈಯಿಂದ ಹೊರಬಿದ್ದಿರುವ ಪ್ರಬಲ ಸೌರ ಮಾರುತಗಳಿಂದ ಕಂಡು ಬಂದ ಅಪರೂಪದ ಖಗೋಳ ವಿಸ್ಮಯಕ್ಕೆ ಲಡಾಖ್ ಸಾಕ್ಷಿಯಾಗಿತ್ತು.

. ಲಡಾಖ್ನ ಹಾನ್ಲೆ ಗ್ರಾಮದಲ್ಲಿರುವ ‘ಡಾರ್ಕ್ ಸ್ಕೈ ರಿಸರ್ವ್’ನ ಖಗೋಳವಿಜ್ಞಾನಿಗಳು, ಶನಿವಾರ ತಡರಾತ್ರಿ 1 ಗಂಟೆಯಿಂದ ನಸುಕಿನ 3.30ರ ವರೆಗೆ ಕ್ಷಿತಿಜದ ವಾಯವ್ಯ ದಿಕ್ಕಿನಲ್ಲಿ ಮೂಡಿದ ಉತ್ತರ ಧ್ರುವ ಪ್ರಭೆಯನ್ನು ವೀಕ್ಷಿಸಿದ್ದಾರೆ.

. ‘ಸೂರ್ಯನ ‘ಎಆರ್13664’ ಭಾಗದಿಂದ ಚಿಮ್ಮಿರುವ ಈ ಶಕ್ತಿಶಾಲಿ ಸೌರ ಮಾರುತಗಳು, ಭೂಮಿಯತ್ತ ಬೀಸಿಬಂದಿವೆ. ಈ ಮಾರುತಗಳು ಸೆಕೆಂಡಿಗೆ 800 ಕಿ.ಮೀ. ವೇಗದಿಂದ ಚಲಿಸುತ್ತವೆ’ ಎಂದು ಕೋಲ್ಕತ್ತದಲ್ಲಿರುವ ಸೆಂಟರ್ ಫಾರ್ ಎಕ್ಸಲೆನ್ಸ್ ಇನ್ ಸ್ಪೇಸ್ ಸೈನ್ಸಸ್ನ ವಿಜ್ಞಾನಿಗಳು ಹೇಳಿದ್ದಾರೆ.

. ‘ನಿಯಮಿತವಾಗಿ ಇಲ್ಲಿ ನಡೆಯುವ ಆಕಾಶ ವೀಕ್ಷಣೆ ವೇಳೆಯೇ ಸೌರ ಮಾರುತಗಳಿಂದ ಮೂಡಿದ ಉತ್ತರ ಧ್ರುವ ಪ್ರಭೆಯನ್ನು ವೀಕ್ಷಿಸಿರುವುದು ನಮ್ಮ ಅದೃಷ್ಟ’ ಎಂದು ಹಾನ್ಲೆ ಡಾರ್ಕ್ ಸ್ಕೈ ರಿಸರ್ವ್ನ ಎಂಜಿನಿಯರ್ ಸ್ಟಾಂಜಿನ್ ನೋರ್ಲಾ ಹೇಳಿದ್ದಾರೆ.

. ‘ಕ್ಷಿತಿಜದಗುಂಟ ಮೊದಲು ತಿಳಿಗೆಂಪಿನ ಪ್ರಭೆ ಕಂಡುಬಂತು. ನಂತರ ಇಡೀ ಆಗಸವೇ ಕೆಂಪಾಯಿತಲ್ಲದೇ ನಿಧಾನವಾಗಿ ಗುಲಾಬಿ ರಂಗು ಆವರಿಸಿತು’ ಎಂದೂ ಸ್ಟಾಂಜಿನ್ ಹೇಳಿದ್ದಾರೆ.

. ಆಕಾಶಕಾಯಗಳ ವೀಕ್ಷಣೆಗಾಗಿ ಗಾಢ ಕತ್ತಲು ಇರುವಂತಹ ಹಾಗೂ ದೀರ್ಘಾವಧಿಯಲ್ಲಿ ಮೋಡಗಳು ಬಾರದಂತಹ ತಾಣಗಳನ್ನು ಗುರುತಿಸಲಾಗುತ್ತದೆ. ಇಂತಹ ತಾಣಗಳನ್ನು ಡಾರ್ಕ್ ಸ್ಕೈ ಪಾರ್ಕ್ ಎನ್ನಲಾಗುತ್ತದೆ. ಭಾರತದಲ್ಲಿ ಲಡಾಖ್ನ ‘ಹಾನ್ಲೆ’ ಎಂಬಲ್ಲಿ ಇಂತಹ ತಾಣವನ್ನು ಗುರುತಿಸಿ, ಅಭಿವೃದ್ಧಿಪಡಿಸಲಾಗಿದ್ದು, ‘ಡಾರ್ಕ್ ಸ್ಕೈ ರಿಸರ್ವ್’ ಎಂದು ಕರೆಯಲಾಗುತ್ತದೆ.

. ಬೆಂಗಳೂರಿನ ಭಾರತೀಯ ಖಭೌತವಿಜ್ಞಾನ ಸಂಸ್ಥೆಯ ತಜ್ಞರ ನೆರವಿನಿಂದ ಕೇಂದ್ರ ಸರ್ಕಾರದ ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆ ಈ ಸ್ಕೈ ರಿಸರ್ವ್ ಅಭಿವೃದ್ಧಿಪಡಿಸಿದೆ.

. ಉತ್ತರ ಗೋಳಾರ್ಧದ ಅನೇಕ ರಾಷ್ಟ್ರಗಳಲ್ಲಿನ ಖಗೋಳಾಸಕ್ತರು ಈ ವಿದ್ಯಮಾನ ವೀಕ್ಷಿಸಿದ್ದಾರೆ. ಆಸ್ಟ್ರಿಯಾ, ಜರ್ಮನಿ, ಸ್ಲೊವಾಕಿಯಾ, ಸ್ವಿಜರ್ಲೆಂಡ್, ಡೆನ್ಮಾರ್ಕ್ ಹಾಗೂ ಪೋಲೆಂಡ್ನ ಆಕಾಶವೀಕ್ಷಕರು, ಸೌರಮಾರುತಗಳಿಂದ ಮೂಡಿದ ಪ್ರಭಾವಲಯದ ಚಿತ್ರಗಳು ಹಾಗೂ ವಿಡಿಯೊಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ.

. ಉತ್ತರ ಮತ್ತು ದಕ್ಷಿಣ ಧ್ರುವಗಳಲ್ಲಿ ಈ ರೀತಿಯ ಪ್ರಭಾವಲಯಗಳು ಕಾಣಿಸಿಕೊಳ್ಳುತ್ತಲೇ ಇರುತ್ತವೆ. ಸಾಮಾನ್ಯವಾಗಿ ಇವುಗಳಲ್ಲಿ ಬದಲಾವಣೆ ಕಾಣಬಹುದು. ಲಡಾಖ್ನಲ್ಲಿ ಕಾಣಿಸಿದ ಉತ್ತರ ಧ್ರುವ ಪ್ರಭೆ ಸ್ಥಿರವಾಗಿತ್ತು –ದೋರ್ಜೆ ಆಂಗ್ಚುಕ್ ಎಂಜಿನಿಯರ್ ಭಾರತೀಯ ಖಗೋಳವಿಜ್ಞಾನ ವೀಕ್ಷಣಾಲಯ ಹಾನ್ಲೆ ಲಡಾಖ್ನ ದಕ್ಷಿಣ ಭಾಗದಲ್ಲಿ ಡಾರ್ಕ್ ಸ್ಕೈ ರಿಸರ್ವ್ ಇದೆ. ಹೀಗಾಗಿ ಹಾನ್ಲೆಯಲ್ಲಿ ಈ ರೀತಿ ಖಗೋಳ ವಿದ್ಯಮಾನ ಕಾಣಸಿಗುವುದು ಅಪರೂಪ. ಸೌರ ಮಾರುತಗಳ ಪ್ರಕ್ಷುಬ್ಧತೆ ತೀವ್ರಗೊಂಡ ಸಂದರ್ಭಗಳಲ್ಲಿ ಮಾತ್ರ ಹಾನ್ಲೆಯಂತಹ ಸ್ಥಳಗಳಲ್ಲಿ ಇಂತಹ ವಿಸ್ಮಯ ನೋಡಬಹುದು ದಿವ್ಯೇಂದು ನಂದಿ ಸಿಇಎಸ್ಎಸ್ಐ ಮುಖ್ಯಸ್ಥ ಐಐಎಸ್ಇಆರ್ ಕೋಲ್ಕತ್ತ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪ್ರಬಲ ಸೌರ ಮಾರುತಗಳು: ಲಡಾಖ್‌ನಲ್ಲಿ ಉತ್ತರ ಧ್ರುವ ಪ್ರಭೆ ವಿಸ್ಮಯ

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ಭಾಗ್ಯನಗರವಾದ ಬಾಗೇಪಲ್ಲಿ, ಗ್ರಾಮಾಂತರ ಇನ್ನು ಬೆಂಗಳೂರು ಉತ್ತರ: ಸಂಪುಟ ನಿರ್ಧಾರ

ವಿಂಡೀಸ್ ಕ್ರಿಕೆಟಿಗನ ವಿರುದ್ಧ ಲೈಂಗಿಕ ದೌರ್ಜನ್ಯ ಆರೋಪ: ಕೋಚ್ ಸಾಮಿ ಹೇಳಿದ್ದೇನು?

ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡದ ಮುಖ್ಯ ಕೋಚ್ ಆಗಿ ಮೋಹನ್‌ರಾಜ್ ಮರುನೇಮಕ

ಕೆನಡಾ ಓಪನ್‌: ಎರಡನೇ ಸುತ್ತಿಗೆ ಶ್ರೀಕಾಂತ್‌

ದೂರವಾದ ಪತ್ನಿ, ಮಗಳಿಗೆ ₹4 ಲಕ್ಷ ಪರಿಹಾರ ನೀಡಲು ಶಮಿಗೆ ಕೋಲ್ಕತ್ತ ಹೈಕೋರ್ಟ್ ಆದೇಶ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ಭಾಗ್ಯನಗರವಾದ ಬಾಗೇಪಲ್ಲಿ, ಗ್ರಾಮಾಂತರ ಇನ್ನು ಬೆಂಗಳೂರು ಉತ್ತರ: ಸಂಪುಟ ನಿರ್ಧಾರ