ಪವರ್ ಪಾಯಿಂಟ್ ಸೃಷ್ಟಿಕರ್ತ ಟೆಕಿ ಡೆನ್ನಿಸ್ ಅಸ್ಟಿನ್ ನಿಧನ

ಸ್ಯಾನ್ ಫ್ರಾನ್ಸಿಸ್ಕೊ: ಕಂಪ್ಯೂಟರ್ ಲೋಕದಲ್ಲಿ ಸಾಕಷ್ಟು ಜನಪ್ರಿಯತೆ ಹೊಂದಿರುವ ಪವರ್ ಪಾಯಿಂಟ್ ಸಾಫ್ಟವೇರ್ ಅನ್ವೇಷಕರಲ್ಲಿ ಒಬ್ಬರಾಗಿದ್ದ ಡೆನ್ನಿಸ್ ಅಸ್ಟಿನ್ ಅವರು ಮೃತರಾಗಿದ್ದಾರೆ.

ಅವರಿಗೆ 76 ವರ್ಷ ವಯಸ್ಸಾಗಿತ್ತು. ಶ್ವಾಸಕೋಶದ ಕ್ಯಾನ್ಸರ್‌ನಿಂದ ಅವರು ಮೃತರಾಗಿದ್ದಾರೆ ಎಂದು ಸುದ್ದಿಸಂಸ್ಥೆ ಐಎಎನ್‌ಎಸ್ ವರದಿ ಮಾಡಿದೆ.

1987 ರಲ್ಲಿ ಡೆನ್ನಿಸ್ ಅಸ್ಟಿನ್ ಅವರು ಅಮೆರಿಕದಲ್ಲಿ Forethought ಎಂಬ ಕಂಪನಿ ಸ್ಥಾಪಿಸಿ ತಂಡದ ಜೊತೆ ಪವರ್ ಪಾಯಿಂಟ್ ಎಂಬ ಸಾಫ್ಟವೇರ್ ಅನ್ವೇಷಿಸಿದ್ದರು. ಆರಂಭದಲ್ಲೇ ಸಾಕಷ್ಟು ಗಮನ ಸೆಳೆದ ಈ ಸಾಫ್ಟವೇರ್‌ ಅನ್ನು ಕೆಲವೇ ತಿಂಗಳುಗಳಲ್ಲಿ ಮೈಕ್ರೊಸಾಫ್ಟ್ ಕಂಪನಿ ಖರೀದಿಸಿತು. ನಂತರ ಅದು ಮೈಕ್ರೊಸಾಫ್ಟ್ ಪವರ್‌ ಪಾಯಿಂಟ್ ಎಂದು ಹೆಚ್ಚು ಜನಪ್ರಿಯವಾಯಿತು.