ಈ ಕಾರುಗಳಲ್ಲಿ ಅತ್ಯಾಧುನಿಕ ತಂತ್ರಜ್ಞಾನ ಇರುತ್ತದೆ. ರೇಡಾರ್, ಜಿಪಿಎಸ್, ಕ್ಯಾಮೆರಾ, ಲೇಸರ್ ಸ್ಕ್ಯಾನರ್ಗಳು ಇರುತ್ತವೆ. ಇವು ತಮ್ಮ ಸುತ್ತಲಿನ ಪರಿಸ್ಥಿತಿ ಹೇಗಿದೆ ಎಂಬುದನ್ನು ಅರ್ಥ ಮಾಡಿಕೊಳ್ಳಬಲ್ಲವು. ಈ ಸಾಧನಗಳಿಂದ ಬರುವ ಮಾಹಿತಿಯನ್ನು ಪರಿಶೀಲಿಸುವ ಕೆಲಸ ಕಾರಿನ ನಿಯಂತ್ರಣ ವ್ಯವಸ್ಥೆಯದ್ದು. ಅಡೆತಡೆಗಳು ಏನಿವೆ, ರಸ್ತೆ ನಿಯಮಗಳ ಬಗ್ಗೆ ಮಾಹಿತಿ ನೀಡುವ ಫಲಕಗಳು (ನೋ ಪಾರ್ಕಿಂಗ್, ಓವರ್ಟೇಕ್ ನಿಷಿದ್ಧ, ಏಕಮುಖ ರಸ್ತೆ ಸಂಚಾರ ಇತ್ಯಾದಿ) ಏನೇನಿವೆ ಎಂಬೆಲ್ಲ ಮಾಹಿತಿಗಳನ್ನು ನಿಯಂತ್ರಣ ವ್ಯವಸ್ಥೆ ಪರಿಶೀಲಿಸುತ್ತ ಇರುತ್ತದೆ.