ಕಿಸ್ಸಿಂಗ್ ಗೂಬೆಗಳ ಫೋಟೊ ವೈರಲ್; ಕ್ಯೂಟ್ ಕ್ಯೂಟ್ ಎಂದ ನೆಟ್ಟಿಗರು

ಇತ್ತೀಚೆಗೆ ಮಹಾರಾಷ್ಟ್ರದಲ್ಲಿ ವನ್ಯಜೀವಿ ಛಾಯಾಗ್ರಾಹಕರೊಬ್ಬರು ಕ್ಲಿಕ್ಕಿಸಿದ ಜೋಡಿ ಗೂಬೆ ಚುಂಬಿಸುವ ಫೋಟೊಗಳು ಈಗ ವೈರಲ್ ಆಗಿವೆ.

ಮುದ್ದಾದ ಗೂಬೆ ಜೋಡಿಯೊಂದು ಸ್ವಚ್ಛಂದವಾಗಿ ಕಾಡಿನಲ್ಲಿ ವಿಹರಿಸುವಾಗ ಕ್ಯಾಮೆರಾ ಕಣ್ಣಲ್ಲಿ ಸೆರೆಯಾಗಿವೆ. ಎರಡೂ ಗೂಬೆಗಳು ಪರಸ್ಪರ ಮುದ್ದಿಸುತ್ತಾ ಆನಂದವಾಗಿದ್ದ ಗೂಬೆಗಳನ್ನು ಬಾಂದ್ರಾದಲ್ಲಿ ಅಶ್ವಿನಿ ಕಂಕ್ರೆ ಎನ್ನುವ ಛಾಯಾಗ್ರಾಹಕ ಸೆರೆಹಿಡಿದಿದ್ದಾರೆ.

ಇನ್ನು ಈ ಚಿತ್ರಗಳನ್ನು ಹಂಚಿಕೊಂಡಿರುವ ಐಎಫ್ಎಸ್ ಅಧಿಕಾರಿ ಮಧು ಮಿತಾ ಅವರು, ಒಹ್! ಲವ್ಲಿ.. ಇದು ಪ್ರಿ ವೆಡ್ಡಿಂಗ್ ಶೂಟ್ ಇರಬೋದಾ ಎಂದು ಉದ್ಘಾರ ತೆಗೆದಿದ್ದಾರೆ.

ಅನೇಕರು ಇವು ಖಂಡಿತ ಕ್ಯೂಟ್ ಕ್ಯೂಟ್ ಲವ್ ಬರ್ಡ್ಸ್ ಎಂದು ಹೇಳಿದ್ದಾರೆ.