ಗುರುವಾರ , ಫೆಬ್ರವರಿ 20, 2020
28 °C

ವೈರಲ್ | ಈ ಪೊಲೀಸ್ ಠಾಣೆಯ ಲಾಕಪ್‌ಗೆ 4 ಸ್ಟಾರ್ ರೇಟಿಂಗ್ !

ಪ್ರಜಾವಾಣಿ ವೆಬ್ ಡೆಸ್ಕ್ Updated:

ಅಕ್ಷರ ಗಾತ್ರ : | |

ಚೆನ್ನೈ: ತಮಿಳುನಾಡಿನಲ್ಲಿ ಪೊಲೀಸ್‌ ಠಾಣೆಯೊಂದರ ಬಗ್ಗೆ ವ್ಯಕ್ತಿಯೊಬ್ಬರು ಅಪ್‌ಡೇಟ್ ಮಾಡಿದ ಗೂಗಲ್‌ ರಿವ್ಯೂ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ.

ಇದರಿಂದ ಸ್ಫೂರ್ತಿ ಪಡೆದ ಜನರು ಪೊಲೀಸ್ ಠಾಣೆಯ ಬಗ್ಗೆ ತಮ್ಮ ಅಭಿಪ್ರಾಯಗಳನ್ನು ಸಾಮಾಜಿಕ ಜಾಲ ತಾಣಗಳಲ್ಲಿ ಪೋಸ್ಟ್‌ ಮಾಡುತ್ತಿದ್ದಾರೆ.

ತಿರುಮುಲ್ಲೈವೊಯಲ್ ಟಿ10 ಪೊಲೀಸ್ ಠಾಣೆಯಲ್ಲಿ ರಾತ್ರಿ ತಂಗಿದ ಅನುಭವವನ್ನು ಲೋಗೇಶ್ವರನ್ ಎಸ್‌.  ಎನ್ನುವವರು ನ.26ಕ್ಕೆ ಮೊದಲ ಬಾರಿಗೆ ಗೂಗಲ್‌ ಮ್ಯಾಪ್‌ನಲ್ಲಿ ಬರೆದಿದ್ದರು.

ಹೊಟೆಲ್‌ಗಳಲ್ಲಿ ತಂಗಿದ ಅನುಭವವನ್ನು ವಿವರಿಸುವ ರೀತಿಯಲ್ಲಿ ಬರೆದಿರುವ ಲೋಗೇಶ್ವರನ್, ತನ್ನನ್ನು ತಾನು ಲೋಕಲ್ ಗೈಡ್ ಎಂದು ಕರೆದುಕೊಂಡಿದ್ದಾರೆ. ಮಧ್ಯರಾತ್ರಿಯಲ್ಲಿ ದಾಖಲೆ ಪತ್ರಗಳಿಲ್ಲದೆ ದ್ವಿಚಕ್ರ ವಾಹನ ಚಲಾಯಿಸುತ್ತಿದ್ದಾಗ ಪೊಲೀಸರು ಬಂಧಿಸಿದರು. ಮಾರನೇ ದಿನ ಮುಂಜಾನೆ ದಾಖಲೆಪತ್ರಗಳನ್ನು ತೋರಿಸಿದ ನಂತರ ಮನೆಗೆ ಕಳಿಸಿದರು.

ನಗರದ ಮುಖ್ಯರಸ್ತೆಯಲ್ಲಿರುವ ಪೊಲೀಸ್ ಠಾಣೆಯು ಸ್ವಚ್ಛವಾಗಿದೆ, ಇಲ್ಲಿನ ಸಿಬ್ಬಂದಿಗಳು ಮೃದು ಸ್ವಭಾವದವರು ಯಾವುದೇ ಕಿರುಕುಳ ಕೊಡಲಿಲ್ಲ ಎಂದು ವಿವರಿಸಿದ್ದಾರೆ.

ಠಾಣೆಯ ಸಿಬ್ಬಂದಿ ನನ್ನನ್ನು ಬಿಡುಗಡೆ ಮಾಡುವಾಗ ಲಂಚ ಕೇಳಲಿಲ್ಲ ಎಂದು ವಿವರಿಸಿರುವ ಲೋಗೇಶ್ವರನ್ ನೀವು ನಿಮ್ಮ ಜೀವನದಲ್ಲಿ ನೋಡಲೇಬೇಕಾದ ಸ್ಥಳ ಈ ಪೊಲೀಸ್ ಠಾಣೆ ಎಂಬ ಒಕ್ಕಣೆಯೊಂದಿಗೆ 4 ಸ್ಟಾರ್ ನೀಡಿದ್ದಾರೆ. ಇದಾದ ನಂತರ ಹಲವರು ರೇಟಿಂಗ್‌ ಕೊಟ್ಟಿದ್ದಾರೆ. 3.7 ಸರಾಸರಿ ಸ್ಟಾರ್‌ ರೇಟಿಂಗ್ ಇದ್ದ ತಿರುಮುಲ್ಲೈವೊಯಲ್ ಪೊಲೀಸ್‌ ಠಾಣೆಯ ಗೂಗಲ್ ರೇಟಿಂಗ್ ಇದೀಗ 4.2ಕ್ಕೆ ಏರಿದೆ.

ಇದರಿಂದಾಗಿ ಪ್ರಭಾವಿತರಾದ ಜನರು ಸಾಮಾಜಿಕ ಜಾಲತಾಣಗಳಲ್ಲಿ ತಮ್ಮ ಸಮೀಪದ ಪೊಲೀಸ್ ಠಾಣೆಗಳ ಬಗ್ಗೆ ಗೂಗಲ್ ಮ್ಯಾಪ್‌ನಲ್ಲಿ ರಿವ್ಯೂ ಬರೆಯಲು ಆರಂಭಿಸಿದ್ದಾರೆ.

ಸಾಮಾಜಿಕ ಜಾಲತಾಣಗಳಲ್ಲಿ ಪೊಲೀಸ್‌ ಠಾಣೆಗಳ ಬಗ್ಗೆ ಸಾಕಷ್ಟು ಜನರು ಚರ್ಚೆ ಮಾಡುತ್ತಿರುವ ವಿಷಯ ಅರಿವಿಗೆ ಬಂದಿದೆ. ಈ ಕುರಿತು ತನಿಖೆ ನಡೆಸಲು ಸೂಚಿಸಿದ್ದಾರೆ. ಕೆಲ ವಿಮರ್ಶೆಗಳೇನೋ ಚೆನ್ನಾಗಿವೆ. ಆದರೆ ಒಟ್ಟಾರೆಯಾಗಿ ಇದು ಒಳ್ಳೆಯ ಬೆಳವಣಿಗೆಯಲ್ಲ ಎಂದು ಡಿಸಿಪಿ ಈಶ್ವರನ್ ಹೇಳಿದ್ದಾರೆ.

ಕಾಕತಾಳೀಯ ಎಂಬಂತೆ, ಈ ಹಿಂದೆ ಶ್ರೀಲಂಕಾದಲ್ಲಿ ವಿಜೆಶೇಕರ ಪಥುಜನ್‌ ಎನ್ನುವವರು ಕುಲ್ಲುಪಿಟ್ಯ್ ಪೊಲೀಸ್ ಠಾಣೆಗೆ 5–ಸ್ಟಾರ್ ರೇಟಿಂಗ್‌ ನೀಡಿದ್ದು ಸಾಮಾಜಿಕ ಜಾಲಾತಾಣಗಳಲ್ಲಿ ವೈರಲ್ ಅಗಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು