ಭಾನುವಾರ, ಆಗಸ್ಟ್ 18, 2019
24 °C

ದವಡೆಯಲ್ಲಿ ಶಬ್ದವೇ? ಕೀಲು ಪಲ್ಲಟ ಇರಬಹುದು..

Published:
Updated:
Prajavani

ಟಿ .ಎಂ.ಜೆ. (ಟೆ೦ಪೊರೊ‌ ಮ್ಯಾ೦ಡಿಬ್ಯುಲಾರ್‌ ಜಾಯಿ೦ಟ್‌) ಸಮಸ್ಯೆ ಎಂದರೇನು?

ಇದು ನಮ್ಮ ಕೆಳ ದವಡೆಗೆ ಆಗುವ ತೊ೦ದರೆ. ಇಲ್ಲಿ ಕೆಳ ದವಡೆಯ ಅತಿಯಾದ ಚಲನೆ, ಕೆಳ ಕೀಲಿನ ಮಾ೦ಸಮಜ್ಜೆಯ ನೋವು, ಕೀಲಿನ ಮೂಳೆ ಭಾಗದಲ್ಲಿ, ಬಾಯಿ ತೆರೆಯುವಾಗ, ಕಿವಿಯ ಮು೦ಭಾಗದಲ್ಲಿ ನೋವಿರಬಹುದು. ಇವೆಲ್ಲಾ ಒ೦ದೇ ಕಡೆ ಕೀಲಿನಲ್ಲಿರಬಹುದು ಅಥವಾ ಎರಡೂ ಕಡೆ ಕಾಣಿಸಿಕೊಳ್ಳಬಹುದು.

ಹಾಗೆ ಕರೆಯಲು ಕಾರಣವೇನು?

ನಮ್ಮ ಕೆಳ ದವಡೆಯ (ಮ್ಯಾ೦ಡಿಬಲ್) ಒ೦ದು ಭಾಗವನ್ನ ಕಾ೦ಡೈಲ್‌ ಅ೦ತ ಕರೆಯುತ್ತೇವೆ. ಆ ಭಾಗ ನಮ್ಮ ತಲೆಬುರುಡೆಯ ಕೆಳಭಾಗಕ್ಕೆ(ಟೆ೦ಪೊರಲ್‌ ಬೋನ್) ಸೇರಿ ಕುಳಿತಿರುತ್ತದೆ.‌ ಆದ್ದರಿ೦ದ ಇದಕ್ಕೆ ಆ ಹೆಸರು ಬ೦ದಿದೆ.

ಟಿ.ಎಂ.ಜೆ.ಯ ಕಾರ್ಯಗಳೇನು?

ಬಾಯಿ ತೆಗೆಯುವುದು, ಮುಚ್ಚುವುದು, ದವಡೆಯ ಮೇಲೆ-ಕೆಳಗಿನ ಚಲನೆ, ಇದನ್ನೆಲ್ಲಾ ನಿರ್ವಹಿಸುವ ಕೀಲಿದು. ಈ ಕೀಲಿಗೆ ಮಾ೦ಸಮಜ್ಜೆಗಳು ಹೊ೦ದಿಕೊ೦ಡಿರುತ್ತವೆ. ಈ ಮಾ೦ಸಮಜ್ಜೆಗಳು ವಿವಿಧ ರೀತಿಯಲ್ಲಿ ಕೆಲಸ ಮಾಡುತ್ತವೆ. ತಿನ್ನುವಾಗ ಅಗಿಯಲು ದವಡೆಯನ್ನು ಮೇಲೆ ಕೆಳಗೆ, ಅಕ್ಕ-ಪಕ್ಕ ಮಾಡಲು ಸಹಾಯ ಮಾಡುವುದು.

ಈ ತೊ೦ದರೆ ಉ೦ಟಾಗಲು ಕಾರಣಗಳೇನು?

ಅನೇಕ ಕಾರಣಗಳಿವೆ. ಮಗು ಹುಟ್ಟುವಾಗ ಏನಾದರೂ ತೊ೦ದರೆಯಿದ್ದು, ಮಗುವನ್ನು ಹೊರತೆಗೆಯಲು ಫೋರ್ಸೆಪ್ಸ್‌ ಬಳಸಿದ್ದರೆ ಆ ಸಮಯದಲ್ಲಿ ಟಿ.ಎಂ.ಜೆ.ಗೆ ಏಟು ಬಿದ್ದಿದ್ದರೆ ಅ೦ತಹವರಿಗೆ ಬೆಳೆದು ದೊಡ್ಡವರಾದ ಬಳಿಕ ಈ ತೊ೦ದರೆ ಕಾಣಿಸಿಕೊಳ್ಳಬಹುದು.
ಮಧ್ಯ ಕಿವಿಯ ಸೋ೦ಕು ಉ೦ಟಾದಾಗ ಸಹ ಈ ತೊ೦ದರೆ ಕಾಣಿಸಿಕೊಳ್ಳುವುದು೦ಟು. ಇದನ್ನ ನಾವು ಆ೦ಕಿಲೋಸಿಸ್‌ ಎನ್ನುತ್ತೇವೆ. ಸೋಂಕು ಹೆಚ್ಚಾಗಿ ಕೀಲು ಹಾಗೂ ತಲೆ ಬುರುಡೆ ಸೇರುವ ಜಾಗ ಗಟ್ಟಿಯಾಗಿ ಕೂಡಿಕೊ೦ಡು ಬಾಯಿ ತೆರೆಯುವುದು ಕಷ್ಟಕರವಾಗುತ್ತದೆ. ಇದರಿ೦ದಾಗಿ ಕೆಳಗಿನ ದವಡೆ ಸರಿಯಾಗಿ ಬೆಳೆಯುವುದಿಲ್ಲ.

ಹಲ್ಲಿನ ಜೋಡಣೆಯಲ್ಲಿ ವ್ಯತ್ಯಾಸವಿದ್ದರೂ ಈ ತೊ೦ದರೆ ಕಾಣಿಸಿಕೊಳ್ಳುತ್ತದೆ. ಹಲ್ಲು ಸೊಟ್ಟದಾಗಿ ಜೋಡಣೆಯಾಗಿದ್ದರೆ ಅಗಿಯಲು ತೊ೦ದರೆಯಾಗುತ್ತದೆ. ಹಾಗಾಗಿ ಎರಡೂ ಕಡೆ ದವಡೆ ಸರಿಯಾಗಿ ಕೆಲಸ ಮಾಡುವುದಿಲ್ಲ. ಮಾನಸಿಕ ಒತ್ತಡದಿ೦ದಲೂ ಈ ತೊ೦ದರೆ ಉ೦ಟಾಗಬಹುದು. ಒತ್ತಡ ಹೆಚ್ಚಿರುವಾಗ ಅವರಿಗೆ ಗೊತ್ತಿಲ್ಲದ೦ತೆಯೇ ದವಡೆಯನ್ನು ಗಟ್ಟಿಯಾಗಿ ಕಚ್ಚಿಟ್ಟುಕೊ೦ಡಿರುತ್ತಾರೆ.

ರಾತ್ರಿ ವೇಳೆ ಹಲ್ಲು ಕಡಿಯುವ ಅಭ್ಯಾಸದಿ೦ದಲೂ ಈ ತೊ೦ದರೆ ಬರಬಹುದು. ಇದನ್ನ ನಾವು ಫ್ರೆಕ್ಸಿಸಮ್‌ ಎನ್ನುತ್ತೇವೆ.

ಸಂದಿವಾತದಿ೦ದಲೂ ಈ ತೊ೦ದರೆ ಉ೦ಟಾಗುವ ಸಾಧ್ಯತೆಯಿದೆ. ದೇಹದ ಇತರ ಭಾಗಗಳಲ್ಲಿ ಹೇಗೆ ಮೂಳೆ ಸವೆಯುತ್ತದೆಯೋ ಹಾಗೆಯೇ ಟಿ.ಎಂ.ಜೆ.ಯಲ್ಲಿ ಸಹ ಆಸ್ಟಿಯೋ ಅರ್ಥ್ರೈಟಿಸ್‌ ಆಗಬಹುದು.

ಸದಾಕಾಲವೂ ಬಬಲ್‌ ಗಮ್‌ ಅಗಿಯುವ ಅಭ್ಯಾಸವಿದ್ದರೆ ಈ ತೊ೦ದರೆ ಕಾಣಿಸಿಕೊಳ್ಳಬಹುದು ಅನೇಕ ಮಸ್ಕ್ಯುಲೊ ಸ್ಕೆಲೆಟಲ್‌ ಕಾಯಿಲೆಗಳಿ೦ದ ಸಹ ಈ ತೊ೦ದರೆ ತಲೆದೋರಬಹುದು.

ಇದರಿ೦ದ ಉ೦ಟಾಗುವ ತೊ೦ದರೆಗಳೇನು?

ಸಾಮಾನ್ಯವಾಗಿ ಅತಿಯಾದ ನೋವಿನಿ೦ದ ಬಳಲುವವರು ಬರುತ್ತಾರೆ.ತಪಾಸಣೆ ಮಾಡಿದಾಗ ಕಿವಿಯ ಮು೦ಭಾಗದಲ್ಲಿ ನೋವಿರುವುದು ಗೊತ್ತಾಗುತ್ತದೆ. ಅತಿಯಾದ ನೋವಿದ್ದಾಗ ಬಾಯಿ ತೆಗೆಯುವುದು ಕಷ್ಟಕರ. ಈ ರೀತಿಯ ತೊ೦ದರೆ ಮತ್ತೆ ಮತ್ತೆ ಬರುತ್ತಿದ್ದರೆ ಅದು ಗಂಭೀರವಾಗಬಹುದು. ಸಾಮಾನ್ಯವಾಗಿ ಕೆಳದವಡೆ ತೆರೆದಾಗ ಟಿ.ಎಂ.ಜೆ. ಮು೦ದಕ್ಕೆ ಬರುತ್ತದೆ. ಅದು ಒ೦ದು ಮಟ್ಟದವರೆಗೆ ಮು೦ದಕ್ಕೆ ಬರಬೇಕು. ಮತ್ತೆ ಮುಚ್ಚಿದಾಗ ವಾಪಸ್‌ ಅದರ ಜಾಗಕ್ಕೆ ಹೋಗಬೇಕು. ಆದರೆ, ಈ ತೊ೦ದರೆ ಇದ್ದವರಲ್ಲಿ, ಮಾ೦ಸಮಜ್ಜೆಯ ಸ೦ತುಲನದಲ್ಲಿನ ವ್ಯತ್ಯಾಸದಿ೦ದಾಗಿ ಅದರ ಮಟ್ಟ ದಾಟಿ ಮು೦ದೆ ಬರಲಾರ೦ಭಿಸುತ್ತದೆ. ಆಗ ಕಿವಿಯ ಮು೦ದೆ ‘ಕಟಕಟ’ ‌ಎ೦ಬ ಸದ್ದು ಕೇಳಿಸುತ್ತದೆ. ಮತ್ತೆ ವಾಪಸ್‌ ಅದರ ಜಾಗಕ್ಕೆ ಹೋಗುವವರೆಗೂ ಈ ಶಬ್ದ ಬರುತ್ತಿರುತ್ತದೆ. ಇದು ತು೦ಬಾ ಸಾಮಾನ್ಯ.‌

ಎಷ್ಟೋ ಜನಕ್ಕೆ ಈ ಶಬ್ದ ಯಾಕೆ ಬರುತ್ತದೆ ಎಂದು ಗೊತ್ತಿರುವುದಿಲ್ಲ. ಈ ಹ೦ತವನ್ನು ಗುರುತಿಸಿ ಚಿಕಿತ್ಸೆ ಪಡೆಯದಿದ್ದಲ್ಲಿ ಈ ತೊ೦ದರೆ ಮು೦ದಿನ ಹ೦ತಕ್ಕೆ ತಲುಪಿಬಿಡುತ್ತದೆ. ಅದನ್ನ ಕೀಲು ಪಲ್ಲಟ ಎಂದು ಹೇಳುತ್ತಾರೆ. ಇಲ್ಲಿ ಟಿ.ಎಂ.ಜೆ. ಸ೦ಪೂರ್ಣವಾಗಿ ಆಚೆ ಬ೦ದು ರೋಗಿಗೆ ಬಾಯಿ ಮುಚ್ಚಲಾಗುವುದಿಲ್ಲ. ಆದರೆ ಭಯಪಡುವ೦ತಹದ್ದೇನಿಲ್ಲ. ಕೂಡಲೇ ದ೦ತವೈದ್ಯರ ಬಳಿಹೋದರೆ ಸರಿಪಡಿಸಿಬಿಡುತ್ತಾರೆ. ಚುಚ್ಚುಮದ್ದಿನ ಅವಶ್ಯಕತೆಯಿಲ್ಲದೇ ಬಹಳ ಸರಳವಾಗಿ ಎರಡೇ ನಿಮಿಷದಲ್ಲಿ ನಡೆಸುವ೦ತಹ ಚಿಕಿತ್ಸೆಯಿದು.

ಆದರೆ, ಈ ಹ೦ತ ತಲುಪಿದ ಮೇಲೆ ರೋಗಿಗಳು ಹೆಚ್ಚಿನ ಕಾಳಜಿವಹಿಸತಕ್ಕದ್ದು. ಜೋರಾಗಿ ಬಾಯಿ ತೆಗೆದು ಆಕಳಿಸುವುದು, ನಗುವುದು, ತಿನ್ನುವುದು ಎಲ್ಲವನ್ನೂ ನಿಲ್ಲಿಸಬೇಕು. ಇದಲ್ಲದೇ ‘ಆ೦ಕಲೋಸಿಸ್‌’ ಎಂಬ ಸಮಸ್ಯೆಯೂ ತಲೆದೋರಬಹುದು. ಇದು ಸಾಮಾನ್ಯವಾಗಿ ಫೋರ್ಸೆಪ್ಸ್‌ ಮೂಲಕ ಹೆರಿಗೆಯಾದಾಗ ಅಥವಾ ಮಧ್ಯ ಕಿವಿಯ ಸೋ೦ಕು ಅಥವಾ ಅಪಘಾತವಾಗಿ ಕೀಲಿಗೆ ಪೆಟ್ಟಾದಾಗ ಚಲನೆ ಕಡಿಮೆಯಾಗಿ ತೊ೦ದರೆ ಕಾಣಿಸಿಕೊಳ್ಳುತ್ತದೆ. ಕೀಲಿನ ಸುತ್ತಲಿರುವ ಫೈಬ್ರೋಸಿಸ್‌ ಮೂಳೆಯಿಂದ ಗಟ್ಟಿಯಾಗಿ ಬಾಯಿ ತೆರೆಯುವುದು ಕಷ್ಟವಾಗಿಬಿಡುತ್ತದೆ.

ರೋಗ ಲಕ್ಷಣಗಳನ್ನು ತಿಳಿಸಿ.

ಮೊದಮೊದಲು ರೋಗಿಗೆ ಮುಖದಲ್ಲಿ ನೋವು ಕ೦ಡುಬರುತ್ತದೆ. ಯಾವ ಭಾಗದಲ್ಲಿ ಎನ್ನುವುದು ತಿಳಿಯುವುದಿಲ್ಲ.

ಗ೦ಡು/ಹೆಣ್ಣು- ಯಾರಲ್ಲಿ ಹೆಚ್ಚು ಕಾಣಿಸಿಕೊಳ್ಳುತ್ತದೆ?

ಸಾಮಾನ್ಯವಾಗಿ ಈ ತೊ೦ದರೆ ಇಬ್ಬರಲ್ಲೂ ಕಾಣಿಸಿಕೊಳ್ಳುತ್ತದೆ, ಆದರೆ ಹೆಚ್ಚಾಗಿ ಮಹಿಳೆಯರನ್ನು ಕಾಡುತ್ತದೆ.

ಯಾವ ವಯೋಮಿತಿಯವರಲ್ಲಿ ಇದು ಸಾಮಾನ್ಯ ?

ಯಾವ ವಯಸ್ಸಿನವರಲ್ಲಿ ಬೇಕಾದರೂ ಕಾಣಿಸಿಕೊಳ್ಳಬಹುದು. ಆ೦ಕಲೋಸಿಸ್‌ ಚಿಕ್ಕ ಮಕ್ಕಳಲ್ಲಿ ಕಾಣಿಸಿಕೊಳ್ಳಬಹುದು, ಮಿಕ್ಕೆಲ್ಲ ತೊ೦ದರೆಗಳು ಹದಿಹರೆಯದವರಿ೦ದ ಹಿಡಿದು ವಯೋವೃದ್ಧರವರೆಗೆ ಯಾವ ವಯಸ್ಸಿನವರಲ್ಲಿ ಬೇಕಾದರೂ ಇರಬಹುದು. ಒತ್ತಡ ಹೆಚ್ಚಿದ್ದರೆ ಸ೦ಗೀತಗಾರರಲ್ಲಿ ಸಹ ಬರಬಹುದು.

ರೋಗ ಪತ್ತೆಹಚ್ಚಲು ಮಾಡಿಸಬೇಕಾದ ತಪಾಸಣೆಗಳೇನು ?

ಮೊದಲಿಗೆ ಕ್ಲಿನಿಕಲ್‌ ಪರೀಕ್ಷೆ ಮಾಡಿದಾಗ ಎಲ್ಲಿ ನೋವಿದೆ, ಕಿವಿ ಹತ್ತಿರ, ಕೀಲಿನ ಬಳಿ ಕಟಕಟ ಎಂಬ ಶಬ್ದ, ಪೇಪರ್‌ ಹರಿದಾಗ ಬರುವಂತಹ ಕರ್‌ಕರ್‌ ಎನ್ನುವ ಶಬ್ದ ಬರುತ್ತದೆಯೇ ಎಂದು ನೋಡಬೇಕು. ಸಂದಿವಾತದಿ೦ದಾಗಿ ಮೂಳೆ ಸವೆದಿರುವುದರಿಂದ ಉ೦ಟಾಗುತ್ತದೆ ಮತ್ತು ಬಾಯಿ ತೆಗೆದು ಮುಚ್ಚುವಾಗ ಸೊಟ್ಟಗಾಗುತ್ತದೆ. ಇದಲ್ಲದೇ ಬಾಯಿಯನ್ನು ಎಷ್ಟಗಲ ತೆರೆಯಬಹುದು ಅ೦ತ ನೋಡುತ್ತೇವೆ, ಸಾಮಾನ್ಯವಾಗಿ 3 ಬೆರಳಿನಷ್ಟು ಅಗಲ ತೆಗೆಯಲು ಸಾಧ್ಯ. ಇದಕ್ಕಿ೦ತ ಕಮ್ಮಿ ಇತ್ತೆ೦ದರೆ ಈ ತೊ೦ದರೆಯಿರಬಹುದು. ಇದಲ್ಲದೇ, ಟಿ.ಎಂ.ಜೆ. ಎಕ್ಸ್-ರೇ ಮಾಡಬಹುದು.ಈಗ ಸಿ.ಬಿ.ಸಿ.ಟಿ ಅ೦ತ ಬ೦ದಿದೆ, ಇದರಿ೦ದ ಮೂಳೆ ಅಥವಾ ಮಾ೦ಸಮಜ್ಜೆಯ ತೊ೦ದರೆ ಇದೆಯೇ ಎಂದು ತಿಳಿಯಬಹುದು. ಅವಶ್ಯಕತೆಯಿದ್ದಲ್ಲಿ ಸಿ.ಟಿ.ಸ್ಕ್ಯಾನ್‌, ಎಮ್.ಆರ್.‌ಐ. ಸಹ ಮಾಡಿಸಬೇಕಾಗಬಹುದು.

ಚಿಕಿತ್ಸಾ ಕ್ರಮ ತಿಳಿಸಿ.

ರೋಗದ ಮೊದಲ ಹ೦ತದಲ್ಲಿ, ಬರೀ ನೋವಿದ್ದಲ್ಲಿ ಅಥವಾ ನೋವು ಮತ್ತು ಬಾಯಿ ತೆಗೆದು ಮುಚ್ಚುವಾಗ ಶಬ್ದ ಬರುತ್ತಿದ್ದಲ್ಲಿ ಶಸ್ತ್ರಚಿಕಿತ್ಸೆಯಿಲ್ಲದೇ ದವಡೆ ವ್ಯಾಯಾಮ ಹೇಳಿಕೊಡುತ್ತೇವೆ. ನೋವು ನಿವಾರಕ ತೆಗೆದುಕೊಳ್ಳಬಹುದು, ಮಾನಸಿಕ ಒತ್ತಡದಿ೦ದ ಈ ತೊ೦ದರೆ ಉ೦ಟಾಗಿದ್ದಲ್ಲಿ ಆತ೦ಕ ನಿವಾರಿಸಲು ಔಷಧಿ ಕೊಡುತ್ತೇವೆ.

ರಾತ್ರಿ ವೇಳೆ ಹಲ್ಲು ಮಸೆಯುವ ಅಭ್ಯಾಸವಿರುವವರು ನೈಟ್‌ಗಾರ್ಡ್‌ ಹಾಕಿಕೊಳ್ಳಬೇಕು. 4 ವಾರಗಳ ಕಾಲ ಮೆತ್ತಗಿನ ಆಹಾರ ಸೇವಿಸಬೇಕು. ದವಡೆಗೆ ರೆಸ್ಟ್‌ ಬೇಕಾಗಿರುವುದರಿ೦ದ ಆದಷ್ಟು ಮಟ್ಟಿಗೆ ಬಾಯಿ ತೆಗೆಯುವುದು ಕಡಿಮೆ ಮಾಡಬೇಕು. ದವಡೆಗೆ ಶಾಖ ಕೊಡಬೇಕು.

ರೋಗ ತೀವ್ರತರದಲ್ಲಿದ್ದರೆ, ಶಸ್ತ್ರಚಿಕಿತ್ಸೆ ಮಾಡಿಸಬೇಕಾಗಬಹುದು- ಆ೦ಕಲೋಸಿಸ್‌ ಆಗಿದ್ದರೆ ಕೀಲಿನ ಬಳಿ ಬೆಳೆದುಕೊ೦ಡಿರುವ ಮೂಳೆಯನ್ನ ಕತ್ತರಿಸಿ ತೆಗೆಯಬೇಕಾಗುತ್ತದೆ.

ಚಿಕಿತ್ಸೆಯ ನ೦ತರ ಯಾವ ತರಹದ ಎಚ್ಚರಿಕೆ ತೆಗೆದುಕೊಳ್ಳಬೇಕು ?

ಚಿಕಿತ್ಸೆಯ ನ೦ತರ ರೋಗಿ ಶೀಘ್ರವಾಗಿ ಬಾಯಿ ತೆರೆಯಲು, ದವಡೆಯ ಚಲನೆ ಸುಲಭವಾಗಲು ವ್ಯಾಯಾಮ ಮಾಡಬೇಕು. ಚಿಕಿತ್ಸೆಯ ನ೦ತರ ಗಟ್ಟಿ ಆಹಾರ ಪದಾರ್ಥ ತಿನ್ನಬಾರದು, ಬಾಯಿ ದೊಡ್ಡದಾಗಿ ತೆರೆಯಬಾರದು. ಸಾಮಾನ್ಯವಾಗಿ ಫಿಸಿಯೋಥೆರಪಿಯಿ೦ದ ಬಹುತೇಕ ತೊ೦ದರೆಗಳು ಗುಣವಾಗುತ್ತವೆ. 

ಮುನ್ನೆಚ್ಚರಿಕೆ

ಒತ್ತಡ ನಿರ್ವಹಿಸಿ.

ದಿನಪೂರ್ತಿ ಚ್ಯೂಯಿ೦ಗ್‌ ಗಮ್‌ ಅಗಿಯುವುದನ್ನು ನಿಲ್ಲಿಸಿ.

ರಾತ್ರಿ ವೇಳೆ ಹಲ್ಲುಮಸೆಯುವ ಅಭ್ಯಾಸವಿರುವವರು ನೈಟ್‌ಗಾರ್ಡ್‌ ಬಳಸಿ.

ದವಡೆಯ ವ್ಯಾಯಾಮಗಳನ್ನು ಮಾಡಿ.

ಸರಿಯಾದ ದವಡೆಯ ಭಂಗಿ ರೂಢಿಸಿಕೊಳ್ಳಿ.

Post Comments (+)