ಶಾಂತಿಪ್ರಕ್ರಿಯೆ: ತಾಲಿಬಾನ್‌ ಮನವೊಲಿಕೆ

ಇಸ್ಲಾಮಾಬಾದ್: ಆಫ್ಗಾನಿಸ್ತಾನದ ಶಾಂತಿ ಪ್ರಕ್ರಿಯೆಯಲ್ಲಿ ಭಾಗಿಯಾದರೆ ಉದ್ಯೋಗ ಭದ್ರತೆ ನೀಡುವುದಾಗಿ ತಾಲಿಬಾನ್ ಬಂಡಕೋರರ ಮನವೊಲಿಕೆಯಲ್ಲಿ ಅಮೆರಿಕ ನಿರತವಾಗಿದೆ.

. ಅಮೆರಿಕ, ಪಾಕಿಸ್ತಾನ, ಚೀನಾ, ರಷ್ಯಾ ಸೇರಿದಂತೆ ವಿವಿಧ ದೇಶಗಳು ಆಫ್ಗನ್ ಶಾಂತಿ ಪ್ರಕ್ರಿಯೆಯಲ್ಲಿ ತೊಡಗಿಸಿಕೊಳ್ಳುವಂತೆ ತಾಲಿಬಾನಿಗಳನ್ನು ಉತ್ತೇಜಿಸುತ್ತಿವೆ ಎಂದು ಡಾನ್ ಪತ್ರಿಕೆ ವರದಿ ಮಾಡಿದೆ.

. ಶಸ್ತ್ರಾಸ್ತ್ರ ತೊರೆದು ಬರುವ ಬಂಡುಕೋರರಿಗೆ ಪುನರ್ವಸತಿ ಕಲ್ಪಿಸುವ ವಿಸ್ತೃತ ಯೋಜನೆಯೊಂದನ್ನು ಅಮೆರಿಕದ ರಕ್ಷಣಾ ಇಲಾಖೆ ಸಿದ್ಧಪಡಿಸಿದೆ ಎಂದು ವರದಿಯಾಗಿದೆ.

. ‘ತಾಲಿಬಾನ್ನ ಕೆಲವು ಸದಸ್ಯರು ಹೋರಾಟದ ಬಗ್ಗೆ ಅಸಹನೆ ಹೊಂದಿದ್ದು, ಶಸ್ತ್ರತ್ಯಾಗಕ್ಕೆ ಸಿದ್ಧರಿದ್ದಾರೆ. ಆದರೆ ತಮ್ಮ ಕುಟುಂಬದ ಸುರಕ್ಷತೆ ಬಗ್ಗೆ ಖಾತರಿಯಾದಲ್ಲಿ ಮತ್ತು ಕುಟುಂಬವನ್ನು ಸರಿದೂಗಿಸುವಷ್ಟು ಹಣ ಗಳಿಸುವ ಅವಕಾಶ ಸಿಕ್ಕಲ್ಲಿ ಮಾತ್ರ ಅವರು ಸಮಾಜಕ್ಕೆ ಮರು ಸೇರ್ಪಡೆಯಾಗುತ್ತಾರೆ’ ಎಂದು ವರದಿ ಅಭಿಪ್ರಾಯಪಟ್ಟಿದೆ.

. ಭದ್ರತೆ ಕುರಿತ ಕಾಳಜಿ ಹಾಗೂ ಆಫ್ಗಾನಿಸ್ತಾನದ ನೆರೆಯ ದೇಶಗಳ ಹಿತದೃಷ್ಟಿಯಿಂದ ಸಿದ್ಧಪಡಿಸಿರುವ ಪ್ರಸ್ತಾವವನ್ನು ಅಮೆರಿಕ ಸಂಸತ್ತಿಗೆ ಪೆಂಟಗಾನ್ ಇದೇ ವಾರ ಕಳುಹಿಸಲಿದೆ.

. ಆಫ್ಗನ್ನಿಂದ ಸೇನೆಯನ್ನು ಹಿಂತೆಗೆದುಕೊಳ್ಳುವ ಪ್ರಕ್ರಿಯೆಯನ್ನು ಅಮೆರಿಕ ಆರಂಭಿಸಿದೆ. ಆದರೆ ಶಾಂತಿ ಪ್ರಕ್ರಿಯೆಯನ್ನು ಜಾರಿಗೊಳಿಸುವ ಕಾರಣ ಅಲ್ಪ ಪ್ರಮಾಣದ ಸೇನೆಯನ್ನು ಅಲ್ಲೇ ಉಳಿಸಿಕೊಳ್ಳಬೇಕು ಎಂಬ ನಿಲುವನ್ನು ಪೆಂಟಗಾನ್ ವ್ಯಕ್ತಪಡಿಸಿದೆ.

. ಈ ನಿಟ್ಟಿನಲ್ಲಿ ಕಳೆದ 16 ತಿಂಗಳಿನಿಂದ ಅಮೆರಿಕ ಹಾಗೂ ಮಿತ್ರದೇಶಗಳು ಕಾರ್ಯಪ್ರವೃತ್ತವಾಗಿವೆ. ಇದರ ಫಲವಾಗಿ ಜೂನ್ನಲ್ಲಿ ಕದನವಿರಾಮ ಏರ್ಪಟ್ಟಿತ್ತು ಎಂದು ಪೆಂಟಗಾನ್ ಹೇಳಿಕೊಂಡಿದೆ. ಎರಡನೇ ಕದನ ವಿರಾಮ ಪ್ರಸ್ತಾವವನ್ನು ತಾಲಿಬಾನ್ ಬಹಿರಂಗವಾಗಿ ಒಪ್ಪಿಕೊಂಡಿಲ್ಲ. ಆದರೆ ಮಾತುಕತೆಗೆ ಉಗ್ರ ಸಂಘಟನೆಯ ಆಂತರಿಕ ಸಭೆಗಳಲ್ಲಿ ಒಲವು ವ್ಯಕ್ತವಾಗಿದೆ.

. ಮಾತುಕತೆ ಕಸರತ್ತು:

. ಈ ಮಧ್ಯೆ ಅಮೆರಿಕ ಹಾಗೂ ತಾಲಿಬಾನ್ ನಡುವೆ ಕೆಲವು ಸುತ್ತಿನ ಮಾತುಕತೆ ನಡೆದಿದೆ.ಆಫ್ಗನ್ ಬಂಡುಕೋರರ ರಾಜಕೀಯ ಕಚೇರಿ ಇರುವಕತಾರ್ನಲ್ಲಿ ಅಮೆರಿಕದ ಪ್ರತಿನಿಧಿ ಝಾಲ್ಮೆ ಖಲೀಲ್ಜಾದ್ ಅವರ ಜೊತೆ ತಾಲಿಬಾನ್ ಸದಸ್ಯರು ಚರ್ಚಿಸಿದ್ದಾರೆ. ಅಮೆರಿಕ ಹೂಡಿರುವ ದೀರ್ಘಕಾಲೀನ ಯುದ್ಧಕ್ಕೆ ಕೊನೆ ಹಾಡುವುದು ಹಾಗೂ ಶಾಂತಿ ಮಾತುಕತೆ ಮುಂದುವರಿಸುವುದು ಸಭೆಯ ಉದ್ದೇಶ.

. ಖಲೀಲ್ಜಾದ್ ಅವರು ಕತಾರ್, ಯುಎಇನಲ್ಲಿ ನಿರಂತರವಾಗಿ ಸಭೆ ನಡೆಸಿದ್ದು, ನೆರೆಯ ದೇಶಗಳಾದ ಪಾಕಿಸ್ತಾನ ಹಾಗೂ ಭಾರತದಲ್ಲಿಯೂ ಮಾತುಕತೆಯಲ್ಲಿ ತೊಡಗಿಸಿಕೊಂಡಿದ್ದಾರೆ.

. ಸೋವಿಯತ್ಗೆ ಆಗಿದ್ದ ಗತಿ ಆಗುತ್ತದೆ: ತಾಲಿಬಾನ್

. ಕಾಬೂಲ್ ವರದಿ: ಆಫ್ಗಾನಿಸ್ತಾನವನ್ನು ತೊರೆಯದಿದ್ದರೆ, 1980ರಲ್ಲಿ ಸೋವಿಯತ್ ಒಕ್ಕೂಟಕ್ಕೆ ಆಗಿದ್ದ ಗತಿ ನಿಮಗೂ ಆಗುತ್ತದೆ ಎಂದು ಅಮೆರಿಕಕ್ಕೆ ತಾಲಿಬಾನ್ ಕಟುವಾಗಿ ಎಚ್ಚರಿಸಿದೆ.

. ಆಫ್ಗನ್ನಿಂದ ಹೊರನಡೆದಿದ್ದ ಸೋವಿಯತ್, ತಾಲಿಬಾನ್ ವಿರುದ್ಧ ನಾಗರಿಕ ಯುದ್ಧದಲ್ಲಿ ತೊಡಗಿತ್ತು.

. ಅಮೆರಿಕ ಹಾಗೂ ತಾಲಿಬಾನ್ ನಡುವಿನ ಸಂಬಂಧವು ಬಿಕ್ಕಟ್ಟಿನ ಬದಲಾಗಿ ಬಲಿಷ್ಠ ರಾಜತಾಂತ್ರಿಕ ನೆಲೆಗಟ್ಟಿನ ಮೇಲೆ ರೂಪುಗೊಳ್ಳಬೇಕು ಎಂದು ತಾಲಿಬಾನ್ ವಕ್ತಾರ ಜಬೀವುಲ್ಲ ಮುಜಾಹಿದ್ ಹೇಳಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಶಾಂತಿಪ್ರಕ್ರಿಯೆ: ತಾಲಿಬಾನ್‌ ಮನವೊಲಿಕೆ

ಚಿನಕುರುಳಿ ಕಾರ್ಟೂನು: ಭಾನುವಾರ, 14 ಸೆಪ್ಟೆಂಬರ್ 2025

ಚಿನಕುರುಳಿ ಕಾರ್ಟೂನು: ಶನಿವಾರ, 13 ಸೆಪ್ಟೆಂಬರ್ 2025

PHOTOS | ಪತ್ನಿ, ಮಕ್ಕಳೊಂದಿಗೆ ರಿಯಲ್‌ ಸ್ಟಾರ್‌ ಉಪೇಂದ್ರ ಮೋಜುಮಸ್ತಿ

ನನ್ನ ಜೀವಕ್ಕೆ ಅರ್ಥ ಕೊಟ್ಟಿದ್ದು ರೋಷನ್ : ವೇದಿಕೆ ಮೇಲೆ ಅನುಶ್ರೀ ಭಾವುಕ

ಯುದ್ಧ ನಿಲ್ಲಿಸುವ ಮೋದಿಗೆ ಭಾರತ-ಪಾಕ್ ಪಂದ್ಯ ನಿಲ್ಲಿಸಲಾಗುತ್ತಿಲ್ಲ: ಸಂಜಯ್ ಲೇವಡಿ

Neeraj vs Arshad: ವಿಶ್ವ ಚಾಂಪಿಯನ್‌ಷಿಪ್‌ನಲ್ಲೂ ಭಾರತ-ಪಾಕಿಸ್ತಾನ ಮುಖಾಮುಖಿ

Davis Cup | ಚಾರಿತ್ರಿಕ ಕ್ಷಣ, ಕ್ವಾಲಿಫೈಯರ್ಸ್‌ಗೆ ಭಾರತ; ಆಟಗಾರರ ಸಂಭ್ರಮ

#BoycottINDVsPAK ಸಾಮಾಜಿಕ ಮಾಧ್ಯಮಗಳಲ್ಲಿ ಟ್ರೆಂಡ್; ಪಂದ್ಯ ಬಹಿಷ್ಕರಿಸಲು ಕರೆ

ಒಳನೋಟ: ಕಿರಾಣಿ ಅಂಗಡಿಗಳಿಗೆ ಗ್ರಹಣ

ಒಳನೋಟ | ನೆರೆ ಸಂತ್ರಸ್ತರ ತೀರದ ಬವಣೆ

Elephant Attack | ಆನೆ ದಾಳಿ ಸಂತ್ರಸ್ತರ ಅರಣ್ಯ ರೋದನ

ಒಳನೋಟ: ಬೆಳಗಾವಿ, ಮಹಾರಾಷ್ಟ್ರ ಗಡಿಯಲ್ಲಿ ಮದ್ಯ ಅಕ್ರಮ ಸಾಗಣೆ ನಿರಂತರ..!

ಚಿನಕುರುಳಿ ಕಾರ್ಟೂನು: ಭಾನುವಾರ, 14 ಸೆಪ್ಟೆಂಬರ್ 2025

ಚಿನಕುರುಳಿ ಕಾರ್ಟೂನು: ಶನಿವಾರ, 13 ಸೆಪ್ಟೆಂಬರ್ 2025

PHOTOS | ಪತ್ನಿ, ಮಕ್ಕಳೊಂದಿಗೆ ರಿಯಲ್‌ ಸ್ಟಾರ್‌ ಉಪೇಂದ್ರ ಮೋಜುಮಸ್ತಿ

ನನ್ನ ಜೀವಕ್ಕೆ ಅರ್ಥ ಕೊಟ್ಟಿದ್ದು ರೋಷನ್ : ವೇದಿಕೆ ಮೇಲೆ ಅನುಶ್ರೀ ಭಾವುಕ