ವಿಶ್ವ ಬ್ಲಿಟ್ಝ್‌ ಚೆಸ್ ಚಾಂಪಿಯನ್‌ಷಿಪ್‌: ಕಾರ್ಲ್‌ಸನ್‌ಗೆ ದಾಖಲೆಯ 9ನೇ ಪ್ರಶಸ್ತಿ

ದೋಹಾ (ಪಿಟಿಐ): ವಿಶ್ವದ ಅಗ್ರಮಾನ್ಯ ಆಟಗಾರ ಮ್ಯಾಗ್ನಸ್ ಕಾರ್ಲ್ಸನ್ ಅವರು ಫಿಡೆ ವಿಶ್ವ ಬ್ಲಿಟ್ಝ್ ಚೆಸ್ ಚಾಂಪಿಯನ್ಷಿಪ್ನಲ್ಲಿ ದಾಖಲೆಯ 9ನೇ ಬಾರಿ ಪ್ರಶಸ್ತಿ ಗೆದ್ದುಕೊಂಡರು. ಮಂಗಳವಾರ ಮುಕ್ತಾಯಗೊಂಡ ಈ ಚಾಂಪಿಯನ್ಷಿಪ್ನಲ್ಲಿ ಭಾರತದ ಗ್ರ್ಯಾಂಡ್ಮಾಸ್ಟರ್ ಅರ್ಜುನ್ ಇರಿಗೇಶಿ ಕಂಚು ಜಯಿಸಿದರು.

. 34 ವರ್ಷ ವಯಸ್ಸಿನ ಕಾರ್ಲ್ಸನ್ ಅವರು ಫೈನಲ್ನಲ್ಲಿ 2.5-1.5 ರಿಂದ ಉಜ್ಬೇಕಿಸ್ತಾನದ ನಾದಿರ್ಬೆಕ್ ಅಬ್ದುಸತ್ತಾರೋವ್ ಅವರನ್ನು ಸೋಲಿಸಿದರು. ಫೈನಲ್ನ ಮೊದಲ ಮೂರು ಆಟಗಳು ಡ್ರಾ ಆದವು. ಅಂತಿಮ ಹಾಗೂ ನಾಲ್ಕನೇ ಆಟದಲ್ಲಿ ಕಾರ್ಲ್ಸನ್ ನಿರ್ಣಾಯಕ ಜಯ ಸಾಧಿಸಿ, ರಾಜನಾಗಿ ಮೆರೆದರು.

. ಸೆಮಿಫೈನಲ್ ಪಂದ್ಯಗಳಲ್ಲಿ ಕಾರ್ಲ್ಸನ್ 3–1 ರಿಂದ ಅಮೆರಿಕದ ಫ್ಯಾಬಿಯಾನೊ ಕರುವಾನ ಅವರನ್ನು ಹಾಗೂ ಅಬ್ದುಸತ್ತಾರೋವ್ 2.5–0.5 ರಿಂದ ಅರ್ಜುನ್ ಅವರನ್ನು ಮಣಿಸಿದ್ದರು. ಅಬ್ದುಸತ್ತಾರೋವ್ ಮೊದಲ ಎರಡು ಪಂದ್ಯಗಳನ್ನು ಗೆದ್ದು, ಮೂರನೆಯದನ್ನು ಡ್ರಾ ಮಾಡಿಕೊಂಡಿದ್ದರು.

. ನಾರ್ವೆಯ ಆಟಗಾರ ಕಾರ್ಲ್ಸನ್ ಹಾಗೂ ವಾರಂಗಲ್ನ ಅರ್ಜುನ್ ಎರಡು ದಿನ ಹಿಂದಷ್ಟೇ ವಿಶ್ವ ರ್ಯಾಪಿಡ್ ಚಾಂಪಿಯನ್ಷಿಪ್ನಲ್ಲಿ ಕ್ರಮವಾಗಿ ಚಿನ್ನ ಹಾಗೂ ಕಂಚಿನ ಪದಕ ಗೆದ್ದಿದ್ದರು.

. ಕಜಕಸ್ತಾನದ ಬಿಬಿಸಾರಾ ಅಸೌಬಯೇವಾ ಅವರು ಮಹಿಳಾ ವಿಭಾಗದಲ್ಲಿ ಕಿರೀಟ ತಮ್ಮದಾಗಿಸಿಕೊಂಡರು. ಏಳನೇ ಶ್ರೇಯಾಂಕದ ಬಿಬಿಸಾರಾ ಅವರು ಫೈನಲ್ನಲ್ಲಿ 2.5-1.5 ರಿಂದ ಉಕ್ರೇನಿನ ಅನ್ನಾ ಮುಝಿಚುಕ್ ವಿರುದ್ಧ ಗೆಲುವು ಸಾಧಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಿಶ್ವ ಬ್ಲಿಟ್ಝ್‌ ಚೆಸ್ ಚಾಂಪಿಯನ್‌ಷಿಪ್‌: ಕಾರ್ಲ್‌ಸನ್‌ಗೆ ದಾಖಲೆಯ 9ನೇ ಪ್ರಶಸ್ತಿ

ಚಿನಕುರುಳಿ: ಮಂಗಳವಾರ, 30 ಡಿಸೆಂಬರ್, 2025

ಚುರುಮುರಿ: ತುಂಬಾ ಲೈಟಾಗಿಬುಟ್ರಿ

ಪುಟ್ಟಣ್ಣ ಸೇರಿ ನಾಲ್ವರಿಗೆ ಮೇಲ್ಮನೆಯ ಕಾಂಗ್ರೆಸ್ ಟಿಕೆಟ್ ಘೋಷಣೆ

ದಿನ ಭವಿಷ್ಯ: ನಿರುದ್ಯೋಗಿಗಳಿಗೆ ಹೊಸ ಕೆಲಸ ಪ್ರಾರಂಭ ಮಾಡುವ ಅವಕಾಶ ಸಿಗಲಿದೆ