ಪುಲ್ವಾಮಾ (ಜಮ್ಮು & ಕಾಶ್ಮೀರ): ಕೇಂದ್ರಾಡಳಿತ ಪ್ರದೇಶದ ಪ್ರಮುಖ ಹಾಲು ಉತ್ಪಾದಕ ಪ್ರದೇಶವಾಗಿರುವ ಜಮ್ಮು ಮತ್ತು ಕಾಶ್ಮೀರದ ಪುಲ್ವಾಮಾ ಜಿಲ್ಲೆಯಲ್ಲಿ ಮೊದಲ ‘ಮಿಲ್ಕ್ ಎಟಿಎಂ’ಆರಂಭವಾಗಿದೆ. ಇಂಟಿಗ್ರೇಟೆಡ್ ಡೈರಿ ಡೆವಲಪ್‌ಮೆಂಟ್ ಸ್ಕೀಮ್ (ಐಡಿಡಿಎಸ್) ಅಡಿಯಲ್ಲಿ ಸ್ಥಳೀಯ ಯುವಕರ ಬೆಂಬಲದೊಂದಿಗೆ ಪಶು ಸಂಗೋಪನೆ ಇಲಾಖೆಯಿಂದ ಪುಲ್ವಾಮಾ ಪಟ್ಟಣದ ಪಹೂ ಪ್ರದೇಶದಲ್ಲಿ ಹಾಲು ಮಾರಾಟ ಯಂತ್ರವನ್ನು ಸ್ಥಾಪಿಸಲಾಗಿದೆ. ಈ ಯೋಜನೆಯಡಿ ಹಾಲು ಎಟಿಎಂಗಳ ಅಭಿವೃದ್ಧಿಗೆ ಅಗತ್ಯವಾದ ಎಲ್ಲಾ ಡೈರಿ ಸಂಸ್ಕರಣಾ ಸಾಧನಗಳಿಗೆ ಸರ್ಕಾರ ಶೇ. 50 ರಷ್ಟು ಸಹಾಯಧನವನ್ನು ನೀಡುತ್ತಿದೆ. ಸರ್ಕಾರದ ಸಹಾಯದಿಂದ ಹಾಲು ಎಟಿಎಂ ಸ್ಥಾಪಿಸಿರುವ ಉದ್ಯಮಿ ಶಬೀರ್ ಅಹ್ಮದ್ ವಾಗೆ, ವಿತರಣಾ ಯಂತ್ರವು ಮೂರು ದಿನಗಳವರೆಗೆ ಹಾಲನ್ನು ತಾಜಾವಾಗಿರಿಸಿಕೊಳ್ಳುತ್ತದೆ ಮತ್ತು ಸ್ಥಳೀಯರಿಗೆ ಹಾಲಿನ ಲಭ್ಯತೆಯನ್ನು ಸುಲಭಗೊಳಿಸುತ್ತದೆ ಎಂದು ವಿವರಿಸಿದ್ದಾರೆ.
