ಕಾಂಗ್ರೆಸ್‌ ಮುಖಂಡ ರಾಹುಲ್ ಗಾಂಧಿ ನೇತೃತ್ವದಲ್ಲಿ ನಡೆಯುತ್ತಿರುವ ಭಾರತ್ ಜೋಡೊ ಯಾತ್ರೆಯು ಈವರೆಗೆ (ಅ.6) ಸುಮಾರು 650 ಕಿ.ಮೀ. ಪಯಣಿಸಿದೆ. ಹೀಗೆ ಯಾತ್ರೆ ಸಾಗುವ ಮಾರ್ಗದಲ್ಲಿ, ಕಾಂಗ್ರೆಸ್‌ನ ರಾಷ್ಟ್ರ–ರಾಜ್ಯ ನಾಯಕರ ಜೊತೆ ಜೊತೆಗೇ, ಶುಭ್ರ ಬಿಳಿ ಬಣ್ಣ ಧರಿಸಿದ ಯುವಕ–ಯುವತಿಯರ ದಂಡೊಂದು ಕಣ್ಣಿಗೆ ಬೀಳುತ್ತದೆ. ಇದು 124 ಜನರ ತಂಡ. ಪಕ್ಷದ ತತ್ವ ಸಿದ್ಧಾಂತವನ್ನು ಒಪ್ಪಿದ, ದೇಶಕ್ಕೆ ವಿಭಿನ್ನ ರೀತಿಯಲ್ಲಿ ಸೇವೆ ಸಲ್ಲಿಸುವ ಉದ್ದೇಶ ಹೊಂದಿರುವ ಈ ತಂಡ, ಯಾತ್ರೆಗೆ ‘ಯುವ ಸ್ಫೂರ್ತಿ’ಯೊಂದನ್ನು ನೀಡಿದೆ. ರಾಹುಲ್ ಗಾಂಧಿಯವರ ಜೊತೆಗೇ, 3,600 ಕಿ.ಮೀ. ದೂರದವರೆಗೆ ನಡೆಯುವ ಪಣ ತೊಟ್ಟಿದೆ.
