<p><strong>ಗ್ವಾಗದೂಗು (ಬುರ್ಕಿನಾ ಫಾಸೊ):</strong> ‘ಈಕ್ವಟೋರಿಯಲ್ ಗಿನಿಯ ಮಿಲಿಟರಿ ಬ್ಯಾರಕ್ಗಳಲ್ಲಿ ಸಂಭವಿಸಿದ ಸರಣಿ ಸ್ಫೋಟಗಳಲ್ಲಿ ಕನಿಷ್ಠ 20 ಮಂದಿ ಮೃತಪಟ್ಟಿದ್ದು, 600ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ’ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.</p>.<p>‘ಭಾನುವಾರ ಸಂಜೆ 4 ಗಂಟೆಗೆ ಈ ಸ್ಪೋಟ ಸಂಭವಿಸಿದ್ದು, ಬಾಟಾದಲ್ಲಿರುವ ಮೊಂಡೊಂಗ್ ನ್ಕುಂಟೊಮಾ ಬಳಿಯಿರುವ ಮಿಲಿಟರಿ ಬ್ಯಾರಕ್ನಲ್ಲಿ ಡೈನಾಮೈಟ್ ನಿರ್ವಹಣೆಯಲ್ಲಿ ನಡೆದ ನಿರ್ಲಕ್ಷ್ಯದಿಂದಾಗಿಈ ಸ್ಪೋಟ ಸಂಭವಿಸಿದೆ. ಇದರಿಂದಾಗಿ ಪಕ್ಕದಲ್ಲಿದ್ದ ಮನೆಗಳು ಕೂಡ ಹಾನಿಯಾಗಿವೆ’ ಎಂದು ಅಧ್ಯಕ್ಷ ಟಿಯೊಡೊರೊ ಒಬಿಯಾಂಗ್ ನ್ಗುಮಾ ಅವರು ಹೇಳಿದರು.</p>.<p>‘ಬ್ಯಾರಕ್ನಲ್ಲಿ ಶಸ್ತ್ರಾಸ್ತ್ರ ಇರಿಸಲಾಗಿದ್ದ ಸ್ಥಳದಲ್ಲಿ ಬೆಂಕಿ ಕಾಣಿಸಿಕೊಂಡಿದ್ದರಿಂದ ಅಲ್ಲಿದ್ದಮದ್ದುಗುಂಡುಗಳು ಸ್ಫೋಟಗೊಂಡಿವೆ. ಈ ಸ್ಫೋಟದಲ್ಲಿ ಒಟ್ಟು 20 ಮಂದಿ ಸಾವಿಗೀಡಾಗಿದ್ದಾರೆ. 600 ಕ್ಕೂ ಹೆಚ್ಚು ಜನರಿಗೆ ಗಾಯಗಳಾಗಿವೆ. ಈ ಬಗ್ಗೆ ಸಂಪೂರ್ಣ ತನಿಖೆ ನಡೆಸಲಾಗುವುದು’ ಎಂದು ಅಲ್ಲಿನ ರಕ್ಷಣಾ ಸಚಿವಾಲಯ ಹೇಳಿಕೆ ಬಿಡುಗಡೆ ಮಾಡಿದೆ. ಬ್ಯಾರಕ್ನ ಸುತ್ತಮುತ್ತ ಹೊಲ ಗದ್ದೆಗಳಿದ್ದು, ಜನರು ಅಲ್ಲಿ ಬೆಂಕಿ ಹಾಕಿದ್ದೇ ಬ್ಯಾರಕ್ಗೆ ಸಹ ಬೆಂಕಿ ಹರಡಲು ಕಾರಣವಾರಿರಬಹುದು ಎಂದು ಅಧ್ಯಕ್ಷರು ಶಂಕಿಸಿದ್ದಾರೆ.</p>.<p>‘ಬಾಟಾದ ಸ್ಥಳೀಯ ಆಸ್ಪತ್ರೆಯಲ್ಲಿ ಗಾಯಾಳುಗಳಿಗೆ ಚಿಕಿತ್ಸೆ ನೀಡಲಾಗುತ್ತಿದೆ.ರಕ್ತದಾನಿಗಳು ಮತ್ತು ಆರೋಗ್ಯ ಕಾರ್ಯಕರ್ತರು ಸ್ವ ಇಚ್ಛೆಯಿಂದ ಮುಂದೆ ಬಂದು ಗಾಯಾಳುಗಳಿಗೆ ನೆರವನ್ನು ನೀಡಬೇಕು’ ಎಂದು ಆರೋಗ್ಯ ಸಚಿವಾಲಯವು ಮನವಿ ಮಾಡಿದೆ.</p>.<p>ಆಫ್ರಿಕಾ ಖಂಡದ ಕ್ಯಾಮರೂನ್ಗೆ ದಕ್ಷಿಣಕ್ಕಿರುವ ಈ ದೇಶದಲ್ಲಿ 13 ಲಕ್ಷ ಜನಸಂಖ್ಯೆ ಇದ್ದು, 1968ರವರೆಗೆ ಇದು ಸ್ಪೇನ್ನ ವಸಾಹತುವಾಗಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಗ್ವಾಗದೂಗು (ಬುರ್ಕಿನಾ ಫಾಸೊ):</strong> ‘ಈಕ್ವಟೋರಿಯಲ್ ಗಿನಿಯ ಮಿಲಿಟರಿ ಬ್ಯಾರಕ್ಗಳಲ್ಲಿ ಸಂಭವಿಸಿದ ಸರಣಿ ಸ್ಫೋಟಗಳಲ್ಲಿ ಕನಿಷ್ಠ 20 ಮಂದಿ ಮೃತಪಟ್ಟಿದ್ದು, 600ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ’ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.</p>.<p>‘ಭಾನುವಾರ ಸಂಜೆ 4 ಗಂಟೆಗೆ ಈ ಸ್ಪೋಟ ಸಂಭವಿಸಿದ್ದು, ಬಾಟಾದಲ್ಲಿರುವ ಮೊಂಡೊಂಗ್ ನ್ಕುಂಟೊಮಾ ಬಳಿಯಿರುವ ಮಿಲಿಟರಿ ಬ್ಯಾರಕ್ನಲ್ಲಿ ಡೈನಾಮೈಟ್ ನಿರ್ವಹಣೆಯಲ್ಲಿ ನಡೆದ ನಿರ್ಲಕ್ಷ್ಯದಿಂದಾಗಿಈ ಸ್ಪೋಟ ಸಂಭವಿಸಿದೆ. ಇದರಿಂದಾಗಿ ಪಕ್ಕದಲ್ಲಿದ್ದ ಮನೆಗಳು ಕೂಡ ಹಾನಿಯಾಗಿವೆ’ ಎಂದು ಅಧ್ಯಕ್ಷ ಟಿಯೊಡೊರೊ ಒಬಿಯಾಂಗ್ ನ್ಗುಮಾ ಅವರು ಹೇಳಿದರು.</p>.<p>‘ಬ್ಯಾರಕ್ನಲ್ಲಿ ಶಸ್ತ್ರಾಸ್ತ್ರ ಇರಿಸಲಾಗಿದ್ದ ಸ್ಥಳದಲ್ಲಿ ಬೆಂಕಿ ಕಾಣಿಸಿಕೊಂಡಿದ್ದರಿಂದ ಅಲ್ಲಿದ್ದಮದ್ದುಗುಂಡುಗಳು ಸ್ಫೋಟಗೊಂಡಿವೆ. ಈ ಸ್ಫೋಟದಲ್ಲಿ ಒಟ್ಟು 20 ಮಂದಿ ಸಾವಿಗೀಡಾಗಿದ್ದಾರೆ. 600 ಕ್ಕೂ ಹೆಚ್ಚು ಜನರಿಗೆ ಗಾಯಗಳಾಗಿವೆ. ಈ ಬಗ್ಗೆ ಸಂಪೂರ್ಣ ತನಿಖೆ ನಡೆಸಲಾಗುವುದು’ ಎಂದು ಅಲ್ಲಿನ ರಕ್ಷಣಾ ಸಚಿವಾಲಯ ಹೇಳಿಕೆ ಬಿಡುಗಡೆ ಮಾಡಿದೆ. ಬ್ಯಾರಕ್ನ ಸುತ್ತಮುತ್ತ ಹೊಲ ಗದ್ದೆಗಳಿದ್ದು, ಜನರು ಅಲ್ಲಿ ಬೆಂಕಿ ಹಾಕಿದ್ದೇ ಬ್ಯಾರಕ್ಗೆ ಸಹ ಬೆಂಕಿ ಹರಡಲು ಕಾರಣವಾರಿರಬಹುದು ಎಂದು ಅಧ್ಯಕ್ಷರು ಶಂಕಿಸಿದ್ದಾರೆ.</p>.<p>‘ಬಾಟಾದ ಸ್ಥಳೀಯ ಆಸ್ಪತ್ರೆಯಲ್ಲಿ ಗಾಯಾಳುಗಳಿಗೆ ಚಿಕಿತ್ಸೆ ನೀಡಲಾಗುತ್ತಿದೆ.ರಕ್ತದಾನಿಗಳು ಮತ್ತು ಆರೋಗ್ಯ ಕಾರ್ಯಕರ್ತರು ಸ್ವ ಇಚ್ಛೆಯಿಂದ ಮುಂದೆ ಬಂದು ಗಾಯಾಳುಗಳಿಗೆ ನೆರವನ್ನು ನೀಡಬೇಕು’ ಎಂದು ಆರೋಗ್ಯ ಸಚಿವಾಲಯವು ಮನವಿ ಮಾಡಿದೆ.</p>.<p>ಆಫ್ರಿಕಾ ಖಂಡದ ಕ್ಯಾಮರೂನ್ಗೆ ದಕ್ಷಿಣಕ್ಕಿರುವ ಈ ದೇಶದಲ್ಲಿ 13 ಲಕ್ಷ ಜನಸಂಖ್ಯೆ ಇದ್ದು, 1968ರವರೆಗೆ ಇದು ಸ್ಪೇನ್ನ ವಸಾಹತುವಾಗಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
