<p><strong>ಲಂಡನ್ </strong>(ಪಿಟಿಐ): ಭಾರತದ ಪ್ರಧಾನಿ ನರೇಂದ್ರ ಮೋದಿ ಹಾಗೂ ಪ್ರಧಾನಿ ಬೋರಿಸ್ ಜಾನ್ಸನ್ ಹಸ್ತಲಾಘವ ಮಾಡುತ್ತಿದ್ದ ಚಿತ್ರವನ್ನು ಒಳಗೊಂಡ ಕರಪತ್ರ ಹಾಗೂ ಅದರಲ್ಲಿ ಮುದ್ರಿತ ವಿಷಯ ಬ್ರಿಟನ್ನ ಸಂಸತ್ನಲ್ಲಿ ಕಾವೇರಿದ ಚರ್ಚೆ ಹಾಗೂ ಗದ್ದಲಕ್ಕೆ ಕಾರಣವಾಯಿತು.</p>.<p>ಈ ವಿಷಯವಾಗಿ ಪ್ರಧಾನಿ ಜಾನ್ಸನ್ ಹಾಗೂ ವಿರೋಧ ಪಕ್ಷದ ನಾಯಕ ಕೀರ್ ಸ್ಟಾರ್ಮರ್ ನಡುವೆ ಆರಂಭವಾದ ಮಾತಿನ ಚಕಮಕಿ ಒಂದು ಹಂತದಲ್ಲಿ ವಿಕೋಪಕ್ಕೆ ಹೋಗಿ, ಗದ್ದಲಕ್ಕೂ ಕಾರಣವಾಯಿತು.</p>.<p>ಬ್ಯಾಟ್ಲೆ–ಸ್ಪೆನ್ ಕ್ಷೇತ್ರಕ್ಕೆ ಇತ್ತೀಚೆಗೆ ನಡೆದ ಉಪಚುನಾವಣೆಯಲ್ಲಿ ಈ ಕರಪತ್ರವನ್ನು ಹಂಚಲಾಗಿತ್ತು. 2019ರಲ್ಲಿ ನಡೆದ ಜಿ–7 ಶೃಂಗಸಭೆಯಲ್ಲಿ ಮೋದಿ ಹಾಗೂ ಜಾನ್ಸನ್ ಅವರು ಭೇಟಿಯಾಗಿದ್ದಾಗ, ಉಭಯ ನಾಯಕರು ಹಸ್ತಲಾಘವ ಮಾಡಿದ್ದ ಚಿತ್ರವನ್ನು ಈ ಕರಪತ್ರದಲ್ಲಿ ಮುದ್ರಿಸಲಾಗಿತ್ತು. ಭಾರತೀಯರನ್ನು ಅವಹೇಳನ ಮಾಡುವ ವಾಕ್ಯಗಳನ್ನು ಕರಪತ್ರದಲ್ಲಿ ಮುದ್ರಿಸಲಾಗಿತ್ತು.</p>.<p>ಈ ಕರಪತ್ರದ ಬಗ್ಗೆ ಆಗ ಬ್ರಿಟನ್ನಲ್ಲಿ ಭಾರಿ ಅಸಮಾಧಾನ ವ್ಯಕ್ತವಾಗಿತ್ತು. ಅದರಲ್ಲೂ ಅಲ್ಲಿನ ಭಾರತೀಯರು ಕರಪತ್ರದಲ್ಲಿನ ವಿಷಯವನ್ನು ಖಂಡಿಸಿದ್ದರು.</p>.<p>ಬ್ರಿಟನ್ನಲ್ಲಿರುವ ಭಾರತೀಯರನ್ನು ವಿರೋಧಿಸುವ ಮನಸ್ಥಿತಿ ಹಾಗೂ ಜನರಲ್ಲಿ ಒಡಕನ್ನುಂಟು ಮಾಡುವ ತಮ್ಮ ಮನೋಭಾವವನ್ನು ಲೇಬರ್ ಪಾರ್ಟಿ ಮುಖಂಡರು ಈ ಕರಪತ್ರದ ಮೂಲಕ ಹೊರಹಾಕಿದ್ದಾರೆ ಎಂದು ಜಾನ್ಸನ್ ದೂರಿದರು.</p>.<p>‘ಲೇಬರ್ ಪಾರ್ಟಿ ಮುಖಂಡರು ಈ ಕರಪತ್ರವನ್ನು ಹಿಂಪಡೆದುಕೊಳ್ಳಬೇಕು’ ಎಂದು ಜಾನ್ಸನ್ ಆಗ್ರಹಿಸಿದರು.</p>.<p>ಈ ಮಾತಿಗೆ ಒಪ್ಪದ ವಿರೋಧ ಪಕ್ಷದ ನಾಯಕ ಸ್ಟಾರ್ಮರ್, ‘ಬ್ರಿಟನ್ನ ಫುಟ್ಬಾಲ್ ಆಟಗಾರರ ವಿರುದ್ಧ ಕೇಳಿ ಬಂದ ಜನಾಂಗೀಯ ನಿಂದನೆಯ ವಿರುದ್ಧ ಆಡಳಿತಾರೂಢ ಕನ್ಸರ್ವೇಟಿವ್ ಪಾರ್ಟಿ ಯಾಕೆ ಹೋರಾಡಲಿಲ್ಲ’ ಎಂದು ಹರಿಹಾಯ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಂಡನ್ </strong>(ಪಿಟಿಐ): ಭಾರತದ ಪ್ರಧಾನಿ ನರೇಂದ್ರ ಮೋದಿ ಹಾಗೂ ಪ್ರಧಾನಿ ಬೋರಿಸ್ ಜಾನ್ಸನ್ ಹಸ್ತಲಾಘವ ಮಾಡುತ್ತಿದ್ದ ಚಿತ್ರವನ್ನು ಒಳಗೊಂಡ ಕರಪತ್ರ ಹಾಗೂ ಅದರಲ್ಲಿ ಮುದ್ರಿತ ವಿಷಯ ಬ್ರಿಟನ್ನ ಸಂಸತ್ನಲ್ಲಿ ಕಾವೇರಿದ ಚರ್ಚೆ ಹಾಗೂ ಗದ್ದಲಕ್ಕೆ ಕಾರಣವಾಯಿತು.</p>.<p>ಈ ವಿಷಯವಾಗಿ ಪ್ರಧಾನಿ ಜಾನ್ಸನ್ ಹಾಗೂ ವಿರೋಧ ಪಕ್ಷದ ನಾಯಕ ಕೀರ್ ಸ್ಟಾರ್ಮರ್ ನಡುವೆ ಆರಂಭವಾದ ಮಾತಿನ ಚಕಮಕಿ ಒಂದು ಹಂತದಲ್ಲಿ ವಿಕೋಪಕ್ಕೆ ಹೋಗಿ, ಗದ್ದಲಕ್ಕೂ ಕಾರಣವಾಯಿತು.</p>.<p>ಬ್ಯಾಟ್ಲೆ–ಸ್ಪೆನ್ ಕ್ಷೇತ್ರಕ್ಕೆ ಇತ್ತೀಚೆಗೆ ನಡೆದ ಉಪಚುನಾವಣೆಯಲ್ಲಿ ಈ ಕರಪತ್ರವನ್ನು ಹಂಚಲಾಗಿತ್ತು. 2019ರಲ್ಲಿ ನಡೆದ ಜಿ–7 ಶೃಂಗಸಭೆಯಲ್ಲಿ ಮೋದಿ ಹಾಗೂ ಜಾನ್ಸನ್ ಅವರು ಭೇಟಿಯಾಗಿದ್ದಾಗ, ಉಭಯ ನಾಯಕರು ಹಸ್ತಲಾಘವ ಮಾಡಿದ್ದ ಚಿತ್ರವನ್ನು ಈ ಕರಪತ್ರದಲ್ಲಿ ಮುದ್ರಿಸಲಾಗಿತ್ತು. ಭಾರತೀಯರನ್ನು ಅವಹೇಳನ ಮಾಡುವ ವಾಕ್ಯಗಳನ್ನು ಕರಪತ್ರದಲ್ಲಿ ಮುದ್ರಿಸಲಾಗಿತ್ತು.</p>.<p>ಈ ಕರಪತ್ರದ ಬಗ್ಗೆ ಆಗ ಬ್ರಿಟನ್ನಲ್ಲಿ ಭಾರಿ ಅಸಮಾಧಾನ ವ್ಯಕ್ತವಾಗಿತ್ತು. ಅದರಲ್ಲೂ ಅಲ್ಲಿನ ಭಾರತೀಯರು ಕರಪತ್ರದಲ್ಲಿನ ವಿಷಯವನ್ನು ಖಂಡಿಸಿದ್ದರು.</p>.<p>ಬ್ರಿಟನ್ನಲ್ಲಿರುವ ಭಾರತೀಯರನ್ನು ವಿರೋಧಿಸುವ ಮನಸ್ಥಿತಿ ಹಾಗೂ ಜನರಲ್ಲಿ ಒಡಕನ್ನುಂಟು ಮಾಡುವ ತಮ್ಮ ಮನೋಭಾವವನ್ನು ಲೇಬರ್ ಪಾರ್ಟಿ ಮುಖಂಡರು ಈ ಕರಪತ್ರದ ಮೂಲಕ ಹೊರಹಾಕಿದ್ದಾರೆ ಎಂದು ಜಾನ್ಸನ್ ದೂರಿದರು.</p>.<p>‘ಲೇಬರ್ ಪಾರ್ಟಿ ಮುಖಂಡರು ಈ ಕರಪತ್ರವನ್ನು ಹಿಂಪಡೆದುಕೊಳ್ಳಬೇಕು’ ಎಂದು ಜಾನ್ಸನ್ ಆಗ್ರಹಿಸಿದರು.</p>.<p>ಈ ಮಾತಿಗೆ ಒಪ್ಪದ ವಿರೋಧ ಪಕ್ಷದ ನಾಯಕ ಸ್ಟಾರ್ಮರ್, ‘ಬ್ರಿಟನ್ನ ಫುಟ್ಬಾಲ್ ಆಟಗಾರರ ವಿರುದ್ಧ ಕೇಳಿ ಬಂದ ಜನಾಂಗೀಯ ನಿಂದನೆಯ ವಿರುದ್ಧ ಆಡಳಿತಾರೂಢ ಕನ್ಸರ್ವೇಟಿವ್ ಪಾರ್ಟಿ ಯಾಕೆ ಹೋರಾಡಲಿಲ್ಲ’ ಎಂದು ಹರಿಹಾಯ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
