ಶುಕ್ರವಾರ, ಮೇ 14, 2021
30 °C
ಚೀನಾ ಉತ್ಪಾದಿತ ಲಸಿಕೆಯ ಕಾರ್ಯಕ್ಷಮತೆ ಪರಾಮರ್ಶೆ

ಕೋವಿಡ್‌: ಐರೋಪ್ಯ ಒಕ್ಕೂಟದಿಂದ ‘ಸಿನೊವ್ಯಾಕ್‌’ ಪರಿಶೀಲನೆ ಆರಂಭ

ಎಪಿ Updated:

ಅಕ್ಷರ ಗಾತ್ರ : | |

Prajavani

ದಿ ಹೇಗ್‌: ಚೀನಾ ಉತ್ಪಾದಿಸಿರುವ ಕೋವಿಡ್‌ ಲಸಿಕೆ ‘ಸಿನೊವ್ಯಾಕ್‌’ ಎಷ್ಟು ಪರಿಣಾಮಕಾರಿ ಹಾಗೂ ಸುರಕ್ಷಿತ ಎಂಬುದರ ಕುರಿತು ಪರಿಶೀಲನಾ ಕಾರ್ಯ ಆರಂಭಿಸಲಾಗಿದೆ ಐರೋಪ್ಯ ಒಕ್ಕೂಟದ (ಇಯು) ಔಷಧ ನಿಯಂತ್ರಕ ಸಂಸ್ಥೆ ಮಂಗಳವಾರ ಹೇಳಿದೆ.

‘ಯುರೋಪಿಯನ್‌ ಮೆಡಿಸಿನ್ಸ್‌ ಏಜೆನ್ಸಿ’ (ಇಎಂಎ) ಎಂಬ ಸಂಸ್ಥೆ ಈ ಪರಿಶೀಲನಾ ಕಾರ್ಯ ನಡೆಯಲಿದೆ. ಒಕ್ಕೂಟದಲ್ಲಿ 27 ಸದಸ್ಯ ರಾಷ್ಟ್ರಗಳಿವೆ. ಚೀನಾ ಉತ್ಪಾದಿತ ಈ ಲಸಿಕೆಯ ಬಳಕೆಗೆ ಅನುಮೋದನೆ ನೀಡುವ ಮೊದಲು ಪರಿಶೀಲನೆಗೆ ಒಕ್ಕೂಟ ಮುಂದಾಗಿದೆ.

‘ಪ್ರಯೋಗಾಲಯ ಹಾಗೂ ಕ್ಲಿನಿಕಲ್‌ ಟ್ರಯಲ್‌ನಲ್ಲಿ ಕಂಡು ಬಂದ ಸಿನೊವ್ಯಾಕ್‌ ಲಸಿಕೆಯ ಕಾರ್ಯಕ್ಷಮತೆಯ ವರದಿಗಳ ಆಧಾರದ ಮೇಲೆ ಪರಿಶೀಲನೆ ನಡೆಸಲಾಗುವುದು. ಆದರೆ, ಈ ಲಸಿಕೆಯನ್ನು ಮಾರಾಟ ಮಾಡುವುದನ್ನು ದೃಢೀಕರಿಸುವಂತೆ ಕೋರಿ ಯಾವುದೇ ಅರ್ಜಿ ಸಲ್ಲಿಕೆಯಾಗಿಲ್ಲ’ ಎಂದು ಇಎಂಎ ತಿಳಿಸಿದೆ.

‘ಸಿನೊವ್ಯಾಕ್‌ ಲಸಿಕೆ ಎಷ್ಟು ಪರಿಣಾಮಕಾರಿ ಹಾಗೂ ಅಡ್ಡಪರಿಣಾಮಗಳ ಪ್ರಮಾಣ ಕುರಿತು  ತಜ್ಞರು ಮೌಲ್ಯಮಾಪನ ಮಾಡುವರು. ಅದರ ಅನುಮೋದನೆಗೆ ಅಗತ್ಯವಿರುವಷ್ಟು ಪುರಾವೆಗಳು ಸಿಕ್ಕರಷ್ಟೇ ಲಸಿಕೆಯನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಲು ದೃಢೀಕರಿಸಲಾಗುವುದು’ ಎಂದೂ ಸಂಸ್ಥೆ ಹೇಳಿದೆ. ಆದರೆ, ಅನುಮೋದನೆಗೆ ಯಾವುದೇ ಕಾಲಮಿತಿ ಇಲ್ಲ ಎಂದೂ ಹೇಳಿದೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು