ವಿಶ್ವಸಂಸ್ಥೆ ಸಾಮಾನ್ಯ ಸಭೆಯಲ್ಲಿ ಶುಕ್ರವಾರ ‘ಮ್ಯಾನ್ಮಾರ್ನ ಪರಿಸ್ಥಿತಿʼಕುರಿತು ಕರಡು ನಿರ್ಣಯವನ್ನು ಅಂಗೀಕರಿಸಲಾಯಿತು. ವಿಶ್ವಸಂಸ್ಥೆಯ 119 ಸದಸ್ಯ ರಾಷ್ಟ್ರಗಳು ಕರಡು ನಿರ್ಣಯದ ಪರ ಮತ ಚಲಾಯಿಸಿದವು. ಮ್ಯಾನ್ಮಾರ್ ಸೇರಿದಂತೆ ನೆರೆಯ ರಾಷ್ಟ್ರಗಳಾದ ಭಾರತ, ಬಾಂಗ್ಲಾದೇಶ, ಭೂತಾನ್, ಚೀನಾ, ಲಾವೋಸ್, ನೇಪಾಳ ಮತ್ತು ಥಾಯ್ಲೆಂಡ್ ಸೇರಿದಂತೆ 36 ರಾಷ್ಟ್ರಗಳು ನಿರ್ಣಯದ ಅಂಗೀಕಾರ ದಿಂದ ದೂರ ಉಳಿದವು. ರಷ್ಯಾ ಕೂಡ ನಿರ್ಣಯದಿಂದ ದೂರ ಉಳಿಯಿತು.ಬೆಲಾರಸ್ ಈ ನಿರ್ಣಯದ ವಿರುದ್ಧ ಮತ ಚಲಾಯಿಸಿದ ಏಕೈಕ ರಾಷ್ಟ್ರವಾಯಿತು.