ಕೊಲಂಬೊ (ಪಿಟಿಐ): ಸುಮಾರು 4 ಕೋಟಿ ಮೌಲ್ಯದ ವಿದೇಶಿ ಕರೆನ್ಸಿಯನ್ನು ಕಳ್ಳಸಾಗಣೆ ಮಾಡುತ್ತಿದ್ದ ಆರೋಪದಡಿ 45 ವರ್ಷದ ಭಾರತೀಯ ಉದ್ಯಮಿಯನ್ನು ಶ್ರೀಲಂಕಾ ಅಂತರರಾಷ್ಟ್ರೀಯ ವಿಮಾನನಿಲ್ದಾಣದಲ್ಲಿ ಅಧಿಕಾರಿಗಳು ಬಂಧಿಸಿದ್ದಾರೆ.
ಬಂಧಿತ ಉದ್ಯಮಿಯ ಹೆಸರು ಬಹಿರಂಗಪಡಿಸಿಲ್ಲ. ಇವರು 117,000 ಕೆನಡಾ ಡಾಲರ್ಗಳು (₹90 ಲಕ್ಷ), 19,000 ಯುರೊ(₹15.8 ಲಕ್ಷ) ಅನ್ನು ಸಾಗಣೆ ಮಾಡುತ್ತಿದ್ದರು. ಉದ್ಯಮಿಯ ವರ್ತನೆ ಕುರಿತು ಗುಮಾನಿಯಿಂದ ಬ್ಯಾಗ್ ತಪಾಸಣೆ ಮಾಡಿದಾಗ ಕೃತ್ಯ ಗೊತ್ತಾಗಿದೆ.
ಚೆನ್ನೈಗೆ ತೆರಳುತ್ತಿದ್ದ ಇಂಡಿಗೊ ವಿಮಾನ ಏರಲು ಉದ್ಯಮಿ ಸಿದ್ಧತೆ ನಡೆಸಿದ್ದರು ಎಂದು ಸ್ಥಳೀಯ ಡೈಲಿ ನ್ಯೂಸ್ ಲಂಕಾ ವರದಿ ಮಾಡಿದೆ.