ಗುರುವಾರ , ಜೂನ್ 24, 2021
24 °C

ಜೆರುಸಲೇಂ ಪವಿತ್ರ ಸ್ಥಳದಲ್ಲಿ ಘರ್ಷಣೆ: 153 ಮಂದಿ ಆಸ್ಪತ್ರೆಗೆ ದಾಖಲು

ಎಪಿ Updated:

ಅಕ್ಷರ ಗಾತ್ರ : | |

Prajavani

ಜೆರುಸಲೇಂ: ಇಲ್ಲಿನ ಪವಿತ್ರ ಸ್ಥಳ ಅಲ್ ಅಕ್ಸಾ ಮಸೀದಿ ಆವರಣದಲ್ಲಿ ಸೋಮವಾರ ಪ್ಯಾಲೆ ಸ್ಟೀನಿಯರು ಮತ್ತು ಪೊಲೀಸರ ನಡುವೆ ಘರ್ಷಣೆಯಲ್ಲಿ ಕನಿಷ್ಠ 215 ಪ್ಯಾಲೆ ಸ್ಟೀನಿಯರು ಗಾಯಗೊಂಡಿದ್ದಾರೆ. ಗಾಯಗೊಂಡವರಲ್ಲಿ 153 ಮಂದಿಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಪ್ಯಾಲೆ ಸ್ಟೀನಿಯನ್ನರ ಮೇಲೆ ಇಸ್ರೇಲಿ ಪೊಲೀಸರು ಅಶ್ರುವಾಯು, ಗ್ರನೇಡ್ ಹಾಗೂ ರಬ್ಬರ್ ಲೇಪಿತ ಗುಂಡುಗಳನ್ನು ಪ್ರಯೋಗಿಸಿದರು. ಇದಕ್ಕೆ ಪ್ರತಿಯಾಗಿ ಪ್ಯಾಲೆಸ್ಟೀನಿಯರು ಪ್ರತಿಭಟನಕಾರರು ಪೊಲೀಸರ ಮೇಲೆ ಕಲ್ಲುತೂರಾಟ ನಡೆಸಿದರು. ಇದರಿಂದಾಗಿ ಹಲವರು ಗಾಯಗೊಂಡರು.

ಆಸ್ಪತ್ರೆಗೆ ದಾಖಲಾದ 153 ಪ್ಯಾಲೆ ಸ್ಟೀನಿಯನ್ನರಲ್ಲಿ ನಾಲ್ವರ ಸ್ಥಿತಿ ಗಂಭೀರವಾಗಿದೆ. ಘರ್ಷಣೆಯಲ್ಲಿ 9 ಪೊಲೀಸ್ ಅಧಿಕಾರಿಗಳು ಗಾಯಗೊಂಡಿದ್ದು, ಒಬ್ಬ ಅಧಿಕಾರಿಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ವೈದ್ಯರು ತಿಳಿಸಿದ್ದಾರೆ.

ಪೂರ್ವ ಜೆರುಸಲೇಂನ ಶೇಖ್ ಜರಾ ಆಸುಪಾಸಿನ ಪ್ರದೇಶಗಳಲ್ಲಿ ನೆಲೆಸಿರುವ ಪ್ಯಾಲೆಸ್ಟೀನಿಯನ್‌ ಕುಟುಂಬಗಳನ್ನು ಬಲವಂತವಾಗಿ ಹೊರದಬ್ಬಲು ಇಸ್ರೇಲ್ ನಿರತವಾಗಿದೆ. ಇದನ್ನು ವಿರೋಧಿಸಿ ಪ್ಯಾಲೆ ಸ್ಟೀನಿಯನ್ನರು ಪ್ರತಿಭಟನೆ ನಡೆಸುತ್ತಿದ್ದಾರೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು