ಅಮೆರಿಕ: ಕೋವಿಡ್‌ ನಿರ್ಬಂಧ ವಿಸ್ತರಣೆಗೆ ಪೆಲೊಸಿ, ಡೆಮಾಕ್ರಟಿಕ್ ನಾಯಕರ ಒತ್ತಾಯ

ಕೊರೊನಾ ಸೋಂಕು ಉಲ್ಬಣವಾಗುತ್ತಿರುವ ಸಮಯದಲ್ಲಿ ಅಮೆರಿಕನ್ನರು ಮನೆಯಿಂದ ಹೊರ ಬರದಂತೆ, ತಾವೇ ‘ನೈತಿಕ ನಿರ್ಬಂಧವನ್ನು‘ ವಿಧಿಸಿಕೊಳ್ಳುವಂತೆ ಜನರ ಮನವೊಲಿಸುವತ್ತ ಬೈಡನ್ ಸರ್ಕಾರ ಕಾರ್ಯನಿರ್ವಹಿಸುವಂತೆ ಅವರು ಒತ್ತಾಯಿಸಿದರು.

ಕೋವಿಡ್‌ ಸಾಂಕ್ರಾಮಿಕದ ಸಂಬಂಧ ಈಗಾಗಲೇ ವಿಧಿಸಿದ್ದ ನಿರ್ಬಂಧ ಶನಿವಾರ ರಾತ್ರಿಗೆ ಕೊನೆಗೊಂಡಿದ್ದು, ಅದನ್ನು ವಿಸ್ತರಿಸುವ ಆದೇಶ ಹೊರಡಿಸಲು ಸಂಸತ್ತಿಗೆ ಸಾಧ್ಯವಾಗಲಿಲ್ಲ. ಈಗ ಆ ಕೆಲಸವನ್ನು ಜೋ ಬೈಡನ್ ಆಡಳಿತ ಮಾಡಬೇಕಿದೆ ಎಂದು ಡೆಮಾಕ್ರಟಿಕ್ ಪಕ್ಷದ ನಾಯಕರು ಹೇಳಿದ್ದು, ತಕ್ಷಣವೇ ನಿರ್ಬಂಧವನ್ನು ವಿಸ್ತರಿಸುವಂತೆ ಆಡಳಿತಕ್ಕೆ ತಿಳಿಸಿದ್ದಾರೆ.

‘ಸೋಂಕು ನಿಯಂತ್ರಣಖ್ಕೆ ತಕ್ಷಣವೇ ಕ್ರಮ ಕೈಗೊಳ್ಳುವ ಅಗತ್ಯವಿದೆ. ಆ ಕೆಲಸವನ್ನೂ ಬೈಡನ್ ಆಡಳಿತವೇ ಮಾಡಬೇಕು‘ ಎಂದು ಪೆಲೊಸಿ, ಸ್ಟೆನಿ ಹೋಯರ್, ವಿಪ್ ಜೇಮ್ಸ್ ಇ.ಕ್ಲೈಬರ್ನ್ ಮತ್ತು ಸಹಾಯಕ ಸ್ಪೀಕರ್ ಕ್ಯಾಥರೀನ್ ಕ್ಲಾರ್ಕ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.