ಬುಧವಾರ, ಡಿಸೆಂಬರ್ 7, 2022
22 °C

ಕೆನಡಾದ ಕಾಯಂ ನಿವಾಸಿಗಳಿಗೆ ಸೇನೆ ಸೇರುವ ಅವಕಾಶ: ಭಾರತಿಯರಿಗೂ ಅನುಕೂಲ

ಪಿಟಿಐ Updated:

ಅಕ್ಷರ ಗಾತ್ರ : | |

ಟೊರಾಂಟೊ (ಪಿಟಿಐ): ‘ಸೈನಿಕರ ಕೊರತೆ ಎದುರಿಸುತ್ತಿರುವ ಕೆನಡಾ ಶಸ್ತ್ರಾಸ್ತ್ರ ಪಡೆಯು (ಸಿಎಎಫ್‌) ದೇಶದ ಕಾಯಂ ನಿವಾಸಿಗಳಿಗೆ ಸೇನೆ ಸೇರಲು ಅವಕಾಶ ಕಲ್ಪಿಸಿದೆ. ಇದರಿಂದ ಆ ದೇಶದಲ್ಲಿ ಅಧಿಕ ಸಂಖ್ಯೆಯಲ್ಲಿ ನೆಲೆಸಿರುವ ಭಾರತೀಯರಿಗೆ ಹೆಚ್ಚು ಅನುಕೂಲವಾಗಲಿದೆ’ ಎಂದು ಸ್ಥಳೀಯ ಮಾಧ್ಯಮವೊಂದು ವರದಿ ಮಾಡಿದೆ. 

‘ತನ್ನ ಹಳೆಯ ನೇಮಕಾತಿ ಪ್ರಕ್ರಿಯೆಯನ್ನು ಬದಲಿಸುವುದಾಗಿ ರಾಯಲ್‌ ಕೆನಡಿಯನ್‌ ಮೌಂಟೆಡ್‌ ಪೊಲೀಸ್‌ (ಆರ್‌ಸಿಎಂಪಿ) ಈ ಹಿಂದೆ ಘೋಷಿಸಿತ್ತು. ಅದಾಗಿ ಐದು ವರ್ಷಗಳ ಬಳಿಕ ನೇಮಕಾತಿ ಪ್ರಕ್ರಿಯೆಯಲ್ಲಿ ಬದಲಾವಣೆ ತರಲಾಗಿದೆ. ಅದರ ಪ್ರಕಾರ ಕೆನಡಾದಲ್ಲಿ 10 ವರ್ಷ ವಾಸವಿದ್ದವರು ಸೇನೆಗೆ ಅರ್ಜಿ ಸಲ್ಲಿಸಬಹುದಾಗಿದೆ’ ಎಂದು ಸಿಟಿವಿ ನ್ಯೂಸ್‌ ವರದಿಯಲ್ಲಿ ತಿಳಿಸಿದೆ.

18 ವರ್ಷ ಮೇಲ್ಪಟ್ಟ, 10 ಅಥವಾ 12ನೇ ತರಗತಿ ವಿದ್ಯಾರ್ಹತೆ ಹೊಂದಿರುವವರು ಅರ್ಜಿ ಸಲ್ಲಿಸಲು ಅರ್ಹರಾಗಿದ್ದಾರೆ. 

‘ಶತ್ರು ರಾಷ್ಟ್ರಗಳ ದಾಳಿಯಿಂದ ಪಾರಾಗಬೇಕಾದರೆ ಸಿಎಎಫ್‌ ತನ್ನ ಶಕ್ತಿಯನ್ನು ಮತ್ತಷ್ಟು ಹೆಚ್ಚಿಸಿಕೊಳ್ಳಬೇಕು’ ಎಂದು ಕೆನಡಾದ ರಕ್ಷಣಾ ಸಚಿವೆ ಅನಿತಾ ಆನಂದ್‌ ಈ ವರ್ಷದ ಮಾರ್ಚ್‌ನಲ್ಲಿ ಹೇಳಿದ್ದರು.

‘ಕಾಯಂ ನಿವಾಸಿಗಳಿಗೆ ಸೇನೆ ಸೇರಲು ಅನುವು ಮಾಡಿಕೊಟ್ಟಿರುವ ಸಿಎಎಫ್‌ನ ನಿರ್ಧಾರ ಸ್ವಾಗತಾರ್ಹವಾದುದು’ ಎಂದು ಕೆನಡಾದ ರಾಯಲ್‌ ಮಿಲಿಟರಿ ಕಾಲೇಜ್‌ನ ಪ್ರಾಧ್ಯಾಪಕ ಕ್ರಿಸ್ಟಿಯನ್ ಲಿಯುಪ್ರೆಚ್‌ ತಿಳಿಸಿದ್ದಾರೆ. 

 

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು